شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 11 ـ رەتكى توپتىق ۇيرەنۋىندە بىلاي دەپ باسا دارىپتەدى
جاڭا ساپالى وندىرگىش كۇشتەردى جەدەل دامىتىپ، جوعارى ساپالى دامۋدى تىڭعىلىقتى ىلگەرىلەتۋ كەرەك
شينحۋا اگەنتتىگىنىڭ 2 ـ ايدىڭ 1 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 1 ـ ايدىڭ 31 ـ كۇنى تۇستەن كەيىن جوعارى ساپالى دامۋدى تىڭعىلىقتى ىلگەرىلەتۋ جونىندە 11 ـ رەتكى توپتىق ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: جوعارى ساپالى دامۋدىڭ جاڭا داۋىردەگى بۇلجىماس قاعيدا ەكەندىگىن، ٴسوز جوق، ەستە بەرىك ساقتاپ، جاڭا دامۋ ۇستانىمىن جاپپاي دايەكتىلەندىرىپ، وسىزاماندانعان شارۋاشىلىق جۇيەسىن جەدەل قۇرۋ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋدى ىلگەرىلەتۋ، جاڭا دامۋ ارناسىن جەدەل قالىپتاستىرۋ، تەرەڭ قاتپارلى رەفورما مەن جوعارى دەڭگەيدە ەسىك اشۋدى ٴبىر تۇتاس جوسپارلاپ ىلگەرىلەتۋ، جوعارى ساپالى دامۋ مەن جوعارى دەڭگەيلى حاۋىپسىزدىكتى ٴبىر تۇتاس جوسپارلاۋ سياقتى ستراتەگيالىق مىندەتتەردى تىڭعىلىقتى تياناقتاندىرىپ، جوعارى ساپالى دامۋدى ىلگەرىلەتۋ بويىنشا باعالاۋ، باعا بەرۋ جۇيەسىن كەمەلدەندىرىپ، جوعارى ساپالى دامۋدى ىلگەرىلەتۋدىڭ نەگىزىن بەكەمدەۋ كەرەك. جاڭا ساپالى وندىرگىش كۇشتەردى دامىتۋ _ جوعارى ساپالى دامۋدى ىلگەرىلەتۋدىڭ ىشكى تالابى جانە ماڭىزدى كۇش سالۋ ٴتۇيىنى، جاڭالىق اشۋ سىندى وسى ۇلكەن ٴىستى، ٴسوز جوق، ۇزدىكسىز ويداعىداي ىستەپ، جاڭا ساپالى وندىرگىش كۇشتەردىڭ جەدەل دامۋىن ىلگەرىلەتۋ كەرەك.
وسى رەتكى ورتالىق كوميتەت ساياسي بيۋروسىنىڭ توپتىق ۇيرەنۋىندە ورتالىق كوميتەتتىڭ ساياسي بيۋروسىنداعى جولداستار وزدىكتەرىنەن ۇيرەندى ٴارى قىزمەت اسەرلەرى جونىندە وي ورتاقتاستى، ما شيڭرۇي، حى ليفىڭ، جاڭ گوچيڭ، يۋان جياجۇن جولداستار جاۋاپتى سالانىڭ جانە جەرگىلىكتى ورىننىڭ قىزمەتىمەن ۇشتاستىرىپ لەبىز ٴبىلدىردى، ليۋ گوجۇڭ، چىن مين ـ ىر جولداستار جازباشا سوزدەرىن تاپسىردى، كوپشىلىك پىكىر اۋىستىردى.
شي جينپيڭ ۇيرەنۋدى باسقارعاندا ماڭىزدى ٴسوز سويلەدى. ول بىلاي دەپ اتاپ كورسەتتى: جاڭا داۋىردەن بەرى، پارتيا ورتالىق كوميتەتى ٴبىر قىدىرۋ كەلەلى شەشىم، ورنالاستىرۋلار جاساپ، جوعارى ساپالى دامۋدىڭ بۇكىل پارتيانىڭ، بۇكىل قوعامنىڭ ورتاق تانىمى مەن سانالى ارەكەتىنە اينالۋىن، ەكونوميكالىق، قوعامدىق دامۋدىڭ نەگىزگى اۋەنىنە اينالۋىن ىلگەرىلەتتى. سوڭعى جىلدارى، ەلىمىزدىڭ عىلىم ـ تەحنيكادا جاڭالىق اشۋ جەتىستىكتەرى سۇبەلى، جاڭالىق اشۋ ارقىلى دامۋعا دەم بەرۋ ناتيجەلەرى كۇن سايىن كورنەكتى بولدى؛ قالا، اۋىل وڭىرلەرىنىڭ دامۋداعى سايكەسىمدىلىگى، تەڭگەرىمدىلىگى كورنەكتى كۇشەيدى؛ رەفورما جاساۋ، ەسىك اشۋ جاپپاي تەرەڭدەتىلىپ، دامۋدىڭ قوزعاۋشى قۋاتى، ومىرشەڭدىك كۇشى جارىسا تۋىنداپ، تولىق جارىققا شىقتى؛ جاسىل، تومەن كومىر قىشقىل گازدى بولۋعا قاراي ويىسۋدىڭ ونىمدىلىگى كورنەكتىلەنىپ، دامۋ تاسىلىندە بۇرىلىس جاساۋدىڭ قادامى جەدەلدەتىلىپ، جوعارى ساپالى دامۋدا كورنەكتى ناتيجەگە قول جەتتى. سونىمەن بىرگە جوعارى ساپالى دامۋعا تۇساۋ بولاتىن فاكتورلار ٴالى دە زور مولشەردە ورىن تەبۋدە، بارىنشا ٴمان بەرۋ، شىنايى شەشۋ كەرەك.
شي جينپيڭ بىلاي دەپ باسا دارىپتەدى: جوعارى ساپالى دامۋ جاڭا وندىرگىش كۇش نازارياسىمەن جەتەكشىلىك ەتۋگە مۇقتاج، ال جاڭا ساپالى وندىرگىش كۇش اماليات بارىسىندا قالىپتاسىپ بولدى ٴارى جوعارى ساپالى دامۋدا قۇدىرەتتى ىلگەرىلەتۋ قۋاتىن، تىرەكتىك قۋاتىن ايگىلەپ، نازاريالىق جاقتان قورىتىندىلاۋ، جيناقتاۋ ارقىلى جاڭا دامۋ امالياتىنا جەتەكشىلىك ەتۋىمىزدى قاجەت ەتۋدە. قورىتىپ ايتقاندا، جاڭا ساپالى وندىرگىش كۇش _ جاڭالىق اشۋدا باستاماشىلدىق رول اتقاراتىن، ٴداستۇرلى ەكونوميكالىق ارتۋ تاسىلىنەن، وندىرگىش كۇشتەردىڭ دامۋ جولىنان ارىلعان، جوعارى عىلىم ـ تەحنيكالىق، جوعارى ونىمدىلىك، جوعارى ساپالىق ەرەكشەلىككە يە، جاڭا دامۋ ۇستانىمىنا ۇيلەسەتىن وزىق وندىرگىش كۇشتەردىڭ ساپالىق كۇيى. ول تەحنيكاداعى توڭكەرىستىك سەرپىلىس، ٴوندىرىس فاكتورلارىنداعى جاسامپازدىق سيپاتتى ورنالاستىرۋ، كاسىپ سالالارىنداعى تەرەڭدەي تيبىن وزگەرتىپ، دارەجەسىن جوعارىلاتۋدان تۋىنداعان، ەڭبەككۇشتەردى، ەڭبەك ماتەريالدارىن، ەڭبەك وبيەكتىلەرىن جانە ولاردىڭ ساپالىلانعان بىرلەستىگى دەڭگەيىنىڭ جوعارىلاۋىن نەگىزگى ىشكى ٴمان ەتكەن، جالپى فاكتورلىق ٴوندىرىس ونىمدىلىگىنىڭ زور كولەمدە ارتۋىن وزەكتى بەلگى ەتكەن بولىپ، ەرەكشەلىگى _ جاڭالىق اشۋ، تەتىگى _ ساپانىڭ جاقسى بولۋى، ٴمانى _ وزىق وندىرگىش كۇش.
شي جينپيڭ بىلاي دەپ اتاپ كورسەتتى: عىلىم ـ تەحنيكادا جاڭالىق اشۋ جاڭا كاسىپ سالاسىن، جاڭا ۇلگىنى، جاڭا قوزعاۋشى قۋاتتى تۋدىرادى، جاڭا ساپالى وندىرگىش كۇشتەردى دامىتۋدىڭ وزەكتى فاكتورى سانالادى. ٴسوز جوق، عىلىم ـ تەحنيكادا جاڭالىق اشۋدى، اسىرەسە، ٴتول جاسامپازدىق سيپاتتى، توڭكەرىستىك سيپاتتى عىلىم ـ تەحنيكادا جاڭالىق اشۋدى كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋدى جەدەل جۇزەگە اسىرىپ، شەشۋشى، وزەكتى تەحنيكالاردان قامال الۋ شايقاسىن ويداعىداي جۇرگىزىپ، ٴتول جاسامپازدىق سيپاتتى، توڭكەرىستىك سيپاتتى عىلىم ـ تەحنيكادا جاڭالىق اشۋ جەتىستىكتەرىن ىركەس ـ تىركەس جارىققا شىعارىپ، جاڭا ساپالى وندىرگىش كۇشتەردىڭ جاڭا قوزعاۋشى قۋاتىن جەتىلدىرۋ، دامىتۋ كەرەك.
شي جينپيڭ بىلاي دەپ باسا دارىپتەدى: عىلىم ـ تەحنيكادا جاڭالىق اشۋ جەتىستىكتەرىن ناقتى كاسىپ سالاسىندا جانە كاسىپ سالاسى تىزبەگىندە دەر كەزىندە قولدانىپ، ٴداستۇرلى كاسىپ سالالارىن جاقسارتىپ، دەڭگەيىن جوعارىلاتىپ، جاڭادان گۇلدەنگەن كاسىپ سالالارىن جەتىلدىرىپ، زورايتىپ، بولاشاق كاسىپ سالالارىن ورنالاستىرىپ، قۇرىپ، وسى زامانعى كاسىپ سالاسى جۇيەسىن كەمەلدەندىرۋ كەرەك. جاڭا ساپالى وندىرگىش كۇشتەردى دامىتۋدى ارقاۋ ەتىپ، كاسىپ سالالارى تىزبەگىن ورنالاستىرىپ، كاسىپ سالاسى تىزبەگىنىڭ، قامداۋ تىزبەگىنىڭ سەرپىمدىلىگىن جانە حاۋىپسىزدىك دەڭگەيىن جوعارىلاتىپ، كاسىپ سالاسى جۇيەسىنىڭ ٴوزىن ـ ٴوزى مەڭگەرە الاتىن بولۋىنا، حاۋىپسىز دە سەنىمدى بولۋىنا كەپىلدىك ەتۋ كەرەك. جاڭاشا ونەركاسىپتەندىرۋدى ىلگەرىلەتۋ جانە جاساۋدا قۇدىرەتتى ەل، ساپادا قۇدىرەتتى ەل، ينتەرنەتتە قۇدىرەتتى ەل، سيفرلى جۇڭگو جانە اۋىل شارۋاشىلىعىندا قۇدىرەتتى ەل قۇرۋدى جەدەلدەتۋ سياقتى ستراتەگيالىق مىندەتتەردى ارقاۋ ەتىپ، عىلىم ـ تەحنيكادا جاڭالىق اشۋدى، كاسىپ سالاسىندا جاڭالىق اشۋدى عىلمي ورنالاستىرۋ كەرەك. سيفرلى شارۋاشىلىقتى زور كۇشپەن دامىتىپ، سيفرلى شارۋاشىلىق پەن ناقتى شارۋاشىلىقتىڭ تەرەڭدەي توعىسۋىن جەبەپ، حالىقارالىق باسەكەلىك قۋاتقا يە سيفرلى كاسىپ سالالارى شوعىرىن تۇلعالاۋ كەرەك.
شي جينپيڭ بىلاي دەپ اتاپ كورسەتتى: جاسىل دامۋ _ جوعارى ساپالى دامۋدىڭ ٴتۇپ بوياۋى، جاڭا ساپالى وندىرگىش كۇشتىڭ ٴوزى جاسىل وندىرگىش كۇش. ٴسوز جوق، دامۋ تاسىلىندە جاسىلعا ويىسۋدى جەدەلدەتىپ، كومىر قىشقىل گازىنىڭ شىعارىلۋىن ەڭ جوعارى مانگە جەتكىزۋگە، كومىر قىشقىل گازىن بەيتاراپتاندىرۋعا دەم بەرۋ كەرەك. تۇنىق سۋ، جاسىل تاۋ _ باعالى بايلىق ۇستانىمىن بەرىك ورناتىپ جانە ونى امالياتتا ايگىلەپ، ەكولوگيانى الدىمەن ويلاستىرۋ، جاسىل دامۋ جولىمەن بۇلجىماي ٴجۇرۋ كەرەك. جاسىل عىلىم ـ تەحنيكادا جاڭالىق اشۋدى جانە وزىق، جاسىل تەحنيكانى جالپىلاستىرۋدى، قولدانۋدى جەدەلدەتىپ، جاسىل جاساۋ كاسىبىن كۇشەيتىپ، جاسىل قىزمەت وتەۋ كاسىبىن دامىتىپ، جاسىل ەنەرگيا كاسىپ سالاسىن زورايتىپ، جاسىل، تومەن كومىر قىشقىل گازدى كاسىپ سالالارى مەن قامداۋ تىزبەگىن دامىتىپ، جاسىل، تومەن كومىر قىشقىل گازدى اينالمالى ەكونوميكا جۇيەسىن قالىپتاستىرۋ كەرەك. جاسىل، تومەن كومىر قىشقىل گازدى دامۋدى قولدايتىن ەكونوميكالىق ساياسات قۇرال ساندىعىن ۇزدىكسىز ساپالىلاندىرىپ، جاسىل فينانستىڭ جەتەكتەۋ رولىن ساۋلەلەندىرىپ، جوعارى ٴونىمدى، ەكولوگيالىق، جاسىل كاسىپ سالالارى شوعىرىن تۇلعالاۋ كەرەك. سونىمەن بىرگە بۇكىل قوعامدا جاسىل، اقاۋسىز تۇرمىس ٴتاسىلىن زور كۇشپەن دارىپتەۋ كەرەك.
شي جينپيڭ بىلاي دەپ باسا دارىپتەدى: وندىرىستىك قاتىناس، ٴسوز جوق، وندىرگىش كۇشتەردىڭ دامۋ تالابىنا ۇيلەسۋى كەرەك. جاڭا ساپالى وندىرگىش كۇشتەردى دامىتۋدا، ٴسوز جوق، رەفورمانى ونان ارى جاپپاي تەرەڭدەتىپ، وعان ۇيلەسەتىن جاڭاشا وندىرىستىك قاتىناستى قالىپتاستىرۋ كەرەك. ەكونوميكالىق ٴتۇزىلىس، عىلىم ـ تەحنيكا ٴتۇزىلىسى سياقتى رەفورمالاردى تەرەڭدەتىپ، جاڭا ساپالى وندىرگىش كۇشتەردىڭ دامۋىنا تۇساۋ بولىپ وتىرعان كەپتەلىستى تۇيىندەردى، كەدەرگىلى تۇيىندەردى كۇش سالا اشىپ، جوعارى ولشەمدى بازار جۇيەسىن ورناتىپ، ٴوندىرىس فاكتورلارىن ورنالاستىرۋ تاسىلىندە جاڭالىق اشىپ، ٴتۇرلى وزىق، ساپالى ٴوندىرىس فاكتورلارىنىڭ جاڭا ساپالى وندىرگىش كۇشتەردى دامىتۋعا قاراي ىركىلىسسىز اعىلۋىنا مۇمكىندىك جاساۋ كەرەك. سونىمەن بىرگە جوعارى دەڭگەيدە سىرتقا ەسىك اشۋ اياسىن كەڭەيتىپ، جاڭا ساپالى وندىرگىش كۇشتەردى دامىتۋعا تاماشا حالىقارالىق ورتا جاراتۋ كەرەك.
شي جينپيڭ بىلاي دەپ باسا دارىپتەدى: جاڭا ساپالى وندىرگىش كۇشتەردى دامىتۋدىڭ تالابى بويىنشا وقۋ ـ اعارتۋدىڭ، عىلىم ـ تەحنيكانىڭ، دارىندىلاردىڭ ۇتىمدى اينالىسىن ىركىلىسسىزدەندىرىپ، دارىندىلاردى باۋلۋ، ەنگىزۋ، ىستەتۋ، ۇيلەسىمدى اينالىمعا ٴتۇسىرۋ قىزمەت مەحانيزمىن كەمەلدەندىرۋ كەرەك. عىلىم ـ تەحنيكا دامۋىنىڭ جاڭا بەتالىسى بويىنشا جوعارى مەكتەپتەردىڭ ٴپان ورنالاستىرۋ، دارىندىلاردى باۋلۋ ۇلگىسىن ساپالىلاندىرىپ، جاڭا ساپالى وندىرگىش كۇشتەردى دامىتۋ، جوعارى ساپالى دامۋدى ىلگەرىلەتۋ ٴۇشىن شۇعىل قاجەتتى دارىندىلاردى باۋلۋ كەرەك. فاكتورلاردى كىرىس بولىسىنە قاتىناستىرۋ مەحانيزمىن اقاۋسىزداندىرىپ، ەڭبەك، ٴبىلىم، تەحنيكا، باسقارۋ، كاپيتال جانە ساندى مالىمەت سياقتى ٴوندىرىس فاكتورلارىنىڭ ومىرشەڭدىگىن قاۋلاتىپ، ٴبىلىم، تەحنيكا، دارىندىلاردىڭ بازار قۇنىن اناعۇرلىم ويداعىداي ايگىلەپ، جاڭالىق اشۋعا شابىتتاندىراتىن، ساتسىزدىككە كەڭشىلىكپەن قارايتىن تاماشا راي قالىپتاستىرۋ كەرەك.
