ەڭ سەنىمدى سۇيەنىش، ەڭ سۇيىكتى حالىق
شينحۋا اگەنتتىگىنىڭ تىلشىلەرى جۋ جيچاي، حۋاڭ يۋە
ءبىر كۇننىڭ ىشىندە 2 ولكە - قالانى، 7 تەكسەرۋ ءتۇيىنىن ارالادى.
قاقاعان ايازدا ەرتە شىعىپ، جاي ورالىپ، دامىل تاپپادى.
اپاتتان كەيىنگى قايتا قۇرۋ احۋالىن ءتىپتى دە كوپ ۇعىسۋ ءۇشىن، اپاتقا ۇشىراعان بۇقارامەن ءتىپتى دە كوپ بەتپە - بەت اڭگىمەلەسۋ ءۇشىن... ...اۋىل - قىستاقتارعا، الەۋمەتتىك اۋماقتارعا باردى، مەكتەپ اۋلاسىن، ساۋدا دۇكەندەرىن ارالادى، اتىز باسىنا، وزەن توسپاسىنا بارىپ كوردى، تۇستە اۆتوكولىكتە قىسقا ۋاقىت دەمالدى.
”سول كەزدە ءار كۇنى اپات جاعدايىنا نازار اۋدارىپ وتىردىم، اپاتتان قۇتقارۋ قىزمەتىنە جەتەكشىلىك ەتىپ، اپاتقا ۇشىراعان ءوڭىردى جانە اپاتقا ۇشىراعان بۇقارانى باستان - اياق كوكەيدە ساقتادىم. سول كەزدە اپاتتان كەيىنگى قالپىنا كەلتىرۋ، قايتا قۇرۋ بەلگىلى كەزەڭگە جەتكەندە، ءسوزسىز، قايتىپ كەلىپ كورەتىنىمدى ايتقانمىن“.
”اسىرەسە، قىستا حالىق بۇقاراسى قىستان امان - ەسەن، جىلى وتە الا ما، جوق پا؟ تۇرمىستارىندا تاعى قانداي قيىنشىلىق بار“؟
11 - ايدىڭ 10 - كۇنى، قىس باسىنىڭ ەرتەسى. باس شۋجي شي جينپيڭ بەيجيڭدەگى، حىبەيدەگى اپات جاعدايى ءبىرشاما اۋىر بولعان مىنتوۋگوۋ رايونىنا، باۋديڭ جوجوۋ قالاسىنا كەلىپ، اپاتقا ۇشىراعان بۇقاراعا امانداسا بارىپ، ولاردان حال سۇراپ، اپاتتان كەيىنگى قالپىنا كەلتىرۋ، قايتا قۇرۋ قىزمەتىن تەكسەردى جانە وعان جەتەكشىلىك ەتتى.
”ۋادەلى ۋاعىندا“ كەلدى، ويتكەنى ”ءاردايىم قام جەپ تۇردى“.
ءالى ەسىمىزدە، 2014 - جىلى يۇنناننىڭ لۋديانىندا جەر سىلكىنىسى تۋىلىپ 5 ايدان كەيىن، سارى ايازدان ءبىر كۇن بۇرىن، باس شۋجي ويلى - شۇڭقىر جولدى باسىپ سىلكىنىس سەنترى بولعان اڭعارعا كەلدى.
ءالى ەسىمىزدە، 2020 - جىلى انحۇيدا تاسقىن جاعدايى اۋىر بولدى. ءبىر ايدان كەيىن شىلىڭگىر ىستىققا قاراماي، 800 شاقىرىمدىق چاۋحۋ كولى توسپاسىنا كەلدى.
ءالى ەسىمىزدە، 2021 - جىلى سانشيدە سيرەك كەزدەسەتىن نوسەرلى جاڭبىر جاۋدى. 3 ايدان كەيىن، ەگىنشىلىك كالەندارى بويىنشا كىشى جاڭا جىل وتىسىمەن ءيىر - قيىر تاۋ جولىن بويلاپ، قالىڭ قاردا فىنحى وزەنى جاعالاۋىنا كەلدى.
بوران - شاشىن قاباتتاسا كەلگەندە، كىم ەڭ سەنىمدى سۇيەنىش بولا الدى؟ كىم ناعىز قاھارمان؟
وسى جولعى قىزمەت تەكسەرۋ بارىسىندا مياۋفىڭشان ۇلتتار مەكتەبىندە باس شۋجي شي جينپيڭ بالالاردىڭ نەگىزگى تاقىرىپتىق كلاس جيىنىنا قاتىناستى. بالالار ساعىز توپىراقپەن كوڭىلدەرىندەگى ”ەڭ سۇيىكتى ادامىن“ ءمۇسىندەپ شىقتى؛ ءۇستى - باسى لاي سۋعا مالشىنعان ازاتتىق ارميا اعايلارى، تاڭ بوزىنان شىعىپ، قاس قارايا ورالاتىن قۇتقارۋشى اعايلار، مۇرنىنا سۋ جەتپەي جۇرگەن قىستاق كادرلارى، اق حالاتتى ەمدەۋ قىزمەتكەرلەرى...
ناعىز التىن وتتا شىڭالادى، ناعىز سۇيىسپەنشىلىك قيىن - قىستاۋدا بايقالادى. تاسقىنعا قارسى اتتانىپ، اپاتتان قۇتقارۋدىڭ ناقتى جاعدايى ەڭ زور اسەرلەندىرۋ قۋاتىنا يە ”ۇلكەن يدەيا - ساياسي ساباق“ بولدى.
”جۇڭگو كوممۋنيستىك پارتياسى − باستان - اياق حالىقتىڭ پارتياسى. قىسىلتاياڭ ساتتە پارتيامىزدىڭ ءار دارەجەلى ۇيىمدارى جانە پارتيا مۇشەلەرى، كادرلار تۇگەلدەي حالىق ءۇشىن ءبىرىنشى شەپتە اتويلاپ الدا جۇرەدى“.
”اسىرەسە، اپات بولا قالسا، ەكى ۇلكەن كورنەكتى ءتۇيىن كوزگە تۇسەدى: ءبىرى، ءبىزدىڭ حالىق پەرزەنتى اسكەرلەرىمىز، ەندى ءبىرى، قىزىل تۋدىڭ استىنداعى ءبىزدىڭ ءار دارەجەلى پارتيا ۇيىمدارىمىز بەن قالىڭ پارتيا مۇشەلەرىمىز، كادرلارىمىز“.
ءاربىر ءسوز - سويلەم ارىندى بولدى؛ ءاربىر ءىس - ارەكەت ۋادەنى امالياتتا ايگىلەدى.
بۇل حالىق بۇقاراسىنىڭ شىن جۇرەكتەن شىققان ءسوزى −
شۇييۇيزۇي قىستاعىنىڭ تۇرعىنى لي مىڭ وتباسى ۇيلەرىن قايتا اشەكەيلەپ، شىت جاڭا بەينەگە ەنگىزدى. ول باس شۋجيگە بىلاي دەدى: ”ۇيدەگى قارتتاردىڭ ايتۋىنشا، بۇرىندارى وسىنداي اپاتقا ۇشىراعاندا امالسىزدان اۋىپ كەتەدى ەكەن. پارتيا مەن ۇكىمەتكە راقىمەت“!
يۇڭجيشيۋيۋان شاعىن اۋماعىنىڭ تۇرعىنى دۇڭ ساييىڭ وتباسىندا ءۇيدىڭ جىلۋلىعى ابدەن ولشەمگە جەتىپتى، ول باس شۋجيگە بىلاي دەدى: ”ۇزىن ءسوزدىڭ قىسقاسى، تاعى دا پارتيا جاقسى“!
ۋانچۋانجۋاڭ قىستاعىنىڭ تۇرعىنى فۋ جۇن ءۇيىن قايتا سالىپ جاتىر ەكەن، باس شۋجيدى كورگەندە، ونىڭ جۇزىنە كۇلكى ءۇيىرىلىپ بىلاي دەدى: ”پارتيانىڭ ساياساتى جاقسى، وسىنداي جاقسى داۋىردە تۋىپ - وسپەگەن بولساق، ءۇي سالا الماۋشى ەدىك“.
باس شۋجيدىڭ كوكەيىندە حالىق قانا ناعىز قاھارمان.
تاڭشانعا بارعاندا ”قاھارمان قالانى“، ”قاھارمان حالىقتى“ القادى؛ ۋحانعا بارعاندا تەرەڭ سۇيىسپەنشىلىكپەن ”ۋحان، ءسوز جوق، تاعى ءبىر رەت قاھارماندار تاريح پاراعىنا جازىلادى“، - دەدى. باس شۋجي حالىقتى باستان - اياق شىن جۇرەكتەن القاپ كەلدى.
2023 - جىلعى جاڭا جىلدى قۇتتىقتاۋ سوزىندە باس شۋجي ”ءار رەت كونە جىلدى اتتاندىرىپ، جاڭا جىلدى قارسى العانىمىزدا، ءبىز ىلعي دا جۇڭحۋا ۇلتىنىڭ مىڭ جىلدان جالعاسقان اسقاق جىگەرىن ەسكە الىپ، العا باسۋ سەنىمىمىز ەسەلەپ ارتادى“ دەپ توتەنشە ءسۇيىندى.
جەر سىلكىنىسى، تاسقىن، قۋاڭشىلىق...
جاراتىلىستىق اپاتتارمەن نەشە مىڭ جىلدار بويى كۇرەس جاساپ كەلگەن جۇڭحۋا ۇلتى تالاي ازاپ - توزاپ تارتىپ، تالاي قايعى - قاسىرەت شەكسە دە، ەشقاشان ەڭسەسىن تۇسىرمەگەن، قايتا اپات الدىندا باس يمەي قاسقايىپ تۇرىپ، ۇلتىمىزدىڭ قايىسپاس قايسار رۋحىن سومدادى.
دۇڭ ساييىڭ باس شۋجيگە بىلاي دەدى: ءۇيدى سۋ باسىپ كەتكەندە، جالعىز قالىپ قاتتى الاڭداعان ەدىم. ۇستىڭگى قاباتتاعى كورشىم قايتا - قايتا ەسىگىمدى قاعىپ اماندىعىمدى سۇراپ، قىزىلتاناۋ بولىپ ۇيدەگى نارسەلەردى كوشىرىستى ءارى مەنى وزدەرىنىڭ ۇيىندە تۇرعىزدى.
باس شۋجي شي جينپيڭ تەرەڭ اسەرلەنىپ بىلاي دەدى: ”اپات الدىندا ءبىزدىڭ حالىق بۇقارامىز تەڭدەسسىز قايسارلىق كورسەتتى. ونىڭ ۇستىنە اپاتقا قارسى اتتانۋ، اپاتتان قۇتقارۋ بارىسىندا كوپشىلىك قيىندىقتى بىلەك بىرىكتىرە جەڭىپ، ءوزارا كومەكتەستى“.
مياۋفىڭشان ۇلتتار مەكتەبىندە، بايگوۋ وزەنىندەگى توسپادا باس شۋجي شي جينپيڭ تاسقىننان ساقتانۋداعى، تاسقىنعا قارسى اتتانۋداعى، اپاتتان قۇتقارۋداعى ءارقايسى جاقتىڭ ۋاكىلدەرىنە شىنايى امانداسا بارىپ، حال سۇرادى.
جاسىل كيىمدى اسكەرلەر، كوك كيىمدى ءورت ءسوندىرۋشى، قىزىل كيىمدى قۇتقارۋ - كومەكتەسۋشىلەر... قاي جەر قاجەت ەتسە، سول ورىنعا شۇعىل كومەككە بارادى، قاي جەردە شۇعىل جاعداي بولسا، سول ارادا شايقاس جۇرگىزەدى.
”ەر جۇرەكتىك قاسيەت اۋمالى - توكپەلى جاعدايدا ايگىلەنەدى. ءبىر جاق قيىنشىلىققا ۇشىراسا، كوپ بولىپ كومەك كورسەتتى. سانسىز كومەك بەرۋ قوسىندارىن قايسى ۇيىمدىكى ەكەنىن، قاي جاقتىكى ەكەنىن، قايدان كەلگەنىن پارىقتاۋعا كەلمەدى“، - دەدى باس شۋجي.
”قيىنشىلىقتان تايسالمايمىز، سەنىمىمىز قۇرىشتان بەرىك“. بۇل مىنتوۋگوۋدا تىلشىك ىستەگەندە كادرلاردىڭ، بۇقارانىڭ ايتقان ءسوزى.
”ءبىز يان - جاۋدىڭ ۇلانىمىز، حىبەيدىڭ نامىسىن جىبەرمەيمىز“. بۇل جوجوۋ قالا رايونىندا كوشە بويىنداعى ايرىقشا كوزگە تۇسەتىن ۇران.
ءۇيدى سۋ باسسا، قايتا اشەكەيلەدى؛ قۇلاسا، بۇرىنعى ورنىنان قايتا سالدى؛ دۇكەندى سۋ باسسا، تيجاراتتى دەرەۋ قالپىنا كەلتىردى؛ ەگىس داقىلدارىن سۋ باسسا، ۋاقىتتى مىقتى يگەرىپ قايتا تولىقتاپ ەكتى...
يۇڭجيشيۋيۋان شاعىن اۋماعى قاقپاسى سىرتىنداعى ءدارى دۇكەنىندە، ەرەن بازاردا باس شۋجي دۇكەن قوجايىنىنان ”تاعى قانداي قيىنشىلىق بار“ دەپ سۇراعاندا، مىناداي جاۋاپ الدى: ”بىزدە بولاشاق ءتىپتى دە جاقسى بولا تۇسەدى دەگەن سەنىم بار“.
ۋانچۋانجۋاڭ قىستاعىنان اتتاناردا ىقىلاستى اۋىلداستار جولدىڭ ەكى شەتىندە باس شۋجيدى قاۋمالاپ، كوتەرىڭكى داۋىسپەن باس شۋجيمەن قوشتاستى. ادامدار اراسىندا شاشى كۇمىستەي كاريالار دا، بالعىن بالالار دا، قۇشاقتاعى نارەستەلەر دە بار.
باس شۋجي اۋىلداستارعا ءوزىنىڭ ءبىر كۇندەگى اسەرىن بىلاي دەپ سۋرەتتەدى:
”مەن كوپشىلىكتىڭ جۇزىنەن ءۇمىتتى بايقادىم. اپاتتان كەيىنگى تۇرمىسىمىز بۇرىنعىدان اناعۇرلىم جاقسى بولادى. اۋىلداستاردىڭ ءوز كۇشتەرىنە سۇيەنىپ ءومىر ءسۇرىپ، قاجىرلىلىقپەن كۇرەس جۇرگىزىپ، وزدەرىنىڭ ەڭبەكشىل قوس قولدارىمەن قالپىنا كەلتىرۋدى، قايتا قۇرۋدى جەدەلدەتىپ، اۋىل - قىستاقتى گۇلدەندىرۋدى ىلگەرىلەتۋىن ءۇمىت ەتەمىن“.
تاسقىن قايتتى، قاھارماندىق رۋح وسى توپىراقتا تاسقىندادى.
