6-رەتكى ”جۇڭگو شارۋالار مول ءونىم مەرەكەسى“ كەلۋ قارساڭىندا
شي جينپيڭ بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى
اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاقتىڭ جاڭا كارتيناسىن كەسكىندەۋدى باسا دارىپتەدى
شينحۋا اگەنتتىگىنىڭ 9 - ايدىڭ 22 - كۇنى بەيجيڭنەن بەرگەن حابارى. 6 - رەتكى ”جۇڭگو شارۋالار مول ءونىم مەرەكەسى“ كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ شارۋالاردىڭ جانە اۋىل شارۋاشىلىعى، اۋىل - قىستاق، شارۋالار شەبىندە قىزمەت ىستەپ جاتقان جولداستاردىڭ مەرەكەسىن قۇتتىقتادى جانە ولاردان شىنايى حال سۇرادى.
شي جينپيڭ بىلاي دەپ اتاپ كورسەتتى: ءبىز بيىل حۋاڭحى، حۋايحى وڭىرىندە سيرەك كەزدەسەتىن اق جاۋىن، حۋابەيدەگى، شىعىس سولتۇستىكتەگى ءىشىنارا وڭىرلەردە تۋىلعان اۋىر تاسقىن، باتىس سولتۇستىكتەگى ءىشىنارا وڭىرلەردە تۋىلعان قۋاڭشىلىق سياقتى اپاتتاردىڭ ىقپالىن جەڭدىك، تۇتاس جىلدا استىق وندىرىسىنەن تاعى دا مول ءونىم الۋدان ءۇمىت بار، بۇل ەكونوميكانىڭ ۇزدىكسىز قايتا ورلەۋىن، جاقسارۋىن ىلگەرىلەتۋگە، جاڭا دامۋ ارناسىن جەدەل قالىپتاستىرۋعا، جوعارى ساپالى دامۋدى كۇش سالا ىلگەرىلەتۋگە پارمەندى تىرەك ازىرلەدى.
شي جينپيڭ بىلاي دەپ باسا دارىپتەدى: ءار دارەجەلى پارتكومدار مەن ۇكىمەتتەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن ىشكەرىلەي دايەكتىلەندىرىپ، اۋىل شارۋاشىلىعىندا قۋاتتى ەل قۇرۋ نىساناسىن كوزدەپ، اۋىل شارۋاشىلىعىنىڭ نەگىزگى جاعدايىن ورنىقتىرىپ، جاڭا داۋىردەگى جاڭا جورىقتا اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى ويداعىداي ىستەپ، اۋىل - قىستاقتى گۇلدەندىرۋدى جاپپاي ىلگەرىلەتىپ، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن جەدەلدەتىپ، شارۋالار كىرىسىن ارتتىرۋدى اۋىل شارۋاشىلىعى، اۋىل - قىستاق، شارۋالار قىزمەتىنىڭ وزەكتى مىندەتى ەتۋگە تاباندى بولىپ، شارۋالاردىڭ كىرىستى ارتتىرىپ بايۋ ارناسىن مۇمكىندىگىنشە كەڭەيتىپ، شارۋالاردىڭ قالتالارىنىڭ بارعان سايىن قامپايۋىنا، تۇرمىسىنىڭ بارعان سايىن جاقسارۋىنا مۇمكىندىك جاساپ، قونىسقا جايلى، كاسىپكە ىڭعايلى، جاراسىمدى دا كورىكتى اۋىل - قىستاقتىڭ جاڭا كارتيناسىن كەسكىندەۋى كەرەك!
