«ءبىر بەلدەۋ، ءبىر جول» كاسىپكەرلەر ءماجىلىسى 4 – ايدىڭ 25 – كۇنى بەيجيڭدە وتكىزىلدى. كاسىپكەرلەر ءماجىلىسى 2 – كەزەكتى «ءبىر بەلدەۋ، ءبىر جول» حالىقارالىق سەلبەستىك فورۋمىنا جاڭادان قوسىلعان ءتۇيىن ءارى تىڭ جاڭالىق ەسەپتەلەدى.
مەملەكەتتىك ونەركاسىپ – ساۋدا بىرلەستىگىنىڭ ءتوراعاسى گاۋ يۇنلۇڭ ماجىلىستە بىلاي دەدى: قازىر دۇنيە ءجۇزىنىڭ ەكونوميكا جانە ساۋدا جۇيەسى ىشكەرىلەي رەتتەلۋدە، بۇل «ءبىر بەلدەۋ، ءبىر جول» قۇرىلىسىنا ەكونوميكانىڭ جاھاندانۋىن، اقاۋسىز دامۋىن جانە دۇنيە ءجۇزى ەكونوميكاسىنىڭ قايتا كوركەيۋىن ىلگەرىلەتۋ سىندى تىڭ تاريحي بورىش جۇكتەپ وتىر. اناعۇرلىم كوپتەگەن ەلدەردىڭ بىرگە كەڭەسۋ، بىرگە كوركەيتۋ، ورتاق يگىلىكتەنۋ سىندى پرينسيپتە تاباندى بولىپ، ونەركاسىپ – ساۋدا سالاسىنداعى اناعۇرلىم كوپ قايراتكەرلەردىڭ «ءبىر بەلدەۋ، ءبىر جول» قۇرىلىسىنا قاتىناسۋىن جەبەپ، حالىقارالىق سەلبەستىكتىڭ جاڭا تەكشەسىن ورناتۋىن، ۇزدىكسىز دامۋعا تىڭ قوزعاۋشى كۇش قوسۋىن ءۇمىت ەتەمىز. جۇڭگولىق جانە شەتەلدىك كاسىپورىنداردىڭ كاسىپكەرلىك رۋحىن كۇش سالا ساۋلەلەندىرىپ، «ءبىر بەلدەۋ، ءبىر جول» قۇرىلىسى جاعىنداعى سەلبەستىك اياسىنىڭ اناعۇرلىم كەڭەيىپ، سەلبەستىك شارالارىنىڭ اناعۇرلىم كەمەلدەنىپ، سەلبەستىك ناتيجەلەرىنىڭ اناعۇرلىم سۇبەلى بولۋىن قول ۇستاسا جەبەۋىن ءۇمىت ەتەمىز. مەملەكەتتىك ونەركاسىپ – ساۋدا بىرلەستىگى ءار ەلدىڭ ونەركاسىپ – ساۋدا ۇيىمدارىمەن تىلدەسۋدى، كەڭەسۋدى جانە اۋىس – كۇيىس جاساۋدى، بايلانىس ورناتۋدى ۇزدىكسىز كۇشەيتىپ، ءارقايسى جاقتاردىڭ «ءبىر بەلدەۋ، ءبىر جول» قۇرىلىسىنا قاتىناسۋىنا اناعۇرلىم مول قولداۋ كورسەتەدى جانە اناعۇرلىم ويداعىداي قىزمەت وتەيدى.
مەملەكەتتىك كەڭەستىڭ مەملەكەت مەنشىگىندەگى مال – مۇلىكتى باقىلاۋ – باسقارۋ كوميتەتىنىڭ مەڭگەرۋشىسى شياۋ ياچيڭ مىنانى ءبىلدىردى: «ءبىر بەلدەۋ، ءبىر جولدى» بىرگە كوركەيتۋگە قاتىناسۋ ارقىلى ورتالىققا قاراستى كاسىپورىندار وزدەرىنىڭ حالىقارالانۋ ءۇردىسىن جەدەلدەتىپ، لەنيا بويىنداعى مەملەكەتتەردىڭ ەكونوميكاسىنىڭ ارتۋىن جەبەپ، جاھاندانۋدى ىلگەرىلەتۋ جاعىندا ماڭىزدى رول اتقاردى. بۇدان بىلاي دا ورتالىققا قاراستى كاسىپورىندار جەرگىلىكتى ورىنداردىڭ دامۋ تالابىنا بىردەن سايكەسىپ، جوعارى ولشەممەن ، جوعارى ورەلى تاڭداۋلى ۇلگىلىك ينجەنەريالاردى سالىپ، ءوزارا تيىمدىلىك جەتكىزۋ، ورتاق يگىلىكتەنۋ، بىرگە دامۋدى كۇش سالا ىسكە اسىرىپ، الەۋمەتتىك جاۋاپكەرشىلىگىن ونەگەلى تۇردە ورىنداپ، «ءبىر بەلدەۋ، ءبىر جولدى» بىرگە كوركەيتۋدىڭ جوعارى ساپالى دامۋىن ىلگەرىلەتەدى.
