شينحۋا اگەنتتىگىنىڭ 9 - ايدىڭ 17 - كۇنى بەيجيڭنەن بەرگەن حابارى. شينحۋا اگەنتتىگى 9 - ايدىڭ 17 - كۇنى «جۇڭگو ەكونوميكاسىنىڭ ۇلكەن اينالىمىنا نازار» اتتى كولەمدى ادەبي حابار جاريالادى.
ماقالادا بىلاي دەلىندى: كۇن مەن ءتۇننىڭ كۇزگى تەڭەلۋى تاياپ قالدى، 2023 - جىلعى 3 - ماۋسىمداعى جۇڭگو ەكونوميكاسىنا نۇكتە قويىلۋ الدىندا تۇر.
باسى مەن اياعىن جالعاستىراتىن 3 - ماۋسىم تۇتاس جىلدىق ەكونوميكالىق، قوعامدىق دامۋ نىساناسىن ورىنداۋداعى شەشۋشى مەزگىل. مەملەكەتتىك ساناق مەكەمەسى جاريالاعان ساندى مالىمەتتە كورسەتىلۋىنشە، كەزەكتە باستى ەكونوميكالىق كورسەتكىشتەر قالپىنا كەلۋ، جاقسارۋعا قاراي بەت الۋ اۋقىمىن جالعاستىرعان، 8 - ايدا كولەمنەن جوعارى ونەركاسىپتىڭ ارتقان قۇنى سايكەس مەزگىلدەگىدەن ％5. 4 ارتىپ، الدىنداعى ايدان 8. 0 پايىز تەزدەگەن، تۇتىنۋ اياسى ورنىقتى قاداممەن كەڭەيىپ، قىزمەت وتەۋ كاسىبى ءبىرشاما تەز قالپىنا كەلىپ، جاڭا قوزعاۋشى قۋات ۇزدىكسىز جەتىلگەن... ەكونوميكانىڭ جاقسارۋىن ىلگەرىلەتەتىن ماكرولىق ساياساتتىڭ ونىمدىلىگى ۇزدىكسىز كورنەكتىلەنىپ، جۇڭگو ەكونوميكاسى ۇلكەن اينالىمىنىڭ قوزعاۋشى كۇشى ۇزدىكسىز جارىققا شىقتى.
ەكونوميكادا بەلسەندى سيگنالدى ايگىلەۋمەن بىرگە، ءدوپ كەلگەن حاۋىپ - قاتەرلەردى، سىن - سايىستاردى دا كورە ءبىلۋ كەرەك: كەزەكتە دۇنيە جۇزىندە 100 جىلدا بولماعان زور وزگەرىس جەدەل قۇبىلۋدا، حالىقارالىق ساياسي، ەكونوميكالىق جاعداي كۇردەلى دە قاتاڭ، حالىقارالىق ەكونوميكالىق اينالىم جاعدايى ىشكەرىلەي رەتتەلۋدە، ەل ءىشى ەكونوميكاسى ءالى قىرۋار قيىنشىلىقتارعا ءدوپ كەلىپ وتىر. وسىنداي جاعدايدا، جۇڭگو ەكونوميكاسى قايتكەندە دامۋداعى ىرىقتىلىقتى مىقتاپ يگەرە الادى؟
باس شۋجي شي جينپيڭ پارتيا 20 - قۇرىلتايىنىڭ بايانداماسىندا: ”ەل ءىشى ۇلكەن اينالىمىنىڭ ىشكى قوزعاۋشى كۇشى مەن سەنىمدىلىگىن ارتتىرىپ، حالىقارالىق اينالىمنىڭ ساپاسى مەن دەڭگەيىن جوعارىلاتۋ كەرەك“، - دەپ اتاپ كورسەتىپ، جۇڭگونىڭ ەكونوميكالىق اينالىمىنىڭ ستراتەگيالىق بەتالىسىن ايقىنداپ، ەكونوميكانىڭ ۇزدىكسىز جوعارى ساپالى دامۋىنا جەتەكشىلىك ەتتى.
ماقالادا بىلاي دەپ اتاپ كورسەتىلدى: ءىرى ەل ەكونوميكاسى قۇدىرەتتى دە سەرپىندى حالىق شارۋاشىلىعى اينالىم جۇيەسىن قاجەت ەتەدى.
ەكونوميكالىق ۇلكەن اينالىمدى ىركىلىسسىزدەندىرىپ، ەل ءىشى ۇلكەن بازارىن تياناق ەتىپ، وزىندىك دامۋداعى ايقىندىلىق ارقىلى سىرتقى ورتاداعى ايقىنسىزدىققا توتەپ بەرىپ، جاڭا دامۋ ارناسىن ورناتۋ بارىسىندا جاڭا باسەكە باسىمدىعىن سومداپ، ەكونوميكالىق قان تامىردىڭ اينالىمىن ىركىلىسسىزدەندىرۋ بارىسىندا جۇڭگو ەكونوميكاسىنىڭ جوعارى ساپالى دامۋ قادامىن تاباندىلىقپەن العا ىلگەرىلەتۋ كەرەك.
ماقالا 4 بولىككە ءبولىندى: ۇلكەن اينالىم قۇرۋدى جەدەلدەتۋ: ەكونوميكالىق دامۋ نەگىزىن بەكەمدەۋدەگى شەشۋشى شارا؛ ىشكى قوزعاۋشى كۇشتى نىعايتۋ: قۇدىرەتتى ەل ءىشى بازارى ارقىلى باسەكە باسىمدىعىنا يە بولۋ؛ سەنىمدىلىكتى ارتتىرۋ: ولقىلىقتاردى تولىقتاپ، ءالسىز تۇستاردى كۇشەيتىپ، حاۋىپسىزدىك تومەنگى شەگىن ساقتاۋ؛ قوس اينالىمدى ىركىلىسسىزدەندىرۋ: جوعارى دەڭگەيدە ەسىك اشۋ بارىسىندا ىرىقتىلىققا قول جەتكىزۋ.
ماقالادا مىنالار اتاپ كورسەتىلدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رول ۇستاپ، جول باستاۋىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، ەل ءىشى ۇلكەن اينالىمىن نەگىزگى تۇلعا ەتىپ، ەل ءىشى، حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل ورناتىپ، جوعارى ساپالى دامۋ سىندى وسى ماڭداي الدى مىندەتتى مىقتاپ يگەرگەندە، جۇڭگو ەكونوميكاسى سىندى الىپ كەمەنىڭ، ءسوز جوق، اناعۇرلىم شۇعىلالى دا ايبىندى بولاشاقتى قارسى الاتىنى داۋسىز.
