«ءبىر بەلدەۋ، ءبىر جول» حالىقارالىق اقىل - پاراسات قامباسى سەلبەستىك كوميتەتىنىڭ قۇرىلۋ جينالىسى 4 - ايدىڭ 24 - كۇنى بەيجيڭدە اشىلدى. مەملەكەت ءتوراعاسى شي جينپيڭ جينالىسقا قۇتتىقتاۋ حاتىن جولدادى.
شي جينپيڭ مىنالاردى اتاپ كورسەتتى: تاريحتىڭ دامۋى، وركەنيەتتىڭ گۇلدەنىپ - كوركەيۋى، ادامزاتتىڭ العا باسۋى وزىق يدەيانىڭ جەتەكشىلىگىنەن ايرىلا المايدى. «ءبىر بەلدەۋ، ءبىر جول» دارىپتەمەسى جۇڭگودان باستاۋ العان، دۇنيە جۇزىنە ءتان. ءار جاقتىڭ ورتاق قۇلشىنۋىندا «ءبىر بەلدەۋ، ءبىر جول» اشىق، باۋىرمال بولۋ سىندى حالىقارالىق سەلبەستىك تەكشەسىنە جانە جاپپاي قارسى الۋعا بولەنگەن دۇنيە جۇزىلىك الەۋمەتتىك ونىمگە اينالدى. اقىل - پاراسات قامباسى − «ءبىر بەلدەۋ، ءبىر جولدى» ورتاق قۇرۋداعى ماڭىزدى كۇش. اقىل - پاراسات قامباسى اۋىس - كۇيىسىن، سەلبەستىگىن ورىستەتۋ ءوزارا سەنىمدىلىكتى تەرەڭدەتىپ، ورتاق تانىمدى ۇيىستىرىپ، «ءبىر بەلدەۋ، ءبىر جولدى» ورتاق قۇرۋدىڭ ءتىپتى دە جوعارى دەڭگەيگە كوتەرىلۋىن ىلگەرىلەتۋگە پايدالى.
شي جينپيڭ مىنالاردى دارىپتەدى: «ءبىر بەلدەۋ، ءبىر جول» حالىقارالىق اقىل - پاراسات قامباسى سەلبەستىك كوميتەتىنىڭ قۇرىلۋى ءار ەلدىڭ اقىل - پاراسات قامباسىنىڭ يدەيالىق تىلدەسۋىن كۇشەيتىپ، شەشىم جاساۋعا اقىل -كەڭەس بەرۋىن ماڭىزدى تەكشەمەن قامدادى. سەلبەستىك كوميتەتىنەن عىلمي اۋىس - كۇيىستى ىشكەرىلەي ورىستەتىپ، اناعۇرلىم كوپ جوعارى ساپالى زەرتتەۋ تابىسىن جاراتىپ، «ءبىر بەلدەۋ، ءبىر جولدى» ورتاق قۇرۋدىڭ تەرەڭدەۋىن، ناقتىلانۋىن ىلگەرىلەتۋگە، ادامزاتتىڭ تاعدىرلاس ورتاق تۇلعاسىن قۇرۋعا ۇلەس قوسۋىن ءۇمىت ەتەمىن.
