مەملەكەتتىك كەڭەستىڭ زۇڭليى لي كىچياڭ 4 - ايدىڭ 17 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى. ماجىلىستە 2019 – جىلعى مەملەكەتتىك ەكى ماجىلىستە ورتاعا قويىلعان ۇسىنىستاردى ءبىر جاقتى ەتۋ جاعدايى جونىندەگى مالىمەت تىڭدالىپ، كوپتىڭ اقىل – پاراساتىن اناعۇرلىم شوعىرلاندىرىپ، ەكونوميكانىڭ، قوعامنىڭ ورنىقتى، اقاۋسىز دامۋىن جەبەۋ تالاپ ەتىلدى؛ شاعىن، ۇساق كاسىپورىنداردىڭ قارجى توپتاۋ وزىندىك قۇنىن اناعۇرلىم تومەندەتۋ شاراسى بەلگىلەندى، فينانستىڭ ناقتى ەكونوميكانى قولداۋ تەبىنىن ارتتىرۋ ورنالاستىرىلدى.
ماجىلىستە مىنالار اتاپ كورسەتىلدى: حالىق قۇرىلتايى ۋاكىلدەرىنىڭ ۇسىنىستارى مەن ساياسي كەڭەس مۇشەلەرىنىڭ ۇسىنىس جوبالارىن ءبىر جاقتى ەتۋ − ءار جاقتىڭ اقىل - پاراساتىن شوعىرلاندىرىپ، عىلمي، دەموكراتيالى شەشىم جاساۋدى ىلگەرىلەتۋدىڭ ماڭىزدى شاراسى. بيىل مەملەكەتتىك كەڭەس تاراۋلارى ءبىر جاقتى ەتكەن مەملەكەتتىك ەكى ءماجىلىستىڭ ۇسىنىس جوباسى جالپى ۇسىنىس جوبا سانىنىڭ %94 تەن استامىن قۇرادى. تاراۋلار ۇسىنىس جوبالاردى ءبىر جاقتى ەتۋدى «ۇكىمەت قىزمەتىنەن باياندامانى» تياناقتاندىرۋدىڭ ماڭىزدى تۇتقاسى ەتىپ، ساياسات، شارالاردىڭ رەفورما، دامۋدىڭ قاجەتىنە اناعۇرلىم ويداعىداي سايكەسۋىن، بۇقارانىڭ تىلەگىنە ۇيلەسۋىن ىلگەرىلەتۋى كەرەك. ماجىلىستە مىنالار تالاپ ەتىلدى: ءبىرىنشى، جاۋاپكەرلىكتى تياناقتاندىرۋ، ۇسىنىس جوبالاردى ءبىر جاقتى ەتۋ مەن كاسىپتىك قىزمەتتى بىرگە ورنالاستىرۋ، بىرگە باعالاۋ. كاسىپورىندار مەن بۇقاراعا ساياتىن كۇردەلى جانە قيىن تۇيىندەردى، بيىل شەشۋگە بولاتىندارىن شەكتى مەرزىم ىشىندە شەشۋ كەرەك. ەكىنشى، ۇكىمەت پەن ۋاكىلدەردىڭ، مۇشەلەردىڭ بايلانىسىن ىركىلىسسىزدەندىرۋ. ۇسىنىس جوبالارعا جاۋاپ قايتارۋدان بۇرىن ىشكەرىلەي تەكسەرۋ - زەرتتەۋ جۇرگىزىپ، ۋاكىلدەر جانە مۇشەلەرمەن بايلانىس جاساپ، قاجەت بولسا اڭگىمە ءماجىلىسىن اشىپ، كەڭىنەن پىكىر الۋ كەرەك. ءۇشىنشى، ءبىر جاقتى ەتۋ جاعدايىن دەر كەزىندە اڭىس ەتىپ، كەلەلى الەۋمەتتىك مۇددەگە ساياتىن، بۇقارا جاپپاي نازار اۋدارىپ وتىرعان جاۋاپتاردى قوعامعا دەر كەزىندە جاريا ەتۋ كەرەك. ءتورتىنشى، ءبىر جاقتى ەتۋ ساپاسىن جوعارىلاتىپ، فورماشىلدىقتان ساقتانىپ، ماسەلەنى ناقتى شارالارمەن شەشۋ، ۇكىمەتتىڭ قىزمەت ورەسى مەن حالىق بۇقاراسىنىڭ تابىس سەزىمىن جوعارىلاتۋ كەرەك.
