جۇڭگو جىلقى شارۋاشىلىعى بىرلەستىگى، ىشكى موڭعۇل اۆتونوميالى رايوندىق پارتكوم ۇگىت ءبولىمى، ىشكى موڭعۇل اۆتونوميالى رايوندىق مادەنيەت جانە ساياحات مەڭگەرمەسى قاتارلى ورىندار بىرگە ۇيىمداستىرعان ەكىنشى كەزەكتى جۇڭگو جىلقى مادەنيەتى مەرەكەسى جانە تۇڭعىش كەزەكتى ىشكى موڭعۇل حالىقارالىق جىلقى مادەنيەتى كورمەسىنىڭ اقپار جاريالاۋ ءماجىلىسى 4 – ايدىڭ 17 – كۇنى بەيجيڭدە وتكىزىلدى.
بۇل رەتكى قيمىل 6 – ايدىڭ 15 – كۇنىنەن 9 – ايدىڭ 30 – كۇنىنە دەيىن ىشكى موڭعۇل اۆتونوميالى رايونىندا وتكىزىلەدى، نەگىزگى الاڭى حوححوت قالاسىنا، بولىمشە الاڭى شينلينعول ايماعىنا ورنالاستىرىلادى، باسقا ايماق – قالالاردا موڭعۇل جىلقىسى رۋحىن نەگىزگى تاقىرىپ ەتكەن جەلىلەس قيمىلداردان جيىنى 32 قيمىل ءبىر ۋاقىتتا وتكىزىلەدى. قيمىلدىڭ فورماسى اشىلۋ سالتى، تالقى جانە لەكسيا، جارىس قيمىلدارى، ويىن ساۋىق، كورمە قاتارلى سەگىز ءىرى ءتۇردى قامتيدى. ۇعىسۋعا قاراعاندا، ون نەشە رەتكى بايگە جانە ات ونەرى قيمىلى 6 – ايدىڭ 15 – كۇنى حوححوت قالاسىندا وتكىزىلەدى. وسىمەن ءبىر ۋاقىتتا اۆتونوميالى رايوننىڭ جەر – جەرىندە ۇلتتىق جارىس تۇرلەرى مەن جاستار – ورەندەر جارىستارى ورنالاستىرىلىپ، وبىراز ەلشىسىن تاڭداۋ، جىلقى شارۋاشىلىعى سالاسىنداعى جىلدىڭ ۇزدىك ادامىن باعالاۋ قاتارلى قيمىلدار وتكىزىلىپ، ينتەرنەت ارقىلى موڭعۇل جىلقىسىنىڭ وبىرازى اناعۇرلىم ايشىقتالادى.
قيمىل مەزگىلىندە «موڭعۇل جىلقىسى رۋحىن ساۋلەلەندىرۋ» جەلىلەس مادەنيەت – كوركەمونەر تاڭداۋلى تۋىندىلارى ينجەنەرياسى باستالىپ، ەل ءىشى – سىرتىنان ماي بوياۋلى سۋرەت، ءمۇسىن، فوتو سۋرەت، موڭعۇلشا – حانزۋشا حاتكەرلىك ويمالارى، ورەندەر سىزعان سۋرەت، قىسقا كەسكىن قاتارلى تۋىندىلار قابىلدانادى؛ جىلقى مادەنيەتى جونىندەگى «موڭعۇل جىلقىسى رۋحى» جەلىلەس كىتاپتار باسپادان شىعارىلادى.
