شينحۋا اگەنتتىگىنىڭ 3 - ايدىڭ 23 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى، مەملەكەتتىك كەڭەس كەڭسەسى «ەمدەۋ - دەنساۋلىق ساقتاۋ قىزمەت وتەۋ جۇيەسىن اناعۇرلىم كەمەلدەندىرۋ جونىندەگى پىكىردى» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرىپ، مۇقيات دايەكتىلەندىرۋدى، تياناقتاندىرۋدى تالاپ ەتتى.
«پىكىردە» مىنالار العا قويىلدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ رۋحىن ىشكەرىلەي دايەكتىلەندىرىپ، حالىقتىڭ سالاماتتىعىن قامتاماسىز ەتۋدى الدىمەن دامىتاتىن ستراتەگيالىق ورىنعا قويىپ، جاڭا داۋىردەگى پارتيانىڭ دەنساۋلىق ساقتاۋ جانە سالاماتتىق قىزمەتى باعىتىن دايەكتىلەندىرىپ، جاڭا تيپتى ايدارشا ۆيرۋس ىندەتىنەن ساقتانۋ - تىزگىندەۋ تاجىريبەسىن قورىتىندىلاپ، حالىقتىڭ سالاماتتىعىن وزەك ەتۋگە تاباندى بولىپ، الدىن الا ساقتانۋدى نەگىز ەتۋگە تاباندى بولىپ، ەمدەۋ - دەنساۋلىق ساقتاۋ ىستەرىنىڭ الەۋمەتتىك يگىلىك سيپاتىنا تاباندى بولىپ، ەمدەۋدى، دەنساۋلىق ساقتاۋدى دامىتۋ ءتاسىلىنىڭ ءمان - ماعىناعا اناعۇرلىم ءمان بەرۋ ۇلگىسىندەگى دامۋعا قاراي بۇرىلىس جاساۋىن، قىزمەت وتەۋ ۇلگىسىنىڭ جۇيەلى، ۇلاسپالى بولۋعا اناعۇرلىم باسا ءمان بەرۋگە قاراي بۇرىلىس جاساۋىن، باسقارۋ ءتاسىلىنىڭ عىلميلانعان باسقارۋعا اناعۇرلىم باسا ءمان بەرۋگە قاراي بۇرىلىس جاساۋىن ىلگەرىلەتىپ، ساپالى ەمدەۋ بايلىعىنىڭ سيىمدىلىعىن ارتتىرۋدى جانە وڭىرلىك تەپە - تەڭ ورنالاسۋىن جەبەپ، جۇڭگوشا ساپالى، جوعارى ءونىمدى ەمدەۋ - دەنساۋلىق ساقتاۋ بويىنشا قىزمەت وتەۋ جۇيەسىن قۇرىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.
قىزمەت نىساناسى: 2025 - جىلعا جەتكەندە، ەمدەۋ - دەنساۋلىق ساقتاۋ بويىنشا قىزمەت وتەۋ جۇيەسىن اناعۇرلىم اقاۋسىزداندىرۋ، بايلىق ورنالاسۋىنىڭ جانە قىزمەت وتەۋدىڭ بىركەلكى بولۋىن بىرتىندەپ جوعارىلاتۋ، سالماقتى اۋرۋلاردان ساقتانۋ - تىزگىندەۋ، ەمدەۋ - قۇتقارۋ جانە شۇعىل جاعدايعا توتەپ بەرۋ، ءبىر جاقتى ەتۋ قابىلەتىن كورنەكتى كۇشەيتۋ، جۇڭگوشا جانە باتىسشا ەمدەۋدى اناعۇرلىم سايكەستى دامىتىپ، ءتارتىپتى ەمدەلۋ مەن دياگنوز قويۋ - ەمدەۋ جۇيەسىن قۇرۋدا بەلسەندى ونىمدىلىككە قول جەتكىزۋ. 2035 - جىلعا جەتكەندە سوتسياليستىك وسىزامانداندىرۋدى نەگىزىنەن جۇزەگە اسىرۋمەن ءوزارا ۇيلەسەتىن، جۇيەسى كەمەلدى، قىزمەت ءبولىسى ايقىن، يقۋاتتارىمەن ءوزارا تولىقتايتىن، ۇلاسپالى، سايكەستى، اينالىمى جوعارى ءونىمدى، سەرپىمدىلىگى كۇشتى بىرىكتىرىلگەن ەمدەۋ - دەنساۋلىق ساقتاۋ بويىنشا قىزمەت وتەۋ جۇيەسىن قالىپتاستىرىپ، ەمدەۋ - دەنسالىق ساقتاۋ بويىنشا قىزمەت وتەۋدىڭ ادىلدىگىن، قول جەتىمدىلىگىن جانە ساپالى قىزمەت وتەۋمەن قامداۋ قابىلەتىن كورنەكتى كۇشەيتۋ، حالىق بۇقاراسىنىڭ سالاماتتىق دەڭگەيىنىڭ كورنەكتى جوعارىلاۋىن جەبەۋ.
«پىكىردە» بايلىقتىڭ ورنالاسۋىن ساپالىلاندىرۋ، دارىندىلار قوسىنى قۇرىلىسىن كۇشەيتۋ، قابىلەتتى وسىزامانداندىرۋدى ىلگەرىلەتۋ سياقتىلار جونىندە ناقتى تالاپتار قويىلدى.
