1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ رەسەيدىڭ زۇڭليى ميشۋستينمەن كەزدەستى

日期:2023年03月22日
来源:新疆日报
【字体:

  شينحۋا اگەنتتىگىنىڭ 3 - ايدىڭ 21 - كۇنى ماسكەۋدەن بەرگەن حابارى (تىلشىلەر ياڭ يجۇن، حۋاڭ حى). جەرگىلىكتى ۋاقىت 3 - ايدىڭ 21 - كۇنى تۇستەن بۇرىن مەملەكەت ءتوراعاسى شي جينپيڭ رەسەي فەدەراتسيالىق ۇكىمەت سارايىندا رەسەيدىڭ زۇڭليى ميشۋستينمەن كەزدەستى.

  شي جينپيڭ بىلاي دەپ اتاپ كورسەتتى: جۇڭگو − رەسەي ءوزارا ەڭ ۇلكەن كورشى ەل ءارى جان - جاقتى ستراتەگيالىق ىستەستىك سەرىكتەر، جۇڭگو − رەسەي قارىم - قاتىناسىنىڭ اقاۋسىز، ورنىقتى دامۋىن ساقتاۋ ەكى ەل قارىم - قاتىناسىنىڭ تاريحي لوگيكاسىنا جانە ەكى ەل حالقىنىڭ ءتۇبىرلى مۇددەسىنە ۇيلەسەدى. جۇڭگو جۇڭگو كوممۋنيستىك پارتياسىنىڭ 20 - قۇرىلتايىن تابىسپەن اشتى، تاياۋداعى مەملەكەتتىك ەكى ماجىلىستە جاڭا كەزەكتى مەملەكەت قۇرىلىمدارىنىڭ باسشىلارى سايلانىپ شىقتى، جۇڭگو پارتياسى، مەملەكەتى جانە حالقى بۇرىن بولىپ كورمەگەن دارەجەدە ىنتىماقتاسىپ، جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە. جۇڭگونىڭ جاڭا كەزەكتى ۇكىمەتى جۇڭگو − رەسەي جان - جاقتى ستراتەگيالىق ىستەستىك سەرىكتەستىك قارىم - قاتىناسىن دامىتۋعا باسا ءمان بەرەدى، رەسەي جاقپەن ەكى ەل ۇكىمەتى زۇڭليلەرىنىڭ مەرزىمدى ديدارلاسۋى سياقتى مەحانيزمدەنگەن بارىس - كەلىس ارناسى ارقىلى ەكى ەل سەلبەستىگىنىڭ جاڭا نىسانالارىن جۇزەگە اسىرۋدى ىلگەرىلەتىپ، ءتىپتى دە كوپ تىڭ تابىستارعا قول جەتكىزۋدى قالايدى.

  شي جينپيڭ بىلاي دەپ باسا دارىپتەدى: بىلتىردان بەرى، كۇردەلى سىرتقى ورتا الدىندا، جۇڭگو مەن رەسەيدىڭ جان - جاقتى ناقتى ىستەر سەلبەستىگى تاماشا دامۋ ارىنىن ساقتادى. جۇڭگو ءۇرتىس 13 جىل رەسەيدىڭ ءبىرىنشى ۇلكەن ساۋدا سەرىگى ەلى ورنىن ورنىقتى ساقتاپ، ەكى ەلدىڭ ەنەرگيا سەلبەستىگى ۇزدىكسىز تەرەڭدەپ، ستراتەگيالىق ءىرى نىساندار تىڭعىلىقتى ىلگەرىلەتىلىپ، گۋمانيتارلىق جانە جەرگىلىكتى ورىندار اۋىس - كۇيىسى بارعان سايىن قويۋلاي ءتۇستى. ەكى جاق ەكونوميكا - ساۋدا سەلبەستىگىنىڭ سانى مەن ساپاسىن قاتار ىلگەرىلەتىپ، ساۋدا مەن قارجى قوسۋدىڭ ەركىن، قولايلى بولۋىن جەبەپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىزدىگىن، ورنىقتىلىعىن قورعاۋى كەرەك. ۇلاستىرۋ، تۇتاستىرۋ ءىرى نىساندارىنىڭ جەتەكتەۋ اسەرىن ساۋلەلەندىرىپ، ەكى ەلدىڭ ەنەرگيا حاۋىپسىزدىگىن بىرگە قورعاپ، ەكى جاقتى ەكونوميكا - ساۋدا بارىس - كەلىسىن كەڭەيتۋ كەرەك. جۇڭگو مەن رەسەي عىلمي زەرتتەۋدە جاڭالىق اشۋ سەلبەستىگىن كۇشەيتىپ، ەكى جاق سەلبەستىگىنىڭ باياندى دامۋىن ىلگەرىلەتۋى كەرەك. 2022 − 2023 - جىلعى جۇڭگو − رەسەي دەنە تاربيە اۋىس - كۇيىس جىلىن ۇزدىكسىز ويداعىداي وتكىزىپ، ءتۇرلى قيمىلداردى تارتىپپەن ىلگەرىلەتۋ كەرەك. جۇڭگو جاق ”ءبىر بەلدەۋ، ءبىر جولدى“ بىرگە قۇرۋدى ەۆروپا − ازيا ەكونوميكالىق وداعىمەن ءتۇيىلىستىرۋ سەلبەستىگىنە باسا ءمان بەرەدى، رەسەي جاقپەن جانە وداقتاعى ءارقايسى ەلمەن بىرگە «جۇڭگو مەن ەۆروپا − ازيا ەكونوميكالىق وداعى ەكونوميكا - ساۋدا سەلبەستىگى كەلىسىمىن» جاپپاي ويداعىداي تياناقتاندىرىپ، اناعۇرلىم جوعارى دەڭگەيدەگى، اناعۇرلىم تەرەڭ ساتىداعى وڭىرلىك سەلبەستىك ورىستەتۋدى قالايدى.

  ميشۋستين مىنالاردى ءبىلدىردى: بۇگىن مەن رەسەي ۇكىمەتىنىڭ بارلىق ماڭىزدى ۇكىمەت كەڭەسى مۇشەلەرىمەن بىرگە ءتوراعا شي جينپيڭمەن ديدارلاسىپ وتىرمىن، ءتوراعا شي جينپيڭنىڭ ۇزدىكسىز مىندەت وتەگەننەن كەيىن، رەسەيدى ساپارىنىڭ العاشقى بەكەتى ەتۋىنىڭ ءمانى ايرىقشا كەلەلى، بۇل جاڭا داۋىردەگى رەسەي − جۇڭگو قارىم - قاتىناسىنىڭ ەرەكشەلىگىن تولىق ايگىلەدى. رەسەي − جۇڭگو قارىم - قاتىناسىنىڭ دامۋى تاريحتاعى ەڭ جوعارى دەڭگەيدە تۇر، بۇل كەزەكتەگى حالىقارالىق جاعدايدا كوپ جاقتىلىقتى اناعۇرلىم ويداعىداي قورعاۋعا، دۇنيە ءجۇزىنىڭ كوپ ۇيەكتەنۋىن جەبەۋگە پايدالى. رەسەي − جۇڭگو زۇڭليلەرىنىڭ مەرزىمدى ديدارلاسۋ مەحانيزمى دۇنيە جۇزىندە بىرەۋ عانا. رەسەي جاق جۇڭگو جاقتىڭ جاڭا كەزەكتى ۇكىمەتىمەن سايكەسۋدى، سەلبەسۋدى كۇشەيتىپ، ەكى ەل مەملەكەت باسشىلارىنىڭ ورتاق تانىمىن مۇقيات تياناقتاندىرىپ، ەكى ەلدىڭ جان - جاقتى ستراتەگيالىق ىستەستىك سەرىكتەستىك قارىم - قاتىناسىن كۇشەيتۋدى ءۇمىت ەتەدى. رەسەي جاق جۇڭگو جاقپەن ساۋداعا قارجى قوسۋ، ەنەرگيا، تابيعي گاز، يادرو ەنەرگياسىنان بەيبىت پايدالانۋ، عارىش - اۆياتسيا، عىلىم - تەحنيكادا جاڭالىق اشۋ، شەكارا اتتاعان قاتىناس زات اينالىمى سياقتى سالالارداعى سەلبەستىكتى كۇشەيتىپ، قامداۋ تىزبەگىنىڭ، كاسىپ سالاسى تىزبەگىنىڭ حاۋىپسىزدىگىنە، استىق حاۋىپسىزدىگىنە شىنايى كەپىلدىك ەتۋ سياقتى ماسەلەلەردە تىلدەسۋدى جانە سەلبەستىكتى كۇشەيتۋدى قالايدى. ەكى جاقتىڭ مادەنيەت، جاستار، دەنە تاربيە سياقتى گۋمانيتارلىق سالاداعى اۋىس - كۇيىستى، سەلبەستىكتى ونان ارى قويۋلاتۋىن ءۇمىت ەتەدى.

  ساي چي، ۋاڭ ي، چين گاڭ، سونداي - اق رەسەي فەدەراتسيالىق ۇكىمەتىنىڭ 7 ورىنباسار زۇڭليى قاتارلىلار قاتىناستى.