شينحۋا اگەنتتىگىنىڭ 3 - ايدىڭ 19 - كۇنى بەيجيڭنەن بەرگەن حابارى. تاياۋدا جۇڭگو كوممۋنيستىك پارتياسى ورتالىق كوميتەتى كەڭسەسى «بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى قىزمەت جوباسىن» باسىپ تاراتتى ءارى حابارلاندىرۋ شىعارىپ، جەر - جەردەن، تاراۋلاردان ءىس جۇزىندىك جاعدايمەن ۇشتاستىرا مۇقيات دايەكتىلەندىرۋدى، تياناقتاندىرۋدى تالاپ ەتتى.
«بۇكىل پارتيادا تەكسەرۋ - زەرتتەۋدى بارىنشا ورىستەتۋ جونىندەگى قىزمەت جوباسىنىڭ» تولىق مازمۇنى تومەندەگىدەي:
شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋ، دايەكتىلەندىرۋ، پارتيا 20 - قۇرىلتايىنىڭ رۋحىن جاپپاي دايەكتىلەندىرۋ، تياناقتاندىرۋ ءۇشىن، پارتيا ورتالىق كوميتەتى بۇكىل پارتيادا تەكسەرۋ - زەرتتەۋدى بارىنشا ورىستەتۋدى بۇكىل پارتيادا ورىستەتىلەتىن نەگىزگى تاقىرىپتىق تاربيەنىڭ ماڭىزدى مازمۇنى ەتىپ، جاپپاي سوتسياليستىك وسىزاماندانعان مەملەكەت قۇرۋدا جاقسى باستاما باستاۋدى، جاقسى قادام تاستاۋدى ىلگەرىلەتۋدى ۇيعاردى. سونىمەن مىناداي قىزمەت جوباسى جاسالدى:
ءبىرىنشى، كەلەلى ءمانى
تەكسەرۋ - زەرتتەۋ − پارتيامىزدىڭ اسىل مۇراسى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى تەكسەرۋ - زەرتتەۋ قىزمەتىنە وسكەلەڭ ءمان بەردى، باس شۋجي شي جينپيڭ باسا دارىپتەپ بىلاي دەپ اتاپ كورسەتتى: تەكسەرۋ - زەرتتەۋ − ىستەردى كەڭەسۋدىڭ نەگىزى، ىستەردى تىندىرۋدىڭ جولى، تەكسەرىپ - زەرتتەمەگەننىڭ سويلەۋ ۇقىعى جوق، تەكسەرىپ - زەرتتەمەگەننىڭ شەشىم جاساۋ ۇقىعى دا جوق؛ دۇرىس شەشىم تەكسەرۋ - زەرتتەۋدەن ايىرىلا المايدى، دۇرىس دايەكتىلەندىرۋ، تياناقتاندىرۋ دا تەكسەرۋ - زەرتتەۋدەن ايىرىلا المايدى؛ تەكسەرۋ - زەرتتەۋ − دۇرىس تانىم - تۇسىنىككە يە بولۋدىڭ قاينار بۇلاعى، قىزمەتتى ويداعىداي ىستەۋدەگى نەگىزدىك ونەر؛ بۇكىل پارتيادا تەكسەرۋ - زەرتتەۋ ستيلىن بارىنشا ساۋلەلەندىرۋ كەرەك. باس شۋجي شي جينپيڭنىڭ وسى ماڭىزدى نۇسقاۋلارى تەكسەرۋ - زەرتتەۋدىڭ توتەنشە ماڭىزدىلىعىن تەرەڭ بايىمداپ ءتۇسىندىرىپ، بۇكىل پارتيانىڭ تەكسەرۋ - زەرتتەۋدى بارىنشا ورىستەتۋىنە، ءتۇرلى قىزمەتتى ويداعىداي ىستەۋىنە ءتۇبىرلى بويسۇنۋ ولشەمىن ازىرلەدى.
كەزەكتە ەلىمىزدىڭ دامۋى جاڭا ستراتەگيالىق ورايعا، جاڭا ستراتەگيالىق مىندەتكە، جاڭا ستراتەگيالىق كەزەڭگە، جاڭا ستراتەگيالىق تالاپقا، جاڭا ستراتەگيالىق ورتاعا ءدوپ كەلدى. دۇنيە جۇزىندە 100 جىلدا بولماعان زور وزگەرىس جەدەل قۇبىلىپ، ايقىنسىز، مەجەلەۋ قيىن فاكتورلار كوبەيدى، ەلىمىزدىڭ رەفورمادا، دامۋدا، ورنىقتىلىقتا ءدوپ كەلگەن كوپتەگەن تەرەڭ قاتپارلى قايشىلىقتارىنان تايساۋعا، اينالىپ وتۋگە كەلمەيدى، ءتۇرلى حاۋىپ - قاتەرلەر مەن سىن - سايىستار، قيىنشىلىقتار مەن ماسەلەلەر بۇرىنعىدان دا قيىن ءارى كۇردەلى بولىپ، تەكسەرۋ - زەرتتەۋ ارقىلى بولمىستىڭ ءمانى مەن زاڭدىلىعىن يگەرىپ، قيىن ماسەلەلەردى شەشۋدىڭ ءادىسى مەن جولىن تابۋدى شۇعىل قاجەت ەتۋدە. بۇكىل پارتيادا تەكسەرۋ - زەرتتەۋدى بارىنشا ورىستەتۋ − شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنۋدىڭ، دايەكتىلەندىرۋدىڭ، وسى ماڭىزدى يدەيانىڭ اقيقات كۇشى مەن امالياتتىق ۇلى كۇشىن سەزىنۋدىڭ قاجەتتى تالابى، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنۋدىڭ، ”ەكىنى قورعاۋدى“ بۇلجىتپاي ورىنداۋدىڭ ناقتى امالياتى، جاڭا داۋىردەگى جاڭا جورىقتا العا باسۋ جولىنداعى داۋىلدى تولقىندارعا، سىن - سىناقتارعا توتەپ بەرۋدىڭ، جۇڭگو ۇلگىسىندەگى وسىزامانداندىرۋدى ىلگەرىلەتۋدىڭ پارمەندى شاراسى، قاي - قاشان دا ءىرى پارتياعا عانا ءتان قيىن ماسەلەلەردى شەشەتىن سەرگەكتىك پەن تاباندىلىقتى ساقتاپ، ”التىنى قايتكەندە باستان - اياق ورىنداۋعا بولادىعا“ جاۋاپ قايتارۋدىڭ رەال قاجەتى، قىزمەت ستيلىندە بۇرىلىس جاساۋدىڭ، بۇقارامەن تىعىز بايلانىس ورناتۋدىڭ، مىندەت وتەۋ قابىلەتىن جوعارىلاتۋدىڭ، جاۋاپكەرشىلىك ارقالاۋدى كۇشەيتۋدىڭ ءونىمدى جولى.
ەكىنشى، جالپى تالاپ
بۇكىل پارتيادا تەكسەرۋ - زەرتتەۋدى بارىنشا ورىستەتۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، پارتيانىڭ نازارياسى مەن لۋشيان، باعىت - ساياساتتارىن، پارتيا ورتالىق كوميتەتىنىڭ كەلەلى شەشىمدەرى مەن ورنالاستىرۋلارىن دايەكتى اتقارۋدى تىعىز ارقاۋ ەتىپ، پارتيانىڭ داڭقتى ءداستۇرى مەن تاڭداۋلى ستيلىن بارىنشا اسقاقتاتىپ، ماسەلەنى باعدار ەتۋ مەن نىسانانى باعدار ەتۋدى كورنەكتىلەندىرىپ، قالىڭ پارتيا مۇشەلەرىن، كادرلاردى، اسىرەسە، باسشى كادرلاردى باستاماشىلدىقپەن ىشكەرىلەي تەكسەرۋ - زەرتتەۋ جۇرگىزۋگە جەبەپ، پارتيانىڭ جاسامپاز نازارياسىن تانۋدى جانە يگەرۋدى ۇزدىكسىز تەرەڭدەتىپ، پارتيانىڭ جاسامپاز نازارياسىنان پايدالانىپ جاڭا جاعدايلاردى زەرتتەۋگە، تىڭ ماسەلەلەردى شەشۋگە، جاڭا تاجىريبەلەردى قورىتىندىلاۋعا، جاڭا زاڭدىلىقتى قاراستىرۋعا شەبەر بولىپ، بارىن سالا ناقتى ءىس ىستەپ، ناقتى شارا قاراستىرىپ، ناقتى ونىمدىلىككە تالپىنۋ ارقىلى تەكسەرۋ - زەرتتەۋ قىزمەتىن وزەكتى قىزمەتپەن جانە شەشىم جاساۋدىڭ قاجەتىمەن تىعىز ۇشتاستىرىپ، عىلمي شەشىم جاساۋعا اناعۇرلىم ويداعىداي قىزمەت وتەۋ، پارتيانىڭ بيلىك جۇرگىزۋ قابىلەتى مەن باسشىلىق دەڭگەيىن جوعارىلاتۋعا قىزمەت وتەۋ، جاڭا داۋىردەگى جاڭا جورىقتاعى بورىش پەن مىندەتتى ورىنداۋعا قىزمەت وتەۋ كەرەك.
بۇكىل پارتيادا تەكسەرۋ - زەرتتەۋدى بارىنشا ورىستەتۋدە، ءسوز جوق، پارتيانىڭ بۇقارالىق لۋشيانىنا تاباندى بولىپ، بۇقارادان الىپ، بۇقاراعا قايتارىپ، حالىق بۇقاراسىمەن سۇيىسپەنشىلىكتى كۇشەيتىپ، بۇقارانىڭ ۇنىنە شىن ىقىلاسپەن قۇلاق ءتۇرىپ، بۇقارانىڭ تىلەگىن شىنايى اڭىس ەتىپ، بۇقارانىڭ مۇڭ - مۇقتاجىنا شىنايى سۇيىسپەنشىلىكپەن كوڭىل ءبولىپ، سانالى تۇردە بۇقارادان ۇيرەنىپ، امالياتتان ۇيرەنىپ، حالىقتىڭ جاسامپازدىق امالياتىنان دۇرىس تانىمعا يە بولىپ، پارتيانىڭ دۇرىس قۋاتتاماسىن بۇقارانىڭ سانالى ارەكەتىنە اينالدىرۋ كەرەك. ءسوز جوق، شىندىقتى ءىس جۇزىنەن ىزدەۋگە تاباندى بولۋ، پارتيالىلىق پرينسيپكە بۇلجىماستان بويسۇنۋ، بارىندە ناقتى جاعدايدى شىعار ءتۇيىن ەتۋ، نازاريانى امالياتپەن بايلانىستىرۋ، شىن ءسوزدى تىڭداپ، ناقتى جاعدايدى تەكسەرۋ، اقيقاتقا تاباندى بولىپ، قاتەلىكتى تۇزەتۋ، ءبىردى ءبىر، ەكىنى ەكى دەۋ، جاقسىلىقتى دا، جاماندىقتى دا ايتۋ، كىتاپشىلدىقتان، جوعارىعا تابىنۋشىلىقتان اۋلاق بولىپ، ناقتى جاعدايدى عانا نەگىزگە الۋ كەرەك. ءسوز جوق، ماسەلەنى باعدار ەتۋگە تاباندى بولىپ، ماسەلە تانىمىن كۇشەيتۋ، ماسەلەگە باتىلدىقپەن تۋرا قاراپ، ماسەلەنى شەبەرلىكپەن بايقاۋ، ماسەلەنى شەشۋدى ءتۇبىرلى ماقسات ەتۋ، شىنايى تۇردە احۋالدى انىق ءبىلىپ، ماسەلەنى ءداپ باسىپ تاۋىپ، قارسى شارالاردى ناقتى العا قويۋ، ماسەلەنى شىنايى شەشۋدىڭ جاڭا وي جەلىسىن، جاڭا ءادىسىن ۇزدىكسىز العا قويۋ كەرەك. ءسوز جوق، قامال الا قيىندىقتاردى جەڭۋگە تاباندى بولىپ، كۇرەسكەرلىك رۋحتى اسقاقتاتىپ، كۇرەسكەرلىك قابىلەتتى كۇشەيتۋ، حاۋىپ - قاتەرگە قارسى اتتانۋعا، قيىن ماسەلەلەردى شەشۋگە باتىلدىق ەتۋ، قيىندىققا قارسى اتتانىپ، قيىنشىلىقتان تايسالماي ورگە ۇمتىلۋ، تەكسەرۋ - زەرتتەۋ جەتىستىكتەرىن قىزمەتتى ىلگەرىلەتۋدىڭ، قيىنشىلىقتى جەڭۋدىڭ ناقتى ناتيجەسىنە اينالدىرۋ كەرەك. ءسوز جوق، جۇيە كوزقاراسىنا تاباندى بولۋ، امالياتقا ىشكەرىلەي ارالاسىپ، نەگىزگى ساتىعا ىشكەرىلەي ارالاسىپ، بۇقارامەن ىشكەرىلەي ارالاسىپ، تەكسەرۋ جۇرگىزۋ ارقىلى احۋال ۇعىسۋ، جالپى جاعداي مەن ءىشىنارا جاعدايدىڭ، قازىرگى مەن بولاشاقتىڭ، ماكرو مەن ميكرونىڭ، باستى قايشىلىق پەن ادەتتەگى قايشىلىقتىڭ، ەرەكشە مەن ادەتتەگىنىڭ قاتىناسىن ويداعىداي يگەرۋ، پارتيا مەن مەملەكەتتىڭ ءتۇرلى ىسىنە كورەگەندىكپەن وي جۇگىرتىپ، جالپى جاعدايلىق جوسپار جاساپ، ونى تۇتاس تۇلعالىق جاقتان ىلگەرىلەتۋ كەرەك.
ءۇشىنشى، تەكسەرۋ - زەرتتەۋ مازمۇنى
بۇكىل پارتيادا تەكسەرۋ - زەرتتەۋ جۇرگىزۋدى بارىنشا ورىستەتۋدە پارتيا 20 - قۇرىلتايىنىڭ رۋحىن جاپپاي دايەكتىلەندىرۋدى، تياناقتاندىرۋدى، جوعارى ساپالى دامۋدى ىلگەرىلەتۋدى مىقتاپ ارقاۋ ەتىپ، ماسەلەگە توقتاۋسىز كۇش سالىپ، ماسەلەلەردى جاپپاي سالالاپ، قيىن ماسەلەلەردى جاپپاي ءبىر - بىرلەپ تەكسەرىپ، دايەكتىلەندىرۋ، اتقارۋ بارىسىنداعى بوگەلىس تۇيىندەرىن، قوردالانعان تۇيىندەردى، قيىن تۇيىندەردى كۇش سالا اشۋ كەرەك. ءار دارەجەلى پارتكومدار (پارتيا باسشىلىق گرۋپپاسى) فۋنكتسيانى، بورىشتى تياناق ەتىپ، جالپى جاعدايعا ساياتىن ستراتەگيالىق تەكسەرۋ - زەرتتەۋدى، كۇردەلى، قيىن ماسەلەلەردى شەشەتىن ادىستەمەلىك تەكسەرۋ - زەرتتەۋدى، جاڭا داۋىردەگى، جاڭا جاعدايداعى تۇسپالدىق تەكسەرۋ - زەرتتەۋدى، كەلەلى قىزمەتتەر مەن نىسانداردى قاداعالاۋ سيپاتتى تەكسەرۋ - زەرتتەۋدى، تيپتىك ءىس مىسالدارىن بورشالاۋ ۇلگىسىندەگى تەكسەرۋ - زەرتتەۋدى، تياناقتاندىرۋدى ىلگەرىلەتەتىن قۋزاۋ - تەكسەرۋ ۇلگىسىندەگى تەكسەرۋ - زەرتتەۋدى ويداعىداي جۇرگىزۋدى ارقاۋ ەتىپ، ماڭىزدى ءتۇيىندى كورنەكتىلەندىرىپ، ۇرىمتال جەردەن ۇستاپ، ناقتى جاعدايمەن ۇشتاستىرا تەكسەرۋ - زەرتتەۋ مازمۇنىن تۇراقتاندىرۋى كەرەك. باستىسى، مىناداي 12 جاقتى قامتيدى:
1. پارتيا ورتالىق كوميتەتىنىڭ شەشىمدەرى مەن ورنالاستىرۋلارىن جانە باس شۋجي شي جينپيڭنىڭ وسى رايونداعى، وسى تاراۋداعى، وسى سالاداعى قىزمەتتەر جونىندەگى ماڭىزدى نۇسقاۋىنىڭ، بەكىتپەسىنىڭ رۋحىن دايەكتىلەندىرۋدەگى، تياناقتاندىرۋداعى باستى احۋالدار مەن ءتۇيىندى ماسەلەلەر.
2. جاڭا دامۋ ۇستانىمىن دايەكتىلەندىرۋ، جاڭا دامۋ ارناسىن قالىپتاستىرۋ، جوعارى ساپالى دامۋدى ىلگەرىلەتۋ بارىسىنداعى كەلەلى ماسەلەلەر، جوعارى دەڭگەيلى عىلىم - تەحنيكادا ءوز كۇشىنە سۇيەنۋدى، ءوزىن الۋەتتەندىرۋدى ىلگەرىلەتىپ، ەل ءىشى سۇرانىسىن كەڭەيتىپ، قامداۋ جاعىنداعى قۇرىلىمدىق رەفورمانى تەرەڭدەتىپ، وسىزاماندانعان كاسىپ سالاسى جۇيەسىن ورناتىپ، ”ەكىدەن تيتتەي دە اۋىتقىماۋدى“ تياناقتاندىرىپ، شەتەل قارجىسىن باۋراپ جانە پايدالانىپ، اۋىل - قىستاقتى گۇلدەندىرۋدى جاپپاي ىلگەرىلەتۋ بارىسىنداعى باستى احۋالدار مەن ءتۇيىندى ماسەلەلەر.
3. دامۋ مەن حاۋىپسىزدىكتى ءبىر تۇتاس جوسپارلاۋ، استىق، ەنەرگيا، كاسىپ سالاسى تىزبەگى مەن قامداۋ تىزبەگى، ءوندىرىس، ازىق - تۇلىك جانە ءدارى - دارمەك، الەۋمەتتىك دەنساۋلىق ساقتاۋ سياقتىلاردىڭ حاۋىپسىزدىگىنە شىنايى كەپىلدىك ەتۋ، ەكونوميكالىق، فينانستىق ەلەۋلى حاۋىپ - قاتەرلەردەن ساقتانۋ جانە ونى ارىلتۋ بارىسىنداعى باستى احۋالدار مەن ءتۇيىندى ماسەلەلەر.
4. رەفورما جاساۋدى، ەسىك اشۋدى جاپپاي تەرەڭدەتۋدەگى كەلەلى ماسەلەلەر، ماڭىزدى سالالار مەن شەشۋشى بۋىندار رەفورماسىنداعى، جوعارى دەڭگەيدە سىرتقا ەسىك اشۋداعى باستى احۋالدار مەن ءتۇيىندى ماسەلەلەر.
5. مەملەكەتتى جاپپاي زاڭمەن باسقارۋداعى كەلەلى ماسەلەلەر، جۇڭگوشا سوتسياليستىك زاڭ جۇيەسىن كەمەلدەندىرۋ، زاڭ بويىنشا اكىمشىلىك جۇرگىزۋدى ىلگەرىلەتۋ، ءادىليادا ءادىل بولۋدى قاتايتۋ، زاڭمەن باسقارىلاتىن قوعام قۇرۋ سياقتىلارداعى باستى احۋالدار مەن ءتۇيىندى ماسەلەلەر.
6. يدەولوگيا سالاسىندا تاپ بولعان سىن - سايىستار، مادەنيەت جاعىندا وزىنە سەنۋدى، ءوزىن الۋەتتەندىرۋدى ىلگەرىلەتۋ، سوتسياليستىك مادەنيەتتە قۋاتتى ەل قۇرۋ جانە اقپاراتتىق قوعامدىق پىكىرگە جەتەكشىلىك ەتۋ، ينتەرنەتتى جاپپاي جونگە سالۋ بارىسىنداعى باستى احۋالدار مەن ءتۇيىندى ماسەلەلەر.
7. بىرگە بايۋدى ىلگەرىلەتۋ، حالىق تۇرمىسىنىڭ قۇت - ىرىسىن ارتتىرۋ بارىسىنداعى كەلەلى ماسەلەلەر، كەدەيلىكتەن ارىلتۋدان قامال الۋ جەتىستىكتەرىن بەكەمدەۋ، كەڭەيتۋ، قالا، اۋىلداردىڭ، وڭىرلەردىڭ دامۋ پارقىن جانە كىرىس بولىسىندەگى پارىقتاردى ازايتۋداعى باستى احۋالدار مەن ءتۇيىندى ماسەلەلەر.
8. حالىق ەڭ كوڭىل بولگەن، ەڭ تىكە، ەڭ رەال مۇددە ماسەلەلەرى، اسىرەسە، جۇمىستاندىرۋ، وقۋ - اعارتۋ، ەمدەۋ، بالالاردى اماناتتاپ باعىپ - قاعۋ، قارتتاردى كۇتىمدەۋ، تۇرعىن ءۇي سياقتى بۇقارانىڭ شۇعىل، قيىن، ۋايىمداعان، ءزارۋ بولعان ناقتى ماسەلەلەرى.
9. تۇنىق سۋ، جاسىل تاۋ − باعالى بايلىق ۇستانىمىن بەرىك ورناتۋ جانە امالياتتا ايگىلەۋ جاعىنداعى الشاقتىقتار مەن جەتەرسىزدىكتەر، كورىكتى جۇڭگو قۇرىلىسىن ىلگەرىلەتۋ، ەكولوگيالىق ورتانى قورعاۋ جانە ەكولوگيالىق حاۋىپسىزدىكتى قورعاۋ بارىسىنداعى باستى احۋالدار مەن ءتۇيىندى ماسەلەلەر.
10. قوعام ورنىقتىلىعىن قورعاۋداعى كەلەلى ماسەلەلەر، اپاتتان ساقتانۋ، اپات زيانىن ازايتۋ، اپاتتان قۇتقارۋ جانە اۋىر، توسىن الەۋمەتتىك وقيعالاردى ءبىر جايلى ەتۋدى قامتاماسىزداندىرۋ جاعىنداعى ولقىلىقتار، جاڭا جاعدايداعى حالىق اراسىنداعى قايشىلىقتاردى ءبىر جايلى ەتۋدەگى جانە قوعام اماندىعى جاعىنداعى جالپى تۇلعالىق ساقتانۋ - تىزگىندەۋدى قاتايتۋداعى باستى احۋالدار مەن ءتۇيىندى ماسەلەلەر.
11. پارتيانى جاپپاي قاتاڭ باسقارۋداعى كەلەلى ماسەلەلەر، پارتيا باسشىلىعىن تياناقتاندىرۋدىڭ السىرەۋى، قۇر فورماعا اينالۋى، سولعىنداۋى، پارتيا ۇيىمىنىڭ ساياسي يقۋاتى مەن ۇيىمدىق يقۋاتى ءالسىز بولۋ، ءىس تىندىرىپ، ناتيجە شىعارۋداعى قايرات - جىگەرى كەم بولۋ، جاۋاپكەرشىلىك ارقالاماۋ، ىسكەرلىك كورسەتپەۋ، ”قاراقۋ“، ”سۇرى ءمۇيىز تۇمسىق“ وقيعالارىنا توتەپ بەرۋ، سونداي - اق حاۋىپ - قاتەردەن ساقتانۋ جانە ونى جويۋ قابىلەتى ءالسىز بولۋ، فورماشىلدىق، تورەشىلدىك، ەرەكشە ۇقىق يدەياسى جانە ەرەكشە ۇقىق ارەكەتى سياقتى ءتۇيىندى ماسەلەلەر.
12. ءوز وڭىرىندە، ءوز تاراۋىندا، ءوز ورنىندا ۇزاق ۋاقىت بويى شەشىلمەگەن ءسىڭىستى، ءىرى، قيىن ماسەلەلەر.
ءتورتىنشى، ادىستەرى مەن ساتىلارى
بۇكىل پارتيادا تەكسەرۋ - زەرتتەۋدى بارىنشا ورىستەتۋ 6 ساتىعا بولىنەدى.
(1) تانىمدى جوعارىلاتۋ. ءار دارەجەلى پارتكومدار (پارتيا باسشىلىق گرۋپپالارى) نازاريا ۇيرەنۋ وزەكتى گرۋپپاسىنىڭ ۇيرەنۋى، كىتاپ وقۋ كلاسى سياقتىلار ارقىلى پارتيا مۇشەلەرىن، كادرلاردى باس شۋجي شي جينپيڭنىڭ تەكسەرۋ - زەرتتەۋ جونىندەگى ماڭىزدى بايىمداۋلارىن ىشكەرىلەي ۇيرەنۋگە، تۇسىنۋگە، باس شۋجي شي جينپيڭنىڭ سول ءوڭىر، سول تاراۋ، سول سالا جونىندەگى ماڭىزدى سوزدەرى مەن ماڭىزدى نۇسقاۋلارىنىڭ، بەكىتپەلەرىنىڭ رۋحىن ۇيرەنۋگە، اعا بۋىن توڭكەرىسشىلەردىڭ نەگىزگى ساتىنى ىشكەرىلەي ارالاپ تەكسەرۋ - زەرتتەۋ جۇرگىزۋى سىندى تاڭداۋلى ستيلىن جالعاستىرۋعا جانە ساۋلەلەندىرۋگە، تەكسەرۋ - زەرتتەۋدى ويداعىداي جۇرگىزۋدەگى يدەيالىق سانالىلىقتى، ساياسي سانالىلىقتى، ارەكەت سانالىلىعىن كۇشەيتۋگە ۇيىمداستىرۋى كەرەك.
(2) جوبا جاساۋ. ءار دارەجەلى پارتكومدار (پارتيا باسشىلىق گرۋپپالارى) تەكسەرۋ - زەرتتەۋ مازمۇنىن ارقاۋ ەتىپ، ءوز ءوڭىرىنىڭ، ءوز تاراۋىنىڭ، ءوز ورنىنىڭ ناقتى جاعدايىمەن ۇشتاستىرىپ، ءار جاقتان كەڭ كولەمدە پىكىر الىپ، تەكسەرۋ - زەرتتەۋدىڭ ناقتى جوباسىن اقىلداسىپ جاساپ، تەكسەرۋ - زەرتتەۋ جۇرگىزۋدەگى نىسان تاقىرىبى، ءادىس - ءتاسىلى جانە قىزمەت تالابى سياقتىلاردى ايقىنداپ، تەكسەرۋ - زەرتتەۋ جۇرگىزۋدەگى ۋاقىتتى، ورىندى، ادامداردى ءبىر تۇتاس جوسپارلاپ ورنالاستىرىپ، ۇيلەسىمدى تۇراقتاندىرۋى كەرەك. پارتكومدارداعى (پارتيا باسشىلىق گرۋپپاسى) نەگىزگى جاۋاپتى جولداستار وزدەرى باسقارىپ جوبا جاساۋى كەرەك.
(3) تەكسەرۋ - زەرتتەۋ جۇرگىزۋ. اۋدان، باسقارما دارەجەلىدەن جوعارى باسشىلىق القا قۇرامىنداعى ءار ادام ءبىر تاقىرىپقا باستاماشى بولىپ تەكسەرۋ - زەرتتەۋ جۇرگىزەدى، سونىمەن بىرگە قاتىستى سالالار نەمەسە قىزمەتتەر بارىسىنداعى كورنەكتى قيىن ماسەلەلەرگە مەڭزەس ارناۋلى تەكسەرۋ - زەرتتەۋ جۇرگىزۋ كەرەك. جەرگىلىكتى جاعدايعا قاراي ىستەۋگە تاباندى بولىپ، اڭگىمە ءماجىلىسى جانە سۇحباتتاسۋ، كەزدەيسوق ارالاۋ، ساۋالناما ارقىلى تەكسەرۋ، مامانداردىڭ تەكسەرۋى، ۇلگى الىپ تەكسەرۋ، ساناققا الىپ تالداۋ جاساۋ سياقتى تاسىلدەردەن كەشەندى پايدالانۋ، ينتەرنەت، ۇلكەن ساندى مالىمەت سياقتى وسى زامانعى ينفورماتسيا تەحنيكاسىنان تولىق پايدالانۋ ارقىلى تەكسەرۋ - زەرتتەۋ جۇرگىزىپ، عىلميلىق پەن ناقتى ونىمدىلىكتى جوعارىلاتۋ كەرەك. اۋىل - قىستاق، الەۋمەتتىك اۋماق، كاسىپورىن، شيپاحانا، مەكتەپ، جاڭا ەكونوميكالىق ۇيىم، جاڭا قوعامدىق ۇيىم سياقتى نەگىزگى ساتى ورىندارىن ىشكەرىلەي ارالاپ، ناقتى احۋالدى يگەرىپ، تەكسەرىپ تۇجىرىم جاساپ، بۇقارادان اقىل سۇراۋ، امالياتتان تاجىريبە قابىلداۋ كەرەك. رولدى اۋىستىرىپ، بۇقارانىڭ اراسىنا بارىپ، بۇقارانى مازالاعان، ۋايىمداتقان، الاڭداتقان ىستەردى ۇعىسىپ، قىزمەتتەردەگى الشاقتىقتار مەن جەتەرسىزدىكتەردى بايقاۋ جانە انىقتاۋ كەرەك. تيپتىك ءىس مىسالدارىمەن ۇشتاستىرىپ، ماسەلەگە تالداۋ جاساپ، سەبەبىن انىقتاپ، بىرەۋى ارقىلى وزگەسىن تۇسپالداۋ بويىنشا شارالاردى جاقسارتۋ كەرەك. قۋزاۋ - تەكسەرۋ بويىنشا تەكسەرۋ - زەرتتەۋدى كۇشەيتۋ، قىزمەتتىڭ شىنايى تياناقتانعان - تياناقتانباعاندىعىن، ماسەلەنىڭ شىنايى شەشىلگەن - شەشىلمەگەندىگىن تەكسەرۋ كەرەك.
(4) زەرتتەۋدى تەرەڭدەتۋ. تەكسەرۋ - زەرتتەۋ احۋالىن جاپپاي سالالاپ، جيناقتاپ، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ دۇنيەگە كوزقاراسىنان، ادىستەمەسىنەن جانە وعان سىڭىرىلگەن تۇرعىدان، كوزقاراستان، ادىستەن پايدالانىپ، ىشكەرىلەي تالداۋ جاساۋ، جان - جاقتىلى دالەلدەۋ جانە عىلمي شەشىم جاساۋ كەرەك. اسىرەسە، ناقتى جالپىلىق جانە تۇزىمدىك ماسەلەلەر، رەفورماعا، دامۋعا، ورنىقتىلىققا ساياتىن تەرەڭ قاتپارلى شەشۋشى ماسەلەلەر، سونداي - اق جينالىپ قالعان قيىن ماسەلەلەر جانە ءسىڭىستى كىناراتتار مەن قاساڭ دەرتتەر سياقتىلارعا مەڭزەس، جەتە زەرتتەپ، ءتۇپ قاينارىن جانە تۇيىنشەگىن ءدال تابۋ كەرەك. وسى نەگىزدە باسشىلىق القاسى تەكسەرۋ - زەرتتەۋ احۋالى جونىندە پىكىرلەسىپ، قارسى شارالاردى اقىلداسىپ، ماسەلەنى شەشۋدىڭ، قىزمەتتەردى ىلگەرىلەتۋدىڭ وي جەلىسىن، ادىستەرىن جانە ساياساتتىق شارالارىن قالىپتاستىرىپ، ءاربىر ماسەلەنىڭ ناقتى دا جارامدى شەشۋ شاراسى بولۋىنا شىنايى كەپىلدىك ەتۋ كەرەك.
(5) ماسەلەنى شەشۋ. تەكسەرىپ - زەرتتەۋدە اڭىس ەتىلگەن جانە بايقالعان ماسەلەلەردى ءبىر - بىرلەپ سالالاۋ ارقىلى ماسەلە ءتىزىمىن، جاۋاپكەرشىلىك ءتىزىمىن، مىندەت ءتىزىمىن قالىپتاستىرىپ، شەشۋ شاراسىن، جاۋاپتى ورىندى، جاۋاپتى ادامدى جانە ءبىتىرۋ ۋاقىت شەگىن ءبىر - بىرلەپ كورسەتۋ كەرەك. قىسقا ۋاقىت ىشىندە شەشۋگە بولاتىندارىنا قاراتا دەرەۋ ارەكەتتەنىپ، تاباندا تۇزەتىپ، تەز ارادا ءبىتىرۋ كەرەك. قىسقا ۋاقىت ىشىندە شەشۋگە كەلمەيتىن، ۇزدىكسىز ىلگەرىلەتۋگە تۋرا كەلەتىندەرىنە قاراتا نىسانانى ايقىنداپ، كوز جازباي قاداعالاپ، سوڭىنا دەيىن يگەرىپ، ماسەلە شەشىلمەيىنشە بوساڭسىماۋ، تۇبەگەيلى شەشىلمەيىنشە قول بوساتپاۋ كەرەك.
(6) قۋزاپ تەكسەرىپ، قايىرىلا ۇعىسۋ. ءار دارەجەلى پارتكومدار (پارتيا باسشىلىق گرۋپپاسى) تەكسەرۋ - زەرتتەۋ جەتىستىگىن كادەگە جاراتۋ، قولدانۋ ءتىزىمىن جاساپ، تەكسەرۋ - زەرتتەۋ تاقىرىپتارىنىڭ ورىندالۋ جاعدايىن، ماسەلەنىڭ شەشىلۋ جاعدايىن قۋزاپ تەكسەرۋدى، اتقارىلۋىن باقىلاۋدى جانە ونىمدىلىگىن قاداعالاۋدى كۇشەيتۋى؛ باسشى كادرلار تەكسەرۋ - زەرتتەۋ وبيەكتىلەرى جانە ماسەلەنى شەشۋ سياقتى ىستەردى مەرزىمدى تۇردە قايىرىلا ۇعىسىپ، جاڭا ماسەلەلەردى بايقاۋعا جانە شەشۋگە نازار اۋدارۋى كەرەك.
بەسىنشى، قىزمەت تالاپتارى
(1) ۇيىمدىق باسشىلىقتى كۇشەيتۋ. ءار دارەجەلى پارتكومدار (پارتيا باسشىلىق گرۋپپاسى) تەكسەرۋ - زەرتتەۋ قىزمەتىنە ايرىقشا ءمان بەرىپ، ارناۋلى ورنالاستىرۋ جاساپ، جوبا جاساۋ، بارىستىق اتقارۋ، ونىمدىلىگىن باقىلاۋ سياقتى ءار بۋىنداعى قىزمەتتەردى عىلمي، دالمە - ءدال ويداعىداي ىستەۋى كەرەك. پارتكومداعى (پارتيا باسشىلىق گرۋپپاسى) نەگىزگى جاۋاپتى جولداستار باستى جاۋاپكەرشىلىكتى ارقالاپ، ءوز جەرىنىڭ، ءوز تاراۋىنىڭ، ءوز ورنىنىڭ تەكسەرۋ - زەرتتەۋدى ىلگەرىلەتۋىن، تياناقتاندىرۋىن مىقتى يگەرۋى؛ القاداعى باسقا مۇشەلەر وزدەرى جاۋاپتى بولعان سالالار مەن جاۋاپتى بولعان ورىندارىنىڭ تەكسەرۋ - زەرتتەۋ قىزمەتىن مىقتى يگەرۋى كەرەك. باسشى كادرلار باستاماشىلدىقپەن تەكسەرۋ - زەرتتەۋ جۇرگىزىپ، تەكسەرۋ - زەرتتەۋ ءادىسىن جاقسارتىپ، جوعارى ارقىلى تومەنگە جەتەكشىلىك ەتىپ، ۇلگى كورسەتۋى كەرەك.
(2) قىزمەت ءتارتىبىن قاتايتۋ. تەكسەرۋ - زەرتتەۋدە ورتالىقتىڭ 8 ءتۇرلى بەلگىلەمەسىنىڭ جانە ونى اتقارۋ ناقتى ەرەجەسىنىڭ رۋحىن قاتاڭ اتقارىپ، كوپ ادام ەرتپەۋ، ۇنەمشىل بولۋ، ساتى سايىن ۇستەمەلەپ سەرىك ەرتپەۋ كەرەك. ”حابارلاندىرۋ شىعارماۋ، قۇلاق قاعىس ەتپەۋ، مالىمەت تىڭداماۋ، جول سەرىك ەرتپەۋ جانە كۇتىپ الۋعا قاراماۋ، نەگىزگى ساتىعا، جۇمىس باسىنا توتە بارۋ“ ءتاسىلىن قولدانىپ، قيىنشىلىعى كوپ، بۇقارانىڭ پىكىرى شوعىرلانعان، قىزمەتتە باستاما اشىلماعان جەرلەرگە جانە ورىندارعا كوبىرەك بارىپ تەكسەرۋ - زەرتتەۋ جۇرگىزۋ، كەدەيدى قوراشسىنىپ، بايلاردى جاعالايتىن تەكسەرۋ - زەرتتەۋ جۇرگىزۋدەن ساقتانۋ كەرەك. تەكسەرۋ - زەرتتەۋدى ءبىر تۇتاس جوسپارلاۋدى كۇشەيتىپ، توپ - توبىمەن تەكسەرۋ - زەرتتەۋ جۇرگىزۋدەن، باس - باسىنا تەكسەرۋ - زەرتتەۋ جۇرگىزۋدەن، قايتالانعان تەكسەرۋ - زەرتتەۋ جۇرگىزۋدەن اۋلاق بولۋ، نەگىزگى ساتىنىڭ جۇگىن اۋىرلاتپاۋ كەرەك. فورماشىلدىقتان، تورەشىلدىكتەن تيىلىپ، ويىن قويۋ تۇرىندە تەكسەرۋ - زەرتتەۋ جۇرگىزبەۋ، كورىنىس تۇرىندە تەكسەرۋ - زەرتتەۋ جۇرگىزبەۋ، قول ۇشىمەن ىستەپ تەكسەرۋ - زەرتتەۋ جۇرگىزبەۋ، ات ءۇستى ىستەۋدەن، تەرەڭگە بويلاماۋدان ساقتانۋ كەرەك. تەكسەرۋ نەگىزىندە زەرتتەۋدى تەرەڭدەتىپ، تەكسەرۋ كوپ، زەرتتەۋ از بولۋىنان، احۋال كوپ، تالداۋ از بولۋىنان، العا قويىلعان قارسى شارالار مەن ۇسىنىستاردىڭ ءىس جۇزىندىك ماسەلەنى شەشە الماۋىنان ساقتانۋ كەرەك. ستيل قۇرىلىسىنىڭ تالابىنا جانە پاك، تارتىپشەڭ بولۋ بەلگىلەمەسىنە قايشىلىق جاساعانداردى بەلگىلەمە بويىنشا، ءتارتىپ بويىنشا قاتاڭ جاۋاپقا تارتۋ كەرەك.
(3) ءبىر تۇتاس جوسپارلاپ ىلگەرىلەتۋگە تاباندى بولۋ. نەگىزگى ساتىدا بايقالعان، تامىرى جوعارىدا جاتقان ماسەلەلەردى، كوپ جەرگە نەمەسە كوپ تاراۋعا، كوپ ورىنعا ساياتىن ماسەلەلەردى جوعارى مەن تومەن سايكەسۋ، جالپى تۇلعالىق جاقتان ىلگەرىلەتۋ ارقىلى شەشۋ كەرەك. قازىرگى مەن بولاشاقتى ءبىر تۇتاس جوسپارلاۋ، تەكسەرۋ - زەرتتەۋدەگى ءونىمدى ادىستەر مەن تابىستى تاجىريبەلەردى بايقاپ، قورىتىندىلاۋ، تەكسەرۋ - زەرتتەۋدىڭ باياندى مەحانيزمىن كەمەلدەندىرۋ ارقىلى تەكسەرۋ - زەرتتەۋدى پارتيا مۇشەلەرىنىڭ، كادرلاردىڭ ۇنەمىلىك قىزمەتىنە اينالدىرىپ، بۇكىل پارتيادا سالتقا اينالدىرىپ، ناقتى ونىمدىلىگىن كورسەتۋ كەرەك.
(4) ۇگىت تەبىنىن ارتتىرۋ. پارتيا گازەتى، پارتيا جۋرنالى، تەلەۆيزيا، راديو ستانسياسى، ينتەرنەتتىك تاراتۋ تۇعىرى سياقتىلاردان تولىق پايدالانىپ، الۋان ءتۇرلى ۇگىت فورماسىن جانە ءتاسىلىن قولدانىپ، تەكسەرۋ - زەرتتەۋدى بارىنشا ورىستەتۋدىڭ كەلەلى ءمانىن جانە جەر - جەردىڭ، تاراۋلاردىڭ، ورىنداردىڭ تەكسەرۋ - زەرتتەۋدى بارىنشا ورىستەتۋدەگى ناقتى شارالارىن، ءىس جۇزىندىك تابىستارىن بارىنشا ۇگىتتەپ، تەكسەرۋ - زەرتتەۋدى بارىنشا ورىستەتەتىن ورتاق تانىم جانە كۇش - قۋات ۇيىستىرىپ، قويۋ راي قالىپتاستىرۋ كەرەك.
