شي جينپيڭ رەسەي مەديالارىندا اۆتورلى ماقالا جاريالادى
اسقاق جىگەرمەن العا ىلگەرىلەپ، جۇڭگو − رەسەي دوستىق سەلبەستىگىنىڭ، بىرگە دامۋىنىڭ تىڭ پاراعىن اشايىق
شينحۋا اگەنتتىگىنىڭ 3 - ايدىڭ 20 - كۇنى بەيجيڭنەن بەرگەن حابارى. 3 - ايدىڭ 20 - كۇنى ماسكەۋگە بارىپ، رەسەي فەدەراتسياسىندا مەملەكەتتىك ساپاردا بولۋ قارساڭىندا، مەملەكەت ءتوراعاسى شي جينپيڭ «رەسەي گازەتىندە» جانە رەسەي اقپارات اگەنتتىگىنىڭ سايتىندا «اسقاق جىگەرمەن العا ىلگەرىلەپ، جۇڭگو − رەسەي دوستىق سەلبەستىگىنىڭ، بىرگە دامۋىنىڭ تىڭ پاراعىن اشايىق» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:
اسقاق جىگەرمەن العا ىلگەرىلەپ، جۇڭگو − رەسەي دوستىق سەلبەستىگىنىڭ، بىرگە دامۋىنىڭ تىڭ پاراعىن اشايىق
جۇڭحۋا حالىق رەسپۋبليكاسىنىڭ ءتوراعاسى شي جينپيڭ
پۋتين زۇڭتۇڭنىڭ ۇسىنىسىمەن، مەن رەسەي فەدەراتسياسىندا مەملەكەتتىك ساپاردا بولعالى وتىرمىن. 10 جىلدىڭ الدىندا، مەن جۇڭگونىڭ مەملەكەت ءتوراعاسى بولىپ سايلانعاننان كەيىن، رەسەي مەن ساپاردا بولعان تۇڭعىش مەملەكەت بولدى. 10 جىلدان بەرى، رەسەيدە 8 رەت ساپاردا بولدىم، ءار جولى كوڭىلدى بارىپ، تابىسپەن ورالىپ، پۋتين زۇڭتۇڭمەن بىرگە جۇڭگو − رەسەي قارىم - قاتىناسىنىڭ تىڭ پاراعىن اشتىم.
جۇڭگو مەن رەسەي ەكى ەل ءبىر - ءبىرىنىڭ ەڭ ءىرى كورشى ەلدەرى جانە جان - جاقتى ستراتەگيالىق سەلبەستىك سەرىكتەر، ەكەۋى دە دۇنيە جۇزىندەگى نەگىزگى ءىرى ەلدەر جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى. ەكى ەل دە دەربەس، وزىنە - ءوزى قوجايىن بولۋ سىندى ديپلوماتيالىق ساياساتتى اتقارىپ، تۇگەلدەي جۇڭگو − رەسەي قارىم - قاتىناسىن ءوز ەلى ديپلوماتياسىنىڭ الدىمەن ويلاستىراتىن بەتالىسى ەتەدى.
جۇڭگو − رەسەي قارىم - قاتىناسى دامۋىنىڭ ايقىن تاريحي لوگيكاسى مەن قۇدىرەتتى ىشكى قوزعاۋشى كۇشى بار. 10 جىلدان بەرى، ەكى جاقتىڭ ءار سالاداعى سەلبەستىگى قارىشتاي دامىپ، جاڭا داۋىرگە ارشىندى قادام تاستادى.
−جوعارى جىكتەگىلەردىڭ بارىس - كەلىسى ماڭىزدى ستراتەگيالىق جەتەكتەۋ رولىن اتقاردى. جۇڭگو − رەسەي ەكى ەل جوعارى جىكتەگىلەردىڭ كەمەلدى بارىس - كەلىسىن جانە ءار سالاداعى سەلبەستىك مەحانيزمىن ورناتىپ، ەكى ەل قارىم - قاتىناسىنىڭ دامۋىنا ماڭىزدى ءتۇزىلىس - مەحانيزم قامتاماسىزدىعىن ازىرلەدى. وسى جىلداردا مەن پۋتين زۇڭتۇڭمەن تىعىز قىزمەت قاتىناسىن ساقتاپ، ەكى جاقتا جانە حالىقارالىق ورتادا ىلگەرىندى - كەيىندى 40 رەت ديدارلاسىپ، ەكى ەل قارىم - قاتىناسى مەن ءار سالاداعى سەلبەستىك ءۇشىن جوبا كەسكىندەپ، ورتاق كوڭىل ءبولىپ وتىرعان كەلەلى حالىقارالىق جانە وڭىرلىك ماسەلەلەر جونىندە دەر كەزىندە تىلدەسىپ، كەلىسىپ، ەكى جاقتى قارىم - قاتىناستىڭ ۇزدىكسىز اقاۋسىز، ورنىقتى دامۋى ءۇشىن مىقتاپ باعدار بەلگىلەپ، رول ۇستادىق.
−ەكى جاقتىڭ ساياسي جاقتاعى ءوزارا سەنىمدىلىگى ۇزدىكسىز بەكەمدەلىپ، ءىرى ەلدەر قارىم - قاتىناسىنىڭ جاڭا ۇلگىسىن تۇلعالادى. جۇڭگو − رەسەي ەكى جاق ۇرپاقتار بويى دوس بولۋ، سەلبەستىك جاساپ، تەڭ يگىلىككە كەنەلۋ ۇستانىمىنان جازباي، وداق جاساسپاۋعا، قارسىلاسپاۋعا، ءۇشىنشى جاققا باعىتتاماۋعا تاباندى بولىپ، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ءجۇرۋىن باتىل قولداپ، ءبىر - ءبىرىنىڭ دامۋىن، كوركەيۋىن قولدادى. ەكى ەلدىڭ قارىم - قاتىناسى دامۋ بارىسىندا بارعان سايىن تولىسىپ، بەكەمدەلىپ، تىڭ تىرشىلىك تىنىسىن، ومىرشەڭ كۇشتى ۇزدىكسىز قاۋلاتىپ، ءوزارا قۇرمەت ەتۋ، بەيبىت قاتار تۇرۋ، سەلبەستىك جاساپ، تەڭ يگىلىككە كەنەلۋ سىندى جاڭاشا ءىرى ەلدەر قارىم - قاتىناسىنىڭ ۇلگىسىن ورناتتى.
−ەكى جاق جان - جاقتىلى، كوپ ساتىلى سەلبەستىك جۇلگەسىن قالىپتاستىردى. ەكى جاقتىڭ بىرگە قۇلشىنۋىندا، بىلتىر جۇڭگو مەن رەسەيدىڭ ەكى جاقتى ساۋدا سوماسى 190 ميلليارد دوللاردان اسىپ، 10 جىلدىڭ الدىنداعىدان ％116 ارتتى، جۇڭگو ءۇرتىس 13 جىل بويى رەسەيدىڭ ءبىرىنشى ۇلكەن ساۋدا سەرىگى بولدى. ەكى ەلدىڭ قوس باعىتتى قارجى قوسۋ كولەمى ۇزدىكسىز ارتىپ، ەنەرگيا، اۆياتسيا - عارىش، ۇلاستىرۋ - تۇتاستىرۋ سياقتى سالالارداعى ءىرى نىساندار سەلبەستىگى ورنىقتى ىلگەرىلەتىلىپ، عىلىم - تەحنيكادا جاڭالىق اشۋ، شەكارا اتتاعان ەلەكتروندى ساۋدا سياقتى جاڭادان گۇلدەنگەن سالالارداعى سەلبەستىك جاعدايى تەبىندى بولىپ، جەرگىلىكتى ورىندار سەلبەستىگى دە قانات جايىپ، ەكى ەل حالقىنا ناقتى يگىلىك جەتكىزىپ، ەكى جاقتىڭ وزىندىك دامۋىنا، گۇلدەنۋىنە سارقىلماس قوزعاۋشى كۇش ازىرلەدى.
−ەكى جاق ۇرپاقتار بويى دوس بولۋ ۇستانىمىن امالياتتا ايگىلەپ، ءداستۇرلى دوستىق ۋاقىت وتكەن سايىن بەكەمدەلە ءتۇستى. ەكى جاق «جۇڭگو − رەسەي تاتۋ كورشىلىك دوستىق سەلبەستىك شارتىنا» قول قويىلعاندىعىنىڭ 20 جىلدىعىن سالتاناتپەن اتاپ ءوتتى، مەن پۋتين زۇڭتۇڭمەن بىرگە «شارتتىڭ» مەرزىمى ۇزارتىلعاندىعىن ءارى وعان تىڭ داۋىرلىك ءمان بەرىلگەندىگىن جاريالادىم. ەكى جاق ىلگەرىندى - كەيىندى مەملەكەت دارەجەلى 8 نەگىزگى تاقىرىپتىق جىل وتكىزىپ، دوستىق سەلبەستىكتىڭ تىڭ تاراۋىن جالعاستىرا جازدى. ەكى ەل حالقى جاڭا تيپتى ايدارشا ۆيرۋس ىندەتىنە قارسى اتتانۋ كۇرەسىندە ءبىرىن - ءبىرى قولداپ، ءوزارا جىگەرلەندىرىپ، ”قيىنشىلىقتا قالعاندا شىنايى سۇيىسپەنشىلىكتى كورەسىڭ“ دەگەنگە تاعى ءبىر رەت كۋا بولدى.
−ەكى جاق حالىقارالىق ساحنادا تىعىز سەلبەسىپ، ءىرى ەلدىڭ جاۋاپكەرشىلىك ارقالاۋىن اتقاردى. جۇڭگو مەن رەسەي بىرلەسكەن مەملەكەتتەر ۇيىمىن وزەك ەتكەن حالىقارالىق جۇيەنى، حالىقارالىق زاڭدى نەگىز ەتكەن حالىقارالىق ءتارتىپتى، بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبى نەگىزىندەگى حالىقارالىق قارىم - قاتىناستىڭ نەگىزگى ولشەمىن باتىل قورعاپ، بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى، 20 ەل توبى سياقتى حالىقارالىق كوپ جاقتى مەحانيزم اياسىندا تىعىز بايلانىس جاساپ جانە سەلبەسىپ، دۇنيە ءجۇزىنىڭ كوپ ۇيەكتەنۋىن جانە حالىقارالىق قاتىناستاردىڭ دەموكراتيالانۋىن ىلگەرىلەتۋگە بىرگە كۇش سالىپ، ناعىز كوپ جاقتىلىقتى بەلسەنە امالياتتا ايگىلەپ، تۇتاس ادامزاتتىڭ ورتاق قۇندىلىعىن اسقاقتاتىپ، جاڭاشا حالىقارالىق قارىم - قاتىناستى جانە ادامزاتتىڭ تاعدىرلاس ورتاق تۇلعاسىن قۇرۋدى دارىپتەدى.
جۇڭگو − رەسەي قارىم - قاتىناسى 70 نەشە جىلدىق بوران - شاشىندى باستان وتكەردى. بۇگىنگى ارقىلى كەشەگىنى ەسكە ءتۇسىرىپ، ءبىز مىنانى تەرەڭ سەزىندىك: بۇگىنگى جۇڭگو − رەسەي قارىم - قاتىناسى وڭايلىقشا كەلمەگەن، جۇڭگو − رەسەي دوستىعى ۋاقىت وتكەن سايىن جاڭارىپ كەلەدى، ءسوز جوق، قاباعات قاستەرلەۋىمىز كەرەك. تاريح پەن اماليات بىزگە مىنانى ۇعىندىردى: جۇڭگو − رەسەي قارىم - قاتىناسىنىڭ حالىقارالىق اۋمالى - توكپەلى وزگەرىستەردىڭ سىنىنان وتە الۋىنىڭ تەتىگى مەملەكەت پەن مەملەكەتتىڭ دۇرىس بىرگە جاساسۋ جولىن تاپقاندىعىندا.
مەنىڭ رەسەيدە ساپاردا بولۋىم ءبىر رەتكى دوستىق ساپار، سەلبەستىك ساپارى، بەيبىتشىلىك ساپارى بولىپ تابىلادى. مەن پۋتين زۇڭتۇڭمەن الداعى ءبىر مەزگىلدەگى جۇڭگو − رەسەي جان - جاقتى ستراتەگيالىق سەلبەستىك سەرىكتەستىك قارىم - قاتىناسى دامۋىنىڭ تىڭ جوباسىن، جاڭا جوسپارىن، سونى شاراسىن بىرگە كەسكىندەۋدى ءۇمىت ەتەمىن.
ەكى جاق ءبىر تۇتاس جوسپارلاپ جوبالاۋدى كۇشەيتىپ، نازاردى ەكى ەلدىڭ وزدەرىنىڭ دامۋ، گۇلدەنۋ ىستەرىنە شوعىرلاندىرىپ، تىڭ وي جەلىسىن اشىپ، جاڭا وراي ازىرلەپ، تىڭ قوزعاۋشى كۇش قوسۋى كەرەك. ءوزارا سەنىمدىلىكتى كۇشەيتىپ، كومەسكى كۇشتى قاۋلاتىپ، جۇڭگو − رەسەي قارىم - قاتىناسىنىڭ جوعارى دەڭگەيدە ءجۇرىلۋىن قاي - قاشان دا ساقتاۋ كەرەك.
قارجى قوسۋدىڭ، ەكونوميكا - ساۋدا سەلبەستىگىنىڭ مولشەر جانە ساپا جاقتان بىردەي ارتۋىن ىلگەرىلەتىپ، ساياساتتىق سايكەسۋدى كۇشەيتىپ، ەكى ەلدىڭ قارجى قوسۋ سەلبەستىگىنىڭ جوعارى ساپالى دامۋىنا ءتيىمدى شارت - جاعداي ازىرلەۋ كەرەك. ەكى جاقتى ساۋدا كولەمىن كەڭەيتىپ، اناعۇرلىم كوپ مۇددەلەردىڭ جاناسۋ ءتۇيىنى مەن سەلبەستىكتىڭ ارتۋ ءتۇيىنىن تۇلعالاپ، ءداستۇرلى ساۋدا مەن جاڭادان گۇلدەنگەن سەلبەستىك ءبىرىن - ءبىرى تولىقتايتىن، قادامداس داميتىن ارنا قالىپتاستىرۋ كەرەك. ”ءبىر بەلدەۋ، ءبىر جولدى“ بىرگە قۇرۋدى ەۆروپا − ازيا ەكونوميكالىق وداعىمەن ءتۇيىلىستىرۋ جاعىنداعى سەلبەسۋدى ۇزدىكسىز ىلگەرىلەتىپ، ەكى جاقتى جانە وڭىرلىك سەلبەستىك ءۇشىن اناعۇرلىم كوپ تۇزىمدىك ورنالاستىرۋ ازىرلەۋ كەرەك.
گۋمانيتارلىق اۋىس - كۇيىستى جيىلەتىپ، جۇڭگو − رەسەي دەنە تاربيە اۋىس - كۇيىس جىلىن ويداعىداي وتكىزۋ كەرەك. جەرگىلىكتى ورىندار سەلبەستىگى مەحانيزمىنەن ويداعىداي پايدالانىپ، ەكى ەلدىڭ دوس ولكە - وبلىستارىنىڭ، دوس قالالارىنىڭ بەلسەنە باعىتتامالى اۋىس - كۇيىس ورىستەتۋىن ىلگەرىلەتىپ، ەكى جاقتىڭ ادامدارىن بارىس - كەلىسكە ىنتالاندىرىپ، ەكى ەلدىڭ ساياحات سەلبەستىگىن بەلسەنە قالپىنا كەلتىرۋ كەرەك. جازدىق لاگەر، بىرلەسىپ وقىتۋ جۇرگىزۋ سياقتى قيمىلداردى ويداعىداي ورىستەتىپ، ەكى ەل جۇرتشىلىعىنىڭ، اسىرەسە، جاستار مەن ورەندەردىڭ ءوزارا ءتۇسىنىسۋى مەن دوستىعىن ۇزدىكسىز نىعايتۋ كەرەك.
قازىرگى تاڭداعى دۇنيە ءجۇزى 100 جىلدا بولماعان زور وزگەرىستى باستان كەشىرۋدە. بەيبىتشىلىك، دامۋ، سەلبەستىك، بىرگە يگىلىكتەنۋ سىندى تاريحي اعىم بوگەۋ بەرمەيدى. دۇنيە ءجۇزىنىڭ كوپ ۇيەكتىلەنۋى، ەكونوميكانىڭ جاھاندانۋى، حالىقارالىق قاتىناستاردىڭ دەموكراتيالانۋى زور اۋقىمىن كەرى قايتارۋعا كەلمەيدى. سونىمەن بىرگە ءداستۇرلى جانە ءداستۇرلى ەمەس حاۋىپسىزدىك سىن - سايىستارى قىم - قۋىت ارالاسىپ، وكتەمدىك، وزبىرلىق، زورەكەرلىك ارەكەتتەرىنىڭ زالالى اۋىر بولىپ، دۇنيە ءجۇزى ەكونوميكاسىنىڭ قالپىنا كەلۋى بوگەتتى ءارى ۇزاق بولىپ وتىر. حالىقارالىق قوعام الاڭداۋلى، داعدارىستى سەيىلتۋ سەلبەستىگىنىڭ ۇتىمدى شاراسىنا ءزارۋ بولىپ وتىر.
2013 - جىلى 3 - ايدا مەن ماسكەۋ حالىقارالىق قارىم - قاتىناس شۋەيۋانىندا لەكسيا سويلەپ، ەلدەردىڭ ءوزارا بايلانىس جاساپ، ءبىر - بىرىنە سۇيەنىش بولۋى بۇرىن بولماعان دارەجەدە كۇشەيگەندىگىن، ادامزاتتىڭ جەر شارى سىندى ورتاق مەكەندە ءبىرىن - ءبىرى جاتسىنبايتىن تاعدىرلاس ورتاق تۇلعاعا اينالۋدا ەكەندىگىن العا قويعان ەدىم. وسىدان كەيىن مەن تاعى ىركەس - تىركەس ”ءبىر بەلدەۋ، ءبىر جولدى“ بىرگە قۇرۋ باستاماسىن، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن العا قويىپ، ادامزاتتىڭ تاعدىرلاس ورتاق تۇلعاسى ۇستانىمىنىڭ مازمۇنى مەن امالياتتىق جولىن بايىتىپ، دۇنيە ءجۇزى وزگەرىسىنە، ءداۋىر وزگەرىسىنە، تاريح وزگەرىسىنە توتەپ بەرۋگە جۇڭگو جوباسىن ازىرلەدىم.
10 جىلدان بەرى، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى كۇللى ادامزاتتىڭ ورتاق قۇندىلىعى كۇن سايىن جۇرت جۇرەگىنە تەرەڭ ۇيالاپ، باياندى بەيبىت، جاپپاي حاۋىپسىز، بىرگە گۇلدەنەتىن، اشىق تا كەڭ سيىسىمدى، تازا دا كورىكتى دۇنيە ءجۇزىن قۇرۋ بارعان سايىن كوپ ەلدىڭ ورتاق تالپىنىسىنا اينالدى. حالىقارالىق قوعام مىنانى انىق تانىپ جەتتى: دۇنيە جۇزىندە باسقالاردان جوعارى تۇراتىن ەل جوق، بارلىعىنا باپ كەلەتىن ەل باسقارۋ ۇلگىسى جوق، بەلگىلى ءبىر ەلدىڭ ايتقانى ەسەپ بولاتىن حالىقارالىق ءتارتىپ جوق. ىنتىماقتى ءارى بولشەكتەنبەيتىن، بەيبىت ءارى الاساپىراندىق جوق دۇنيە ءجۇزى كۇللى ادامزاتتىڭ ورتاق مۇددەسىنە ۇيلەسەدى.
بىلتىر جىل باسىنان بەرى، ۋكراينا داعدارىسى جاپپاي ۋشىعىپ كەتتى. جۇڭگو جاق باستان - اياق ءىستىڭ وزىندەگى دۇرىس - بۇرىستى، ورىندى - ورىنسىزدىقتى نەگىزگە الىپ، وبيەكتيۆ، ءادىل تۇرعى ۇستانىپ، بەلسەندى تۇردە بەيبىتشىلىككە ءناسيحاتتاپ، كەلىسسوزدى جەبەپ كەلەدى. مەن ىركەس - تىركەس بىرلەسكەن مەملەكەتتەر ۇيىمى ۋستاۆىنىڭ باس ماقساتى مەن پرينسيبىنە بويسۇنۋ، ءار ەلدىڭ حاۋىپسىزدىك جاعىنداعى ۇيلەسىمدى كوڭىل ءبولىپ وتىرعان ماسەلەلەرىنە قۇرمەت ەتۋ، ۋكراينا داعدارىسىن بەيبىت جولمەن شەشۋگە كۇش سالاتىن بارلىق قۇلشىنىستاردى قولداۋ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىنا شىنايى كەپىلدىك ەتۋ سياقتىلاردى قامتىعان كوپتەگەن قۋاتتامانى العا قويدىم، بۇلار جۇڭگو جاقتىڭ ۋكراينا داعدارىسىن شەشۋدەگى ءتۇبىرلى بويسۇنۋ ولشەمىنە اينالدى. وسىدان ءبىراز بۇرىن جۇڭگو «ۋكراينا داعدارىسىن ساياسي جولمەن شەشۋ جونىندەگى جۇڭگو تۇرعىسى» حۇجاتىن جاريالاپ، ءارقايسى جاقتاردىڭ ۇيلەسىمدى كوڭىل ءبولىپ وتىرعان ماسەلەلەرىن قابىلداپ، حالىقارالىق قوعامنىڭ ۋكراينا داعدارىسى ماسەلەسىندەگى ەڭ ۇلكەن ورتاق بولگىشىن ايگىلەپ، داعدارىستىڭ سىرتقا جايىلۋىن باسەيتۋ، ساياسي جولمەن شەشۋدى ىلگەرىلەتۋ ءۇشىن سىندارلى رول اتقاردى. كۇردەلى ماسەلەنىڭ قاراپايىم شەشۋ ءتاسىلى بولمايدى. ءبىز مىناعان سەنەمىز: تەك ءارقايسى جاقتار ورتاق، كەشەندى، سەلبەسەتىن، باياندى حاۋىپسى−زدىك كوزقاراسىن ۇستانىپ، تەپە - تەڭ، بايىپتى، ناقتى تىلدەسۋگە، كەڭەسۋگە تاباندى بولسا، ۋكراينا داعدارىسىن شەشۋدىڭ ۇيلەسىمدى جولىن، ءسوزسىز، تابا الادى، دۇنيە ءجۇزىنىڭ باياندى بەيبىت، جاپپاي حاۋىپسىز بولۋىن جۇزەگە اسىرۋدىڭ نۇرلى داڭعىل جولىن تابا الادى.
دۇنيە جۇزىندەگى ىستەردى ويداعىداي ءبىتىرۋ ءۇشىن، ەڭ الدىمەن ءوز ءىسىن ويداعىداي ءبىتىرۋ كەرەك. جۇڭگو حالقى جۇڭگو كوممۋنيستىك پارتياسىنىڭ باسشىلىعىندا ىنتىماقتاسا كۇرەس جاساپ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدە. جۇڭگو ۇلگىسىندەگى وسىزامانداندىرۋ، جيناقتاپ ايتقاندا، حالىق سانى وراسان زور كولەمدەگى وسىزامانداندىرۋ، جالپى حالىق بىرگە باييتىن وسىزامانداندىرۋ، زاتتىق وركەنيەت پەن رۋحاني وركەنيەت ءوزارا سايكەسكەن وسىزامانداندىرۋ، ادام مەن تابيعات جاراسىمدى قاتار ءومىر سۇرەتىن وسىزامانداندىرۋ، بەيبىت دامۋ جولىمەن جۇرەتىن وسىزامانداندىرۋ. وسى جۇڭگو ەرەكشەلىكتەرىنە ءبىزدىڭ ۇزاق ۋاقىتتان بەرگى امالياتتىق ىزدەنىسىمىز سىڭگەن، ول ءبىزدىڭ حالىقارالىق تاجىريبەنى تەرەڭدەي قورىتىندىلاعانىمىزدى ايگىلەيدى. بولاشاقتا ءبىز جۇڭگو ۇلگىسىندەگى وسىزامانداندىرۋ ىستەرىن بۇلجىماي ىلگەرىلەتىپ، جوعارى ساپالى دامۋدى قۇلشىنا جۇزەگە اسىرىپ، جوعارى دەڭگەيدە سىرتقا ەسىك اشۋدى كەڭەيتەمىز، مۇنىڭ رەسەيدى قامتىعان دۇنيە جۇزىندەگى ءار ەلگە تىڭ دامۋ ورايىن ازىرلەيتىندىگىنە سەنەمىز.
جىلدىڭ باسى كوكتەمدە، ءارقانداي ىستە قيمىل الدىڭعى ورىندا تۇرادى. دامىپ گۇلدەنۋ جولىنداعى ساپارلاستار رەتىندە، جۇڭگو − رەسەي ەكى ەلدىڭ، ءسوز جوق، ادامزات وركەنيەتىنىڭ العا باسۋىنا تىڭ دا اناعۇرلىم زور ۇلەس قوسۋىنان ءۇمىت كۇتۋگە نەگىزىمىز بار.
