تاياۋدا مەملەكەتتىك كەڭەستىڭ زۇڭليى لي كىچياڭنىڭ مەملەكەتتىك كەڭەستىڭ بۇيرىعىنا قول قويۋىمەن وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ ۇكىمەت ينفورماتسياسىن جاريا ۇستاۋ ەرەجەسى» جاريالاندى، «ەرەجە» 2019 – جىلى 5 – ايدىڭ 15 – كۇنىنەن باستاپ اتقارىلادى.
وسى رەت ەرەجەگە وزگەرىس ەنگىزۋدە پارتيا ورتالىق كوميتەتىنىڭ، مەملەكەتتىك كەڭەستىڭ ۇكىمەت ىستەرىندە جاريالى بولۋدى جاپپاي ىلگەرىلەتۋ تالابىنىڭ رۋحى باتىلدىقپەن دايەكتى تياناقتاندىرىلدى، ۇكىمەت ينفورماتسياسىن جاريا ۇستاۋ تەبىنى ارتتىرىلدى، ءبىر جاعىنان، جاريا ۇستاۋ سان مولشەرى جوعارىلاتىلدى، ءبىر جاعىنان، جاريا ۇستاۋ ساپاسى جاقسارتىلدى؛ حالىق بۇقاراسىنىڭ ۇكىمەت ينفورماتسياسىن جاريا ۇستاۋداعى قاجەتىنە بەلسەنە ءۇن قوسىلىپ، تاياۋ جىلداردان بەرگى ۇكىمەت ينفورماتسياسىن جاريا ۇستاۋ قىزمەتىندەگى جاڭا ىلگەرىلەۋشىلىك، تىڭ تابىس بەينەلەندى، اماليات بارىسىندا جولىققان كورنەكتى ماسەلەلەر شەشىلدى. ەرەجەگە وزگەرىس ەنگىزۋ باستىسى مىناداي ءۇش جاقتاعى مازمۇندى قامتىدى:
ءبىرىنشى، جاريا ۇستاۋعا بولمايتىن مازمۇننان تىس مازمۇنداردى جاريا ۇستاۋدى ۇدايىلاندىرۋدا تاباندى بولىندى، ۇكىمەت ينفورماتسياسىن جاريا ۇستاۋ كولەمى ايقىندالىپ، ىرىقتىلىقپەن جاريا ۇستاۋ كولەمى ۇزدىكسىز كەڭەيتىلدى. ەكىنشى، ءوتىنىش بويىنشا جاريا ۇستاۋ ءتارتىبى كەمەلدەندىرىلىپ، ءوتىنىش بەرۋشىنىڭ جانە قاتىستى جاقتاردىڭ زاڭدى ۇقىق – مۇددەسى شىنايى قامتاماسىزداندىرىلدى، سونىمەن بىرگە، از سانداعى ءوتىنىش بەرۋشىنىڭ ۇيلەسىمدى بولماعان ءوتىنىش بەرۋ ۇقىعىنا، ۇكىمەت ينفورماتسياسىن جاريا ۇستاۋ قىزمەتىنىڭ قالىپتى جۇرگىزىلۋىنە ىقپال جەتكىزەتىن ارەكەتتەرگە قاراتا ۇيلەسىمدى ارناعا ءتۇسىرۋ شاراسى قولدانىلدى. ءۇشىنشى، حالىققا قولايلى قىزمەت وتەۋ تالابى قاتاڭداتىلىپ، ينفورماتسيالاندىرۋ تاسىلىنەن پايدالانۋدى كۇشەيتۋ ارقىلى ۇكىمەت ينفورماتسياسىن جاريا ۇستاۋدىڭ ناقتى ونىمدىلىگى جوعارىلاتىلىپ، ۇكىمەت ينفورماتسياسىننىڭ حالىق بۇقاراسىنىڭ وندىرىسىنە، تۇرمىسىنا جانە ەكونوميكالىق، قوعامدىق قيمىلعا قىزمەت وتەۋ رولى شىنايى ساۋلەلەندىرىلدى.
