مەملەكەتتىك كەڭەستىڭ زۇڭليى لي كىچياڭ 4 – ايدىڭ 15 – كۇنى جۇڭنانحايداعى زىگۋاڭگى سارايىندا 5 – رەتكى جۇڭگو – جاپونيا جوعارى جىكتەگى باسشىلارىنىڭ ەكونوميكالىق سۇحپاتىنا قاتىناسقان جاپونيانىڭ باس ءۋازىرى شينزو ابەمەن جانە جاپونيا ۇكىمەتى بيلىك كەڭسەسىنىڭ ءبىر ءبولىم مۇشەلەرىمەن كەزدەستى.
لي كىچياڭ مىنانى ءبىلدىردى: جۇڭگو مەن جاپونيا ماڭىزدى كورشىلەر سانالادى. وتكەن جىلدان بەرى ەكى جاقتىڭ بىرگە قۇلشىنۋىندا ەكى ەلدىڭ قاتىناسى قايتادان قالىپتى ارناعا ءتۇستى ءارى جاڭا تابىسقا قول جەتكىزدى. ەكى جاق جۇڭگو مەن جاپونيانىڭ ءتورت ساياسي قۇجاتىندا تۇراقتاندىرىلعان پرينسيپتەر نەگىزىندە «تاريحتان ساباق الىپ، بولاشاققا بەت الۋ» رۋحىن تياناق ەتىپ، ەكى ەل قاتىناسىنىڭ ۇزاق ۋاقىت اقاۋسىز، ورنىقتى دامۋىن ىلگەرىلەتۋى كەرەك.
