شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. ءىشىنارا ەلدەردىڭ باسشىلارى ىركەس - تىركەس تەلەگرامما جولداۋ، حات جولداۋ سياقتى تاسىلدەر ارقىلى شي جينپيڭنىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىن قىزۋ قۇتتىقتادى.
كۋبا كوممۋنيستىك پارتياسى ورتالىق كوميتەتىنىڭ ءبىرىنشى شۋجيى، مەملەكەت ءتوراعاسى دياس - كانەل مىنالاردى ءبىلدىردى: ءتوراعا شي جينپيڭنىڭ تاعى دا سايلانعاندىعىن قىزۋ قۇتتىقتايمىن، بۇل جۇڭگو حالقىنىڭ ءسىزدىڭ سوتسياليزم ىستەرىنە قوسقان قىمباتتى ۇلەسىڭىزگە دەگەن سەنىمىن ايگىلەدى. كۋبا سىزبەن جانە جۇڭگو حالقىمەن، پارتياسىمەن جانە ۇكىمەتىمەن اراداعى قويۋ دوستىقتى ايرىقشا داڭق سانايدى.
قازاقستاننىڭ زۇڭتۇڭى توقايەۆ مىنالاردى ءبىلدىردى: مەن قازاقستان حالقىمەن بىرگە ءسىزدىڭ جۇڭحۋا حالىق رەسپۋبليكاسىنىڭ ءتوراعاسى بولىپ سايلانعاندىعىڭىزدى شىن جۇرەكتەن قۇتتىقتايمىن. ءسىزدىڭ دانىشپان شەشىمدەرىڭىز، سونداي - اق جەڭىسپەن اشىلعان جۇڭگو ەكى ءماجىلىسىنىڭ شىعارعان ماڭىزدى قارارلارى، ءسوز جوق، جۇڭگو حالقىن وسكەلەڭ قۇن كوزقاراسىن ورناتۋعا جەتەكتەپ، جۇڭگونىڭ كوركەم بولاشاعى مەن گۇلدەنىپ - كوركەيۋىنە بەرىك نەگىز قالايدى.
قىرعىزستاننىڭ زۇڭتۇڭى جاپاروۆ مىنالاردى ءبىلدىردى: ءسىزدىڭ تاعى دا سايلانۋىڭىز جۇڭگو حالقىنىڭ سىزگە دەگەن وسكەلەڭ سەنىمى مەن قولداۋىن، سونداي - اق ادامزاتتىڭ تاعدىرلاس ورتاق تۇلعاسى باستاماسىندا دۇنيە ءجۇزىنىڭ ورنىقتىلىعىن، دامۋىن ىلگەرىلەتۋگە اتقارعان ىشكى - سىرتقى ساياساتىڭىزدى دالەلدەدى. ءسىزدى ۇيتقى ەتكەن جۇڭگو كوممۋنيستىك پارتياسىنىڭ دانىشپان باسشىلىعىندا، جۇڭگو حالقىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ ايبىندى جوباسىن، ءسوز جوق، جۇزەگە اسىرا الاتىندىعىنا سەنەمىن.
تاجىكستاننىڭ زۇڭتۇڭى راحمون مىنالاردى ءبىلدىردى: ءسىزدىڭ جۇڭگونىڭ مەملەكەتتىڭ ەڭ جوعارى باسشىسى بولىپ تاعى دا سايلانعاندىعىڭىز ءسىزدىڭ جۇڭگو حالقىنىڭ جۇرەگىندە وسكەلەڭ بەدەل مەن قۇرمەتكە يە بولعاندىعىڭىزدى، ءسىزدىڭ بيلىك جۇرگىزۋ ۇستانىمىڭىزدىڭ بۇكىل ەل حالقىنىڭ ءبىر اۋىزدان قولداۋىنا يە بولعاندىعىن اڭعارتادى. ءسىزدىڭ دانىشپان باسشىلىعىڭىزدا، جۇڭگو تولىق سەنىممەن ەكونوميكالىق، قوعامدىق دامۋ جولىن بويلاپ العا باسىپ، حالىقارالىق بەدەلى مەن ورنى ۇزدىكسىز جوعارىلادى.
تۇركمەنستاننىڭ زۇڭتۇڭى سەردار بەردىمۇحامەتوۆ مىنالاردى ءبىلدىردى: ءسىزدىڭ جۇڭحۋا حالىق رەسپۋبليكاسىنىڭ ءتوراعالىعىنا تاعى دا سايلانعاندىعىڭىزدى قىزۋ قۇتتىقتايمىن. ءسىزدىڭ دانىشپان باسشىلىعىڭىزدا، جۇڭگو جەدەل دامىپ، حالىقتىڭ تۇرمىس دەڭگەيى ۇزدىكسىز جوعارىلاپ، حالىقارالىق ىستەردە سىندارلى رولىن ۇزدىكسىز ساۋلەلەندىردى. مەن سىزبەن بىرگە تۇركمەنستان − جۇڭگو سەلبەستىگىنىڭ اناعۇرلىم جوعارى ساتىعا كوتەرىلۋىن بار كۇشپەن ىلگەرىلەتۋدى قالايمىن.
وزبەكستاننىڭ زۇڭتۇڭى مىرزيويەۆ مىنالاردى ءبىلدىردى: ءسىزدىڭ دانىشپان باسشىلىعىڭىزدا، جۇڭگو بۇرىن بولىپ كورمەگەن دامۋعا قول جەتكىزىپ، حالىقارالىق بەدەلى كورنەكتى جوعارىلاپ، بارعان سايىن جان - جاقتى قۇدىرەتتى ەلگە اينالدى. ءسىزدىڭ بۇكىل جۇڭگو حالقىن باستاپ، جاپپاي دوڭگەلەك داۋلەتتى قوعام ورناتۋىڭىز كەلەلى تاريحي مانگە يە. ءسىز تاعى دا جۇڭگونىڭ مەملەكەت ءتوراعاسى بولىپ سايلاندىڭىز، بۇل جۇڭگو تاريحىنداعى كەلەلى ءىس. بۇدان دا زور تابىسقا جەتۋىڭىزدى تىلەيمىن.
بەلورۋسسيانىڭ زۇڭتۇڭى لۋكاشەنكو مىنالاردى ءبىلدىردى: ءسىزدىڭ تولىق داۋىسپەن سايلانعاندىعىڭىز سىندى وسى تاريحي وقيعا جۇڭگو حالقىنىڭ سىزگە دەگەن بۇلجىماس سەنىمىن تاعى ءبىر رەت تولىق دالەلدەدى، سونداي - اق ءسىزدىڭ جاڭا داۋىردەگى جۇڭگونىڭ جاپپاي دامۋىن ىلگەرىلەتۋ، جۇڭگونىڭ حالىقارالىق ورنىن جوعارىلاتۋ جولىندا قول جەتكىزگەن وراسان ۇلى ۇلەسىڭىزدى تاعى ءبىر رەت دالەلدەدى. مەن ءسىزدىڭ پارمەندى باسشىلىعىڭىزدا، جۇڭگونىڭ ەكىنشى 100 جىلدىق كۇرەس نىساناسىن، ءسوز جوق، جۇزەگە اسىراتىندىعىنا كامىل سەنەمىن.
برۋنەيدىڭ سۇلتانى حاسانال مىنالاردى ءبىلدىردى: ءسىزدىڭ مىعىم، پارمەندى باسشىلىعىڭىزدا، جۇڭگو حالىقتىڭ ىرىس - قۇتىن ارتتىرۋ جاعىندا وراسان زور تابىستارعا قول جەتكىزدى. مەن جۇڭگونىڭ جاپپاي سوتسياليستىك وسىزاماندانعان قۇدىرەتتى ەل قۇرۋ جورىعىندا كەرەمەت تابىستارعا ۇزدىكسىز قول جەتكىزەتىندىگىنە، سونداي - اق حالىقارالىق جانە وڭىرلىك ىستەردە ۇزدىكسىز بەلسەندى رول اتقاراتىندىعىنا سەنەمىن.
يندونەزيانىڭ زۇڭتۇڭى جوكو مىنالاردى ءبىلدىردى: ءسىزدىڭ تاعى دا سايلانعاندىعىڭىزدى قۇتتىقتايمىن. ستراتەگيالىق سەرىك رەتىندە، ءبىز ەكى جاقتى سەلبەستىكتى ونان ارى كۇشەيتىپ، ەكى ەلدىڭ گۇلدەنۋىن جەبەپ، ءوڭىردىڭ بەيبىتشىلىگى مەن ورنىقتىلىعىنا ۇزدىكسىز ۇلەس قوسۋىمىز كەرەك.
سينگاپۋردىڭ زۇڭتۇڭى حاليما مىنالاردى ءبىلدىردى: وتكەن 10 جىلدا جۇڭگو كەلەلى دامۋ تابىستارىنا قول جەتكىزدى. ءسىزدىڭ كورەگەن باسشىلىعىڭىزدا، جۇڭگونىڭ ۇزدىكسىز تىڭ تابىستارعا قول جەتكىزىپ، باياندى بەيبىتشىلىك پەن گۇلدەنۋدى جۇزەگە اسىراتىندىعىنا سەنەمىن. مەن داۋىرمەن بىرگە ىلگەرىلەگەن سينگاپۋر − جۇڭگو قارىم - قاتىناسىنىڭ ۇزدىكسىز تەرەڭدەپ، ەكى ەل حالقىن باقىتقا كەنەلتەتىندىگىنە كامىل سەنەمىن.
پاكيستاننىڭ زۇڭتۇڭى الۆي مىنالاردى ءبىلدىردى: پاكيستان مەن جۇڭگونىڭ اينىماس دوستىعى ۇزدىكسىز تەرەڭدەيدى. مەن سىزبەن تىعىز سەلبەسىپ، ەكى ەل قارىم - قاتىناسىنىڭ ۇزدىكسىز تىڭ دەڭگەيگە كوتەرىلۋىن ىلگەرىلەتۋدى ءۇمىت ەتەمىن.
موڭعۇليانىڭ زۇڭتۇڭى كۇرۇلسۇك مىنالاردى ءبىلدىردى: ءسىزدىڭ جانە جۇڭگو كوممۋنيستىك پارتياسىنىڭ دۇرىس باسشىلىعىندا، جۇڭگونىڭ باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل قۇرۋ نىساناسىن تولىق جۇزەگە اسىراتىندىعىنا سەنەمىن.
مالديۆتىڭ زۇڭتۇڭى ساليح مىنالاردى ءبىلدىردى: ءسىزدىڭ جاڭا مىندەت وتەۋ مەرزىمىڭىزدى باستاۋ قارساڭىندا، ەرەكشە باسشىلىق قابىلەتىڭىز جانە كورەگەندىگىڭىز، دانىشپاندىعىڭىز ارقىلى جۇڭگو حالقىن باستاپ، اناعۇرلىم زور جەڭىستەرگە جەتۋىڭىزدى تىلەيمىن. مالديۆ جۇڭگومەن بىرگە ەكى ەلدىڭ دوستىعى مەن سەلبەستىگىن تەرەڭدەتۋگە قۇلشىنىپ، مالديۆ − جۇڭگو سەرىكتەستىك قارىم - قاتىناسىن ىلگەرىلەتۋ، بەكەمدەۋ جولىندا ۇزدىكسىز ىلگەرىلەۋشىلىككە قول جەتكىزۋىن قالايدى.
بۋتاننىڭ ءتورتىنشى پاتشاسى ۋاڭچۋك مىنالاردى ءبىلدىردى: ءسىزدىڭ سايلانۋىڭىز ءسىزدىڭ كورەگەن باسشىلىعىڭىزدى، حالىققا بەرگەن ۋادەڭىزدى جانە جۇڭگونى قۇدىرەتتەندىرۋدىڭ، گۇلدەندىرۋدىڭ ۇزاق بولاشاعىن تاريحي سيپاتتى دالەلدەدى. ءسىزدىڭ ومىرشەڭدىككە تولى باسشىلىعىڭىزدا، جۇڭگونىڭ ءىرى ەلدىك جاۋاپكەرشىلىگىن ايگىلەپ، دۇنيە جۇزىنە بەيبىتشىلىك پەن ورنىقتىلىق اكەلەتىندىگىنە سەنەمىن.
سينگاپۋردىڭ زۇڭليى لي شيانلۇڭ مىنالاردى ءبىلدىردى: ءسىزدىڭ باسشىلىعىڭىزدا، جۇڭگو جۇرتتى جالت قاراتقان دامۋ تابىستارىنا قول جەتكىزىپ، جۇڭگو مەن ءار ەل حالقىنا باقىت جاراتتى. جۇڭگو جاڭا دامۋ كەزەڭىنە ءوتتى، ءسىزدىڭ جۇڭگوعا ۇزدىكسىز باسشىلىق ەتىپ، باياندى دامۋدى، گۇلدەنۋدى جۇزەگە اسىراتىندىعىڭىزعا سەنەمىن. ەكى ەلدىڭ بۇرىنعى باسشىلارىنىڭ بىرگە جەتىلدىرۋىندە، سينگاپۋر مەن جۇڭگو باياندى ءارى ەتەنە دوستىق ورناتتى. مەن سىزبەن بىرگە ەكى ەل قارىم - قاتىناسىن تاعى دا ۇزدىكسىز تىڭ ساتىعا كوتەرۋدى ءۇمىت ەتەمىن.
پاكيستاننىڭ زۇڭليى شاھباز مىنالاردى ءبىلدىردى: ءسىزدىڭ سايلانۋىڭىز ءسىزدىڭ كورنەكتى باسشىلىق قابىلەتىڭىزدى ايگىلەدى، جۇڭگو حالقىنىڭ ءسىزدىڭ كورەگەن باسشىلىعىڭىزعا دەگەن سەنىمى مەن بەرىك نانىمىن ايگىلەدى. ءسىزدىڭ كورەگەن باسشىلىعىڭىزدا، جۇڭگو مەن ۇلى جۇڭحۋا ۇلتى ادامزاتتىڭ ءتۇرلى ىستەرىنىڭ دامۋىندا وراسان زور تابىستارعا قول جەتكىزدى.
كامبودجانىڭ باس ءۋازىرى حۇڭسىن مىنالاردى ءبىلدىردى: ءسىزدىڭ كورەگەن باسشىلىعىڭىزدا، جۇڭگو مەملەكەتىنىڭ دامۋى جان - جاقتى، تاريحي ىلگەرىلەۋشىلىككە قول جەتكىزدى. مەن ءسىزدىڭ جۇڭگونى ۇزدىكسىز باستاپ، كەرەمەت تابىستارعا قول جەتكىزەتىندىگىڭىزگە كامىل سەنەمىن. كامبودجا − جۇڭگو دوستىعىنىڭ ارقاۋى بەرىك. كامبودجا جاق جۇڭگو جاقپەن بىرگە كامبودجا مەن جۇڭگونىڭ تاعدىرلاس ورتاق تۇلعاسىن قول ۇستاسا قۇرۋدى قالايدى.
جاپونيانىڭ باس ءۋازىرى انتيان ۋىنشيۇڭ مىنالاردى ءبىلدىردى: ءسىزدىڭ جۇڭحۋا حالىق رەسپۋبليكاسىنىڭ ءتوراعالىعىنا سايلانعاندىعىڭىزدى شىن جۇرەكتەن قۇتتىقتايمىن. بيىل جاپونيا − جۇڭگو بەيبىتشىلىك دوستىق شارتى جاسالعاندىعىنىڭ 45 جىلدىعى، مەن سىزبەن قارىم - قاتىناستى ساقتاپ، جاپونيا مەن جۇڭگونىڭ سىندارلى، ورنىقتى قارىم - قاتىناسىن ورناتۋدى ىلگەرىلەتۋدى قالايمىن.
نەپالدىڭ زۇڭليى پراچاندا مىنالاردى ءبىلدىردى: نەپال مەن جۇڭگو ەجەلدەن تاتۋ كورشى، جاقىن دوس جانە ءوزارا سەنىمدى سەرىكتەر. مەن ءسىزدىڭ باسشىلىعىڭىزدا، نەپال − جۇڭگو قارىم - قاتىناسىنىڭ تىڭ دەڭگەيگە كوتەرىلەتىندىگىنە سەنەمىن.
الجيريانىڭ زۇڭتۇڭى تىبون مىنالاردى ءبىلدىردى: مەن الجيريا مەن جۇڭگونىڭ شىنايى دوس، ىنتىماقتاسا سەلبەسكەن تەرەڭ تاريحي قارىم - قاتىناسىن ايرىقشا القايمىن، جۇڭگومەن بىرگە قۇلشىنىپ، الجيريا − جۇڭگو جالپى بەتتىك ستراتەگيالىق سەرىكتەستىك قارىم - قاتىناسىن اناعۇرلىم جوعارى دەڭگەيگە كوتەرىپ، ەكى ەل حالقىنىڭ ورتاق تىلەگى مەن ورتاق مۇددەسىن جۇزەگە اسىرۋدى قالايمىن.
سيريانىڭ زۇڭتۇڭى باشار مىنالاردى ءبىلدىردى: ءسىزدىڭ تولىق داۋىسپەن جالعاستى سايلانۋىڭىز جۇڭگو حالقىنىڭ ءسىزدى قولدايتىندىعىن تولىق دالەلدەدى. جۇڭگو اقيقاتقا، ادىلدىككە جانە حالىقتىڭ ىرىس - قۇتىنا تالپىناتىن مەملەكەت، دۇنيە جۇزىنە بەيبىتشىلىك پەن ورنىقتىلىقتى جەتكىزۋگە كۇش سالىپ كەلەدى. سيريا حالقى سيريا − جۇڭگو ءداستۇرلى دوستىعىن ەرەكشە ماقتانىش ەتەدى، جۇڭگو جاقپەن تىعىز سەلبەسىپ، ەكى ەل قارىم - قاتىناسىنىڭ جاڭا بولاشاعىن اشۋدى قالايدى.
كۆەيتتىڭ ءامىرى ناۋاف مىنالاردى ءبىلدىردى: ءسىزدىڭ باسشىلىعىڭىزدا، تاتۋ دوس جۇڭگو ءار سالادا كورنەكتى تابىستارعا قول جەتكىزدى، بايىرعى وركەنيەت تىڭ تىنىس بايقاتتى، حالىقاراداعى ورنى ۇزدىكسىز جوعارىلادى. مەن كۆەيت − جۇڭگو تەرەڭ ءداستۇرلى دوستىعى مەن ستراتەگيالىق سەلبەستىگىنىڭ تىڭ ىلگەرىلەۋشىلىكتەرىن ايرىقشا ماقتانىش ەتەمىن.
پالەستينانىڭ زۇڭتۇڭى ابباس مىنالاردى ءبىلدىردى: ءسىز جۇڭگونىڭ كەرەمەت دامۋ تابىستارىنا قول جەتكىزۋىنە باسشىلىق ەتتىڭىز، تولىق داۋىسپەن سايلانۋىڭىز − كوپتىڭ تىلەگى، جۇڭگو حالقىنىڭ سىزگە ايرىقشا سەنەتىندىگىن تولىق ايگىلەدى. مەن ءسىزدىڭ جۇڭگو جانە جۇڭگو حالقىن باستاپ، ۇزدىكسىز جاڭا جەڭىستەر مەن تىڭ تابىستارعا جەتەتىندىگىڭىزگە، اناعۇرلىم كوپتەگەن بەلگىلەنگەن نىسانالار مەن ۇمىتتەردى جۇزەگە اسىراتىندىعىڭىزعا كامىل سەنەمىن.
كەنيانىڭ زۇڭتۇڭى رۋتو مىنالاردى ءبىلدىردى: ءسىزدىڭ تاعى دا ءساتتى سايلانۋىڭىز جۇڭگو حالقىنىڭ ءسىزدىڭ ۇلى مەملەكەتكە باسشىلىق ەتىپ، جاڭا جورىققا بەتتەۋىڭىزگە ايرىقشا سەنەتىندىگىن ايقىن اڭعارتتى. ءبىز جۇڭگو ۇكىمەتىمەن جانە جۇڭگو حالقىمەن بىرگە وسى ءبىر ماڭىزدى ءساتتى بىرگە قۇتتىقتايمىز. كەنيا جۇڭگومەن ديپلوماتيالىق قارىم - قاتىناس ورناتقان 60 جىلدان بەرگى ەتەنە بايلانىستى ۇزدىكسىز ساقتايدى ءارى تىعىز سەلبەستىكتى ورىستەتەدى.
زيمبابۆەنىڭ زۇڭتۇڭى منانگاگۋا مىنالاردى ءبىلدىردى: ءسىزدىڭ تاعى دا سايلانۋىڭىز جۇڭگو حالقىنىڭ ءسىزدىڭ ەرەن باسشىلىق قابىلەتىڭىزگە شەكسىز سەنەتىندىگىن جانە سەنىمى بەكەم ەكەندىگىن تولىق دالەلدەدى. ءسىزدىڭ كورەگەن باسشىلىعىڭىزدا، ۇلى جۇڭگو ەكونوميكاسى گۇلدەنىپ، ۇزدىكسىز جاڭا دامۋ كەزەڭىنە قادام تاستادى. جۇڭگو يەلىك ۇقىققا جانە الۋان تۇرلىلىككە قۇرمەت ەتۋدى، ادامزاتتىڭ ورتاق گۇلدەنۋىن جۇزەگە اسىرۋدى ءتۇبىر ەتەتىن دۇنيە ءجۇزىنىڭ ادىلدىك ىستەرىن قورعاۋدا كەلەلى رولىن ساۋلەلەندىردى.
موزامبيكتىڭ زۇڭتۇڭى نيۋسي مىنالاردى ءبىلدىردى: ءبىز ءسىزدىڭ جالعاستى سايلانعاندىعىڭىزدى اسا قۋانىشپەن قۇتتىقتايمىز. ءبىز ءسىزدىڭ دانىشپان باسشىلىعىڭىزدا، جۇڭگونىڭ ەكونوميكاسى مەن قوعامىنىڭ ۇزدىكسىز باياندى دامۋىن جۇزەگە اسىراتىندىعىنا ءارى حالىقارالىق ساحنادا شەشۋشى رول اتقاراتىندىعىنا كامىل سەنەمىز.
بۋرۋنديدىڭ زۇڭتۇڭى ندايشىميە مىنالاردى ءبىلدىردى: ءسىزدىڭ تاعى دا سايلانۋىڭىز جۇڭگو حالقىنىڭ سىزگە ايرىقشا سەنەتىندىگىن جانە ءسىزدىڭ كورەگەن كوسەمدىك كەلبەتىڭىزدى دالەلدەدى. بۋرۋندي جۇڭگومەن بولعان ەرەن دوستىق سەلبەستىك قارىم - قاتىناسىن كۇشەيتۋگە ۇزدىكسىز كۇش سالادى.
سوماليدىڭ زۇڭتۇڭى ماحمۇد مىنالاردى ءبىلدىردى: ءسىزدىڭ تاعى دا سايلانعاندىعىڭىزدى قۇتتىقتايمىن. سومالي − جۇڭگو قارىم - قاتىناسىنىڭ تاريحى ۇزاق، ءوزارا قۇرمەت ەتۋ مەن سەلبەستىك نەگىزىندە قۇرىلعان. ءبىز بارلىق سالاداعى ەكى جاقتى قارىم - قاتىناستى كۇشەيتىپ، ورتاق مۇددەگە كەنەلۋدى ءۇمىت ەتەمىز.
نيكاراگۋانىڭ زۇڭتۇڭى ورتەگا مىنالاردى ءبىلدىردى: ءسىزدىڭ جالعاستى تاعايىندالۋىڭىز دۇنيە ءجۇزىنىڭ ادىلدىك، تۋراشىلدىق، بەيبىتشىلىك، حاۋىپسىزدىك، دامۋ پرينسيپتەرى مەن قۇن كوزقاراسىن قورعاۋدا كەلەلى مانگە يە، جۇڭگونىڭ اناعۇرلىم زور جەڭىستەرگە جەتۋىندە شەشۋشى سيپاتتى رول ساۋلەلەندىرەدى. مەن نيكاراگۋا − جۇڭگو توڭكەرىستىك دوستىعىنىڭ ۇزاق ۋاقىت بويى بەرىك بولاتىندىعىنا كامىل سەنەمىن، نيكاراگۋا جاق جۇڭگو جاقپەن بىرگە ءادىل، بەيبىت، حاۋىپسىز، حالىقتىڭ باقىتىن كوزدەيتىن دۇنيە قالىپتاستىرۋدى قالايدى.
سالۆادوردىڭ زۇڭتۇڭى بۇكەل مىنالاردى ءبىلدىردى: ءسىزدىڭ تاريحي سيپاتتى جالعاستى تاعايىندالۋىڭىز ءسىزدىڭ مىعىم، ەرەن باسشىلىق قابىلەتىڭىزدى، جۇڭحۋا ۇلتىنىڭ ءداستۇرلى قۇن كوزقاراسىنان جازباعاندىعىڭىزدى، سونداي - اق دۇنيە جۇزىنە باستاماشىلىق ەتەتىن اتويشى ورنىڭىزدى ايگىلەدى. سالۆادور باۋىرلاس جۇڭگونىڭ ۇلى ىستەرىنىڭ پارمەندى جالعاسىم تاپقانى ءۇشىن قۋانادى.
بوليۆيانىڭ زۇڭتۇڭى ارسە مىنالاردى ءبىلدىردى: مەن بوليۆيا ۇكىمەتى مەن حالقى اتىنان ءسىزدىڭ تاريحي سيپاتتى جالعاستى سايلانىپ - تاعايىندالعانىڭىزدى قۇتتىقتايمىن. ءبىز جۇڭگومەن بولعان باۋىرلاستىق دوستىق سۇيىسپەنشىلىك پەن دوستىق سەلبەستىككە كامىل سەنەمىز ءارى ۇزدىكسىز كۇش سالامىز.
گۆيانانىڭ زۇڭتۇڭى الي مىنالاردى ءبىلدىردى: ءسىزدىڭ تولىق داۋىسپەن سايلانۋىڭىز جۇڭگو حالقىنىڭ ءسىزدىڭ كورنەكتى باسشىلىعىڭىزعا زور سەنىم ارتاتىندىعىن بىلدىرەدى. جۇڭگو حالقى جارقىن دا سەنىمدى بولاشاقتى قارسى الىپ وتىر. گۆيانا جۇڭگو سىندى وسىنداي ستراتەگيالىق دامۋ سەرىكتەسى جانە دوسى بولعاندىعىن ماقتانىش سانايدى.
دومينيكانىڭ زۇڭليى سكەرريد مىنالاردى ءبىلدىردى: ءسىزدىڭ تولىق داۋىسپەن مەملەكەت ءتوراعالىعىنا جالعاستى تاعايىندالۋىڭىز جۇڭگو حالقىنىڭ ءسىزدىڭ دانىشپان باسشىلىعىڭىزعا جانە كەمەڭگەر كورەگەندىگىڭىزگە سەنىم ارتاتىندىعىن تولىق ايگىلەدى. جاڭا مىندەت وتەۋ مەرزىمىندە ءسىزدىڭ جۇڭگوعا باسشىلىق ەتىپ اناعۇرلىم زور تابىستارعا قول جەتكىزىپ ءارى حالىقارالىق ىستەردە ىقپالىڭىز بەن سىندارلى رولىڭىزدى ۇزدىكسىز ساۋلەلەندىرىپ، ادامزاتتىڭ تاعدىرلاس ورتاق تۇلعاسىن قۇرۋدى قۇلشىنا ىلگەرىلەتەتىندىگىڭىزگە سەنەمىن.
بوسنيا - گەرتسەگوۆينانىڭ ءتوراعالار القاسىنىڭ كەزەكشى ءتوراعاسى سۆيانوۆيچ مىنالاردى ءبىلدىردى: ءسىزدىڭ مەملەكەت ءتوراعالىعىنا تاعى دا سايلانعاندىعىڭىز بۇكىل ىنتا - پەيىلىڭىزبەن حالىق ءۇشىن قىزمەت ىستەپ، جۇڭگونىڭ داڭقىن، ىقپالىن جانە ماڭىزدىلىعىن جوعارىلاتۋ ءۇشىن ەرەن ۇلەس قوسقاندىعىڭىزدى پارمەندى تۇردە دالەلدەدى. ءسىزدىڭ ۇزاق بولاشاقتى كوزدەگەن كورەگەن باسشىلىعىڭىزدا، جۇڭگونىڭ، ءسوز جوق، تىڭ دا ۇلى تابىستارعا قول جەتكىزەتىندىگىنە كامىل سەنەمىن. مەن ءسىز جانە جۇڭگو حالقى سىندى وسىنداي شىنايى دوسىم بولعاندىعىنا ايرىقشا قۋانامىن ءارى ماقتانىش ەتەمىن.
افريكا وداعى كوميتەتىنىڭ ءتوراعاسى فاكي مىنالاردى ءبىلدىردى: ءسىزدىڭ تولىق داۋىسپەن سايلانۋىڭىز جۇڭگو حالقىنىڭ ءسىزدى شىن جۇرەكتەن قولدايتىندىعىن، ءسىزدىڭ ەرەن باسشىلىق قابىلەتىڭىز بەن كورنەكتى تابىستارىڭىزدى بارىنشا القايتىندىعىن ايگىلەدى. افريكا جۇڭگومەن بولعان سەرىكتەستىك قارىم - قاتىناسىن كۇشەيتۋگە ۇزدىكسىز تاباندىلىقپەن كۇش سالادى.
