1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

مەملەكەت ءتوراعاسى شي جينپيڭنىڭ ۇسىنۋى نەگىزىندە لي چياڭدى مەملەكەتتىك كەڭەستىڭ زۇڭليلىگىنە ۇيعاردى

日期:2023年03月12日
来源:新疆日报
【字体:

14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى ءتورتىنشى جالپى جيىنىن وتكىزدى

مەملەكەت ءتوراعاسى شي جينپيڭنىڭ ۇسىنۋى نەگىزىندە لي چياڭدى مەملەكەتتىك كەڭەستىڭ زۇڭليلىگىنە ۇيعاردى

مەملەكەت ءتوراعاسى شي جينپيڭ ءتوراعا بۇيرىعىنا قول قويىپ تاعايىندادى


  3 - ايدىڭ 11 - كۇنى 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەيجيڭ حالىق سارايىندا ءتورتىنشى جالپى جيىنىن وتكىزدى، مەملەكەت ءتوراعاسى شي جينپيڭنىڭ ۇسىنۋى نەگىزىندە، بەلەت تاستاپ داۋىسقا سالۋ ارقىلى لي چياڭدى جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە ۇيعاردى. سۋرەتتە: شي جينپيڭ لي چياڭمەن قول الىسۋدا.

□ سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن

  شينحۋا اگەنتتىگىنىڭ 3 - ايدىڭ 11 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 11 - كۇنى تۇستەن بۇرىن بەيجيڭ حالىق سارايىندا ءتورتىنشى جالپى جيىنىن وتكىزدى، مەملەكەت ءتوراعاسى شي جينپيڭنىڭ ۇسىنۋى نەگىزىندە، بەلەت تاستاپ داۋىسقا سالۋ ارقىلى لي چياڭدى جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليلىگىنە ۇيعاردى. مەملەكەت ءتوراعاسى شي جينپيڭ 1 - ءنومىرلى ءتوراعا بۇيرىعىنا قول قويىپ، جالپى جيىننىڭ ۇيعارۋى نەگىزىندە، لي چياڭدى مەملەكەتتىك كەڭەستىڭ زۇڭليلىگىنە تاعايىندادى.

  شي جينپيڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي قاتارلىلار جيىنعا قاتىناستى.

  جيىنعا قاتىناسۋعا ءتيىستى ۋاكىل 2977 ادام، قاتىناسقانى 2947 ادام، 30 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

  جيىندى ءماجىلىستىڭ اتقارۋشى ءتوراعاسى، ءتوراعالار القاسىنىڭ تۇراقتى ءتوراعاسى ۋاڭ دۇڭميڭ باسقاردى. ءماجىلىستىڭ اتقارۋشى ءتوراعالارى ما شيڭرۇي، ۋاڭ شياۋحۇي، يىن حۇڭ، سۇن شاۋچىڭ، جاڭ يوۋشيا، جاڭ چيڭۋي، جاۋ يدى، شين چاڭشيڭ، دۇڭ يۇنحۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.

  بۇل جولعى جيىننىڭ كەڭەستىك ءتارتىبى: جۇڭحۋا حالىق رەسپۋبليكاسىنىڭ ءتوراعاسى شي جينپيڭنىڭ ۇسىنۋى نەگىزىندە، جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليىن ۇيعارۋ؛ جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ۇسىنۋى نەگىزىندە، جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعالارىن، مۇشەلەرىن ۇيعارۋ؛ مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن سايلاۋ؛ ەڭ جوعارى حالىق سوتى مەكەمەسىنىڭ باستىعىن سايلاۋ؛ ەڭ جوعارى حالىق پروكۋراتۋراسىنىڭ باس پروكۋرورىن سايلاۋ؛ 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرىن سايلاۋ.

  شي جينپيڭ مەملەكەتتىك كەڭەستىڭ زۇڭليلىگىنە كورسەتىلەتىن كانديداتتى، ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىن كانديداتتاردى ۇسىنعاننان كەيىن، ۋاكىلدەر ۇيىرمەلەرى اقىلداستى. ۋاكىلدەر ۇيىرمەلەرىنىڭ اقىلداسۋ پىكىرى نەگىزىندە، ءتوراعالار القاسى جيىنى وسى جولعى جالپى جيىننىڭ تاعايىنداۋدى ۇيعارۋىنا ۇسىنۋدى ۇيعاردى.

  جيىندا شي جينپيڭنىڭ مەملەكەتتىك كەڭەستىڭ زۇڭليلىگىنە كورسەتىلەتىن كانديدات جونىندە ۇسىنۋ حاتى، ورتالىق اسكەري ىستەر كوميتەتىنىڭ ورىنباسار ءتوراعالىعىنا، مۇشەلىگىنە كورسەتىلەتىندەر جونىندەگى ۇسىنۋ حاتى وقىلدى.

  ءتوراعالار القاسى مەملەكەتتىك باقىلاۋ - تەكسەرۋ كوميتەتى مەڭگەرۋشىسىنىڭ كانديداتىن، ەڭ جوعارى حالىق سوتى مەكەمەسى باستىعىنىڭ كانديداتىن، ەڭ جوعارى حالىق پروكۋراتۋراسى باس پروكۋرورىنىڭ كانديداتىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتى مۇشەلەرىنىڭ كانديداتتارىن ۇسىنعاننان كەيىن، ۋاكىلدەر ۇيىرمەلەرى اقىلداسىپ كەڭەستى. كوپ ساندى ۋاكىلدەردىڭ پىكىرى نەگىزىندە، ءتوراعالار القاسى جيىنى رەسمي كانديداتتار ەسىمدىگىن بەلگىلەپ، وسى جولعى جالپى جيىننىڭ سايلاۋىنا ۇسىندى.

  ساعات 9دان 24 مينۋت وتكەندە باس بەلەت باقىلاۋشى، بەلەت باقىلاۋشىلار ەلەكتروندى بەلەت ساندىعى مەن ەلەكتروندى سايلاۋ جۇيەسىن تەكسەرىپ كورگەن سوڭ، قىزمەتكەرلەر سايلاۋ بەلەتىن تاراتا باستادى. ءاربىر ۋاكىل 6 سايلاۋ بەلەتىن الدى.

  جيىننىڭ سايلاۋ جانە تاعايىنداۋدى ۇيعارۋ ادىسىنە ساي، مەملەكەتتىك كەڭەس زۇڭليىنىڭ كانديداتىن جانە ورتالىق اسكەري ىستەر كوميتەتىنىڭ ورىنباسار ءتوراعالارىنىڭ، مۇشەلەرىنىڭ كانديداتتارىن سايلاۋدا داۋىسقا سالۋ بەلەتىن قولدانۋ، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسىن، ەڭ جوعارى حالىق سوتى مەكەمەسىنىڭ باستىعىن، ەڭ جوعارى حالىق پروكۋراتۋراسىنىڭ باس پروكۋرورىن، 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرىن سايلاۋدا سايلاۋ بەلەتىن قولدانۋ ۇيعارىلدى.

  بەلەت جازۋ، بەلەت تاستاۋ، بەلەت ەسەپتەۋ جۇمىستارى جۇرىلگەن سوڭ، ساعات 11دە قىزمەتكەرلەر داۋىسقا سالۋدىڭ، سايلاۋدىڭ بەلەت ەسەپتەۋ ناتيجەسىن جاريالاي باستادى.

  باسقارۋشى لي چياڭ جولداستىڭ جۇڭحۋا حالىق رەسپۋبليكاسى مەملەكەتتىك كەڭەسىنىڭ زۇڭليى بولعاندىعىن جاريالاعاندا، بۇكىل زالدا قىزۋ شاپالاق ءۇنى كوتەرىلدى، لي چياڭ ورنىنان تۇرىپ ۋاكىلدەرگە ءيىلىپ ىزەت ءبىلدىردى. ونان سوڭ ول شي جينپيڭگە بۇرىلىپ، ەكەۋى ىقىلاسپەن قول الىستى، شي جينپيڭ ونى قۇتتىقتادى. لي چياڭ تاعى لي كىچياڭ جولداسپەن قول الىسىپ، ءبىر - بىرىنە قۇرمەت ءبىلدىردى.

  ونان سوڭ باسقارۋشى مىنالاردى رەتىمەن جاريالادى:

  جاڭ يوۋشيا، حى ۋيدۇڭ جولداستار جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ ورىنباسار ءتوراعاسى بولدى.

  لي شاڭفۋ، ليۋ جىنلي، مياۋ حۋا، جاڭ شىڭمين جولداستار جۇڭحۋا حالىق رەسپۋبليكاسى ورتالىق اسكەري ىستەر كوميتەتىنىڭ مۇشەسى بولدى.

  ليۋ جينگو جولداس جۇڭحۋا حالىق رەسپۋبليكاسى مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىلىگىنە سايلاندى.

  جاڭ جۇن جولداس جۇڭحۋا حالىق رەسپۋبليكاسى ەڭ جوعارى حالىق سوتى مەكەمەسىنىڭ باستىعى بولىپ سايلاندى.

  يىڭ يۇڭ جولداس جۇڭحۋا حالىق رەسپۋبليكاسى ەڭ جوعارى حالىق پروكۋراتۋراسىنىڭ باس پروكۋرورى بولىپ سايلاندى.

  159 كانديدات 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ مۇشەلىگىنە سايلاندى.

  ءاربىر داۋىسقا سالۋ، سايلاۋ ناتيجەسى جاريالانعاندا، زالدا قىزۋ شاپالاق ءۇنى كوتەرىلدى.

  ءماجىلىس ءتوراعالار القاسىنىڭ نەگىزگى زاڭ الدىندا سەرت بەرۋ جونىندەگى ۇيىمدىق ءادىسى نەگىزىندە، جالپى جيىننىڭ ءتۇرلى كەڭەستىك تارتىپتەرى ورىندالىپ بولعان سوڭ، مەملەكەتتىك كەڭەستىڭ زۇڭليى لي چياڭ، مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ليۋ جينگو، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ نەگىزگى زاڭ الدىندا جەكە - جەكە سەرت بەردى؛ ورتالىق اسكەري ىستەر كوميتەتىنىڭ ورىنباسار ءتوراعالارى، مۇشەلەرى، مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى جەكە - جەكە توپتىق سەرت بەردى.