مەملەكەتتىك كەڭەستىڭ باسقا دا قۇرامىنداعىلاردى ۇيعاردى

14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى بەسىنشى جالپى جيىنىن وتكىزدى

　　مەملەكەتتىك كەڭەستىڭ باسقا دا قۇرامىنداعىلاردى ۇيعاردى

مەملەكەت ءتوراعاسى شي جينپيڭ ءتوراعا بۇيرىعىنا قول قويىپ تاعايىندادى

　　شينحۋا اگەنتتىگىنىڭ 3 - ايدىڭ 12 - كۇنى بەيجيڭنەن بەرگەن حابارى. 14 - كەزەكتى مەملەكەتتىك حالىق قۇرىلتايىنىڭ 1 - ءماجىلىسى 3 - ايدىڭ 12 - كۇنى تۇستەن بۇرىن بەيجيڭ حالىق سارايىندا بەسىنشى جالپى جيىنىن وتكىزىپ، مەملەكەتتىك كەڭەستىڭ باسقا دا قۇرامىنداعىلاردى ۇيعاردى. مەملەكەت ءتوراعاسى شي جينپيڭ 2 - ءنومىرلى ءتوراعا بۇيرىعىنا قول قويىپ، ءماجىلىستىڭ ۇيعارىمى بويىنشا وسى جولعى ماجىلىستە داۋىسقا سالىپ ماقۇلدانعان مەملەكەتتىك كەڭەستىڭ باسقا دا قۇرامىنداعىلاردى تاعايىندادى.

　　جيىن مەملەكەتتىك كەڭەستىڭ زۇڭليى لي چياڭنىڭ ۇسىنۋى نەگىزىندە، بەلەت تاستاپ داۋىسقا سالۋ ارقىلى ديڭ شۋەشياڭدى، حى ليفىڭدى، جاڭ گوچيڭدى، ليۋ گوجۇڭدى مەملەكەتتىك كەڭەستىڭ ورىنباسار زۇڭليلىگىنە، لي شاڭفۋدى، ۋاڭ شياۋحۇڭدى، ۋ جىڭلۇڭدى، شىن يچيندى، چين گاڭدى مەملەكەتتىك كەڭەستىڭ مۇشەلىگىنە ۇيعاردى.

　　شي جينپيڭ، لي چياڭ، جاۋ لىجي، ۋاڭ حۋنيڭ، حان جىڭ، ساي چي، ديڭ شۋەشياڭ، لي شي قاتارلىلار جيىنعا قاتىناستى.

　　جيىنعا قاتىناسۋعا ءتيىستى ۋاكىل 2977 ادام، قاتىناسقانى 2946 ادام، 31 ادام قاتىناسا المادى، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

　　جيىندى ءماجىلىستىڭ اتقارۋشى ءتوراعاسى، ءتوراعالار القاسىنىڭ تۇراقتى ءتوراعاسى جىڭ جيانباڭ باسقاردى. ءماجىلىستىڭ اتقارۋشى ءتوراعالارى ما فىڭگو، ۋاڭ جيۇڭ، لين ۋ، ي ليانحۇڭ، حاۋ پىڭ، حۋ چاڭشىڭ، شۇي لين، حۋاڭ چۋپيڭ ءتوراعالار مىنبەسىندەگى اتقارۋشى ءتوراعالار ورنىنا جايعاستى.

　　بۇل جولعى جيىننىڭ كەڭەستىك ءتارتىبى: مەملەكەتتىك كەڭەستىڭ زۇڭليى لي چياڭنىڭ ۇسىنۋى نەگىزىندە، مەملەكەتتىك كەڭەستىڭ ورىنباسار زۇڭليلىگىنە، مەملەكەتتىك كەڭەستىڭ مۇشەلىگىنە، مينيسترلىكتەردىڭ مينيسترلىگىنە، كوميتەتتەردىڭ مەڭگەرۋشىلىگىنە، جۇڭگو حالىق بانكەسىنىڭ باستىقتىعىنا، باس قازىنالىق باقىلاۋشىلىققا، باس حاتشىلىققا كورسەتىلەتىندەردى ۇيعارۋ؛ 14 - كەزەكتى مەملەكەتتىك حالىق قۇرىلتايى ۇلت كوميتەتىنىڭ، باقىلاۋ - تەكسەرۋ جانە ءادىليا كوميتەتىنىڭ، وقۋ - اعارتۋ، عىلىم، مادەنيەت، دەنساۋلىق ساقتاۋ كوميتەتىنىڭ، سىرتقى ىستەر كوميتەتىنىڭ، حۋاچياۋلار كوميتەتىنىڭ، قورشاعان ورتا جانە بايلىقتى قورعاۋ كوميتەتىنىڭ، اۋىل شارۋاشىلىعى جانە اۋىل - قىستاق كوميتەتىنىڭ، قوعامدىق قۇرىلىس كوميتەتىنىڭ مەڭگەرۋشى مۇشەلەرىنىڭ، ورىنباسار مەڭگەرۋشى مۇشەلەرىنىڭ، مۇشەلەرىنىڭ ەسىمدىك جوباسىن جەكە - جەكە داۋىسقا سالۋ.

　　جيىندا مەملەكەتتىك كەڭەستىڭ زۇڭليى لي چياڭنىڭ مەملەكەتتىك كەڭەستىڭ باسقا دا قۇرامىنداعىلارعا كورسەتىلەتىندەردى ۇسىنۋ حاتى وقىلدى.

　　بەلەت تولتىرۋ، بەلەت تاستاۋ، بەلەت ەسەپتەۋ جۇمىستارى جۇرىلگەن سوڭ، ساعات 10نان 9 مينۋت وتكەندە باسقارۋشى ديڭ شۋەشياڭ، حى ليفىڭ، جاڭ گوچيڭ، ليۋ گوجۇڭ جولداستاردىڭ مەملەكەتتىك كەڭەستىڭ ورىنباسار زۇڭليى؛ لي شاڭفۋ، ۋاڭ شياۋحۇڭ، ۋ جىڭلۇڭ، شىن يچين، چين گاڭ جولداستاردىڭ مەملەكەتتىك كەڭەستىڭ مۇشەسى بولعاندىعىن جاريالادى.

　　باسقارۋشى تاعى مەملەكەتتىك كەڭەس باس حاتشىسىنىڭ جانە مەملەكەتتىك كەڭەستىڭ مينيسترلىكتەرىنىڭ مينيسترلەرىنىڭ، كوميتەتتەردىڭ مەڭگەرۋشىلەرىنىڭ، جۇڭگو حالىق بانكەسى باستىعىنىڭ، باس قازىنالىق باقىلاۋشىسىنىڭ ەسىمدىگىن جاريالادى.

　　14 - كەزەكتى مەملەكەتتىك حالىق قۇرىلتايى 10 ارناۋلى كوميتەت قۇردى. مۇندا نەگىزگى زاڭ جانە زاڭدار كوميتەتىنىڭ، قازىنا - ەكونوميكا كوميتەتىنىڭ قۇرامىنداعىلاردىڭ ەسىمدىگى 3 - ايدىڭ 5 - كۇنى داۋىسقا سالىپ ماقۇلدانعان. قالعان 8 ارناۋلى كوميتەتتىڭ قۇرامىنداعىلارعا كورسەتىلەتىندەردى ءتوراعالار القاسى ۇسىنعان سوڭ، ۋاكىلدەر ۇيىرمەلەرى اقىلداستى. ۋاكىلدەر ۇيىرمەلەرىنىڭ اقىلداسۋ پىكىرى نەگىزىندە، ءتوراعالار القاسى جيىنى وسى 8 ارناۋلى كوميتەتتىڭ قۇرامىنداعىلاردىڭ ەسىمدىك جوباسىن وسى جولعى جيىننىڭ داۋىسقا سالۋىنا ۇسىنۋدى ۇيعاردى.

　　ارناۋلى كوميتەتتەردىڭ قۇرامىنداعىلاردى داۋىسقا سالۋ ادىسىندەگى بەلگىلەمەگە ساي، داۋىسقا سالۋدا داۋىسقا سالۋ اسپابىنىڭ كنوپكاسىن جاسىرىن باسۋ ءتاسىلى قولدانىلىپ، 8 ارناۋلى كوميتەتتىڭ قۇرامىنداعىلاردىڭ ەسىمدىگى جەكە - جەكە داۋىسقا سالىنىپ ماقۇلداندى.

　　ەسىمدىكتەر ماقۇلدانعان كەزدە جيىن زالىندا قىزۋ قول شاپالاق ءۇنى كوتەرىلدى.

　　ءماجىلىس ءتوراعالار القاسىنىڭ نەگىزگى زاڭ الدىندا سەرت بەرۋ جونىندەگى ۇيىمدىق ادىسىنە ساي، جالپى جيىننىڭ كەڭەستىك تارتىپتەرى ورىندالىپ بولعان سوڭ، مەملەكەتتىك كەڭەستىڭ ورىنباسار زۇڭليلەرى، مەملەكەتتىك كەڭەستىڭ مۇشەلەرى، باس حاتشىسى، 14 - كەزەكتى مەملەكەتتىك حالىق قۇرىلتايىنىڭ ارناۋلى كوميتەتتەرىنىڭ قۇرامىنداعىلار، مەملەكەتتىك كەڭەستىڭ مينيسترلىكتەرىنىڭ مينيسترلەرى، كوميتەتتەرىنىڭ مەڭگەرۋشىلەرى، جۇڭگو حالىق بانكەسىنىڭ باستىعى، باس قازىنالىق باقىلاۋشى جەكە - جەكە توپتىق سەرت بەردى.