شينحۋا اگەنتتىگى كولەمدى شولۋ جاريالادى
«داڭق پەن ارمانعا تولى ۇزاق جورىققا اتتانۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ميلليارد حالىقتى باستاپ جاڭا جورىققا قادام تاستاۋى جونىندە شولۋ»
شينحۋا اگەنتتىگىنىڭ 3 - ايدىڭ 3 - كۇنى بەيجيڭنەن بەرگەن حابارى. شينحۋا اگەنتتىگى 3 - ايدىڭ 3 - كۇنى «داڭق پەن ارمانعا تولى ۇزاق جورىققا اتتانۋ − شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ميلليارد حالىقتى باستاپ جاڭا جورىققا قادام تاستاۋى جونىندە شولۋ» اتتى كولەمدى شولۋ تاراتتى.
ماقالادا بىلاي دەلىندى: كوكتەمگى تاسقىن جوڭكىلىپ، كۇللى تىرشىلىك جاندانىپ، جۇڭحۋانىڭ بايتاق دالاسى تىرشىلىك تىنىسىنا شومدى.
پارتيا 20 - قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، ميلليارد جۇڭحۋا پەرزەنتتەرى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جەتەكشىلىگىندە، تاسقىنداعان جىگەرمەن جاپپاي سوتسياليستىك وسىزاماندانعان مەملەكەت قۇرۋ جاڭا جورىعىنا قادام تاستاپ، ەكىنشى 100 جىلدىق كۇرەس نىساناسىنا قاراي شەرۋ تارتتى.
جاڭا جورىق، جاڭا باستاما، جاڭا الىس ساپار.
اشىلۋ الدىندا تۇرعان 2023 - جىلعى مەملەكەتتىك ەكى ءماجىلىس ورتاق تانىم توپتاپ، سەنىم ۇيىستىرىپ، پارتيا 20 - قۇرىلتايىندا جاسالعان شەشىمدەردى، ورنالاستىرۋلاردى زاڭدا بەلگىلەنگەن تارتىپتەر ارقىلى بۇكىل ەل حالقىنىڭ ءىس جۇزىندىك ارەكەتىنە اينالدىرادى.
جاڭا نىسانانى بەتكە الىپ، قايراتتانا تاعى اتتانىپ، داڭق پەن ارمانعا تولى ۇزاق جورىققا اتتاندى.
ماقالا مىناداي ءتورت بولىككە بولىنگەن: جاڭا ورىن، جاڭا مىندەت − ”ەلىمىزدىڭ دامۋى جاڭا ءارى اناعۇرلىم بيىك تاريحي باستاماعا تابان تىرەدى“؛ جاڭا جوسپار، جاڭا ورنالاستىرۋ − ”جاپپاي سوتسياليستىك وسىزاماندانعان مەملەكەت قۇرۋدىڭ، جۇڭحۋا ۇلتىنىڭ ۇلى گۇلدەنۋىن جۇڭگو ۇلگىسىندەگى وسىزامانداندىرۋ ارقىلى جاپپاي ىلگەرىلەتۋدىڭ ايبىندى جوباسى كەسكىندەلدى“؛ جاڭا باستاما، جاڭا بەينە − ”جاپپاي سوتسياليستىك وسىزاماندانعان مەملەكەت قۇرۋدىڭ باستاماسىن جاقسى باستاۋ، قادامىن جاقسى باسۋ“؛ جاڭا كۇرەس، جاڭا جەڭىس − ”پارتيا ۇلى كۇرەسپەن 100 جىلدىق ۇلى ءىستى جاراتتى ءارى، ءسوز جوق، جاڭا ۇلى كۇرەسپەن جاڭا ۇلى ىستەردى جاراتاتىن بولادى.
ماقالادا بىلاي دەلىندى: بيلىك دەگەنىمىز حالىق، حالىق دەگەنىمىز بيلىك.
پارتيا 18 - قۇرىلتايىنان بەرى، پارتيامىز حالىقتى وزەك ەتكەن دامۋ يدەياسىنا تاباندى بولىپ، ”مەن وزىممەن ساناسپايمىن“ دەيتىن وسكەلەڭ دەڭگەيى، ”حالىقتىڭ ءۇمىتىن اقتايمىن“ دەيتىن ماڭگىلىك اۋەلگى ماقساتى ارقىلى قاي - قاشان دا حالىق بۇقاراسىمەن بىرگە بولىپ، بىرگە ويلاپ، بىرگە ىستەدى، بۇكىل پارتيا، بۇكىل ەلدەگى ءار ۇلت حالقى پارتيا تۋى استىندا ”بەرىك قۇرىش“ بولىپ ىنتىماقتاسىپ، ەشقانداي قيىنشىلىقتان تايسالماي العا ىلگەرىلەدى.
جاڭا جورىقتا حالىقپەن جۇرەگى توعىسىپ، حالىقتىڭ تاماشا تۇرمىس تالپىنىسىن ۇزدىكسىز رەالدىققا اينالدىرعان جۇڭگو كوممۋنيستىك پارتياسىنىڭ جۇڭگو حالقىن باستاپ جاڭا كەرەمەتتەر جاراتانىندىعى داۋسىز.
وتكەنگە قايىرىلا قاراپ، بولاشاققا كوز جىبەرسەك، باس شۋجي شي جينپيڭنىڭ كەسەتىمدى ءسوزى ميلليارد جۇڭحۋا پەرزەنتتەرىنىڭ ورتاق جۇرەك ءۇنىن جەتكىزدى: ”جۇڭگو كوممۋنيستىك پارتياسىنىڭ پارمەندى باسشىلىعى تۇرعاندا، بۇكىل ەلدەگى ءار ۇلت حالقىنىڭ بەرىك ىنتىماعى تۇرعاندا، جاپپاي سوتسياليستىك وسىزاماندانعان قۇدىرەتتى مەملەكەت قۇرىپ شىعۋ نىساناسى، ءسوز جوق، جۇزەگە اسادى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانى، ءسوز جوق، جۇزەگە اسادى“!
