شينحۋا اگەنتتىگىنىڭ 3 - ايدىڭ 2 - كۇنى بەيجيڭنەن بەرگەن حابارى. 3 - ايدىڭ 2 - كۇنى مەملەكەت ءتوراعاسى شي جينپيڭ ۋ ۋىنشاڭعا تەلەگرامما جولداپ، ونىڭ ۆيەتنام سوتسياليستىك رەسپۋبليكاسىنىڭ ءتوراعاسى بولىپ تاعايىندالعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن ۆيەتنام تاۋ - وزەنى تۇتاسقان، سوتسياليستىك دوس كورشى ەل. بىلتىردان بەرى، مەن باس شۋجي رۋان فۋجۇڭمەن بىرگە ءداستۇرلى دوستىقتى بەكەمدەۋ، ستراتەگيالىق بايلانىستى كۇشەيتۋ، ءوزارا پايدا جەتكىزەتىن سەلبەستىكتى تەرەڭدەتۋ جونىندە ماڭىزدى ورتاق تانىمعا كەلىپ، جاڭا داۋىردەگى جۇڭگو مەن ۆيەتنامنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن دامىتۋدىڭ ۇلى جوباسىن بىرگە كەسكىندەدىم. مەن جۇڭگو − ۆيەتنام قارىم - قاتىناسىنا وسكەلەڭ ءمان بەرەمىن، ءتوراعا ۋ ۋىنشاڭمەن بىرگە قۇلشىنىپ، ەكى ەل قارىم - قاتىناسىنىڭ ۇزدىكسىز اقاۋسىز، ورنىقتى دامىپ، جۇڭگو مەن ۆيەتنامنىڭ ستراتەگيالىق مانگە يە تاعدىرلاس ورتاق تۇلعاسىن بىرگە قۇرۋعا قاراي ۇزدىكسىز قادام تاستاۋىن ىلگەرىلەتۋدى قالايمىن.
