«حالىق گازەتى»، 4 – ايدىڭ 12 - كۇنى، حورۆاتيا دۋبروۆنيك قالاسى (تىلشىلەر باي ياڭ، يە چي). سول جەر ۋاقىتى ۋاقىتى بويىنشا 4 – ايدىڭ 12 – كۇنى تۇستەن كەيىن مەملەكەتتىك كەڭەستىڭ زۇڭليى لي كىچياڭ دۋبروۆنيك قالاسىندا 8 – رەتكى جۇڭگو – ورتا، شىعىس ەۆروپا ەلدەرى باسشىلارىنىڭ كەڭەسىنە قاتىناسقان سوڭ بولعاريانىڭ پرەمەر مينيسترى بويكو بوليسوۆپەن، حورۆاتيانىڭ پرەمەر مينيسترى اندرە پۋلەنكوۆيچپەن بىرگە «1+16 دۇنيە جۇزىلىك ارىپتەستىك ورتالىعىنىڭ» ماڭدايشالىعىن اشىپ، «1+16 دۇنيە جۇزىلىك ارىپتەستىك ورتالىعىنىڭ» رەسمي قۇرىلعانىن جاريالادى.
«1+16 دۇنيە جۇزىلىك ارىپتەستىك ورتالىعى» − بىلتىرعى سوفيا كەزدەسۋىنىڭ ماڭىزدى تابىسى، سونداي – اق «1+16» جۇلگەسىندەگى جاڭا شارالاردىڭ ءبىرى. «1+16 دۇنيە جۇزىلىك ارىپتەستىك ورتالىعى» ۇكىمەتتىك ەمەس، پايدا تاپپايتىن اقىل – پاراسات جاعىنان كەڭەس بەرۋ قۇرىلىمى، الدا ەكى جاقتاعى كاسىپورىنداردىڭ ساۋدا، قارجى قوسۋ سەلبەستىگىن جەبەۋدى، «1+16» سەلبەستىگىن ىلگەرىلەتۋدى ساياسات، زاڭ جاعىنان كەڭەس بەرۋمەن جانە اقىل – پاراساتپەن قامتاماسىزداندىرادى.
لي كىچياڭ 2018 – جىلى 7 – ايدا سوفيادا 7 - رەتكى جۇڭگو – ورتا، شىعىس ەۆروپا ەلدەرى باسشىلارىنىڭ كەڭەسىنە قاتىناسقان كەزدە بولعاريامەن بىرگە جۇڭگو مەن ورتا، شىعىس ەۆروپا ەلدەرىنىڭ سەلبەستىگى بويىنشا «1+16 دۇنيە جۇزىلىك ارىپتەستىك ورتالىعىن» قۇرۋدى دارىپتەگەن بولاتىن. وسى دارىپتەمە ماجىلىسكە قاتىناسۋشى باسشىلاردىڭ بەلسەندىلىكپەن قولداۋىنا يە بولعان، ءار جاق بولعاريادا «1+16 دۇنيە جۇزىلىك ارىپتەستىك ورتالىعىن» قۇرۋ ورتاق تانىمىنا كەلىپ، جۇڭگو، بولعاريا ەكى جاقتىڭ ورتالىقتىڭ قاتىستى قىزمەتتەرىن باستاماشىلىقپەن ورىستەتۋىنە ماقۇل بولعان.
