1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

تۇڭعىش رەت! جۇڭگو ساعاتتىق جىلدامدىعى 200 كيلومەتر كەلەتىن جولاۋشى تاسىمالى ىشتەن جاناتىن موتورلى ۆاگوندار قۇراماسىن اراب بىرىككەن امىرلىگىنە ەكسپورت ەتەدى

日期:2023年02月03日
来源:新疆日报
【字体:

  1 - ايدىڭ 31 - كۇنى جۇڭگو جۇڭچى توبىنا قاراستى سىفاڭ جارنا سەرىكتەستىگى اراب بىرىككەن امىرلىگىنىڭ اتيحادى تەمىر جول سەرىكتەستىگىمەن جولاۋشى تاسىمالى ىشتەن جاناتىن موتورلى ۆاگوندار قۇراماسى نىسانى زاتپەن قامداۋ توقتامىنا قول قويدى. توقتام مازمۇنى ساعاتتىق جىلدامدىعى 200 كيلومەتر كەلەتىن 3 قاتار 21 ۆاگوندى جوعارى جىلدامدىقتى ىشتەن جاناتىن موتورلى ۆاگوندار قۇراماسى جانە ەڭ كوپ بولعاندا 20 قاتار 140 ۆاگوندى قوسىپ ساتىپ الۋعا بولاتىن ٴتۇردى قامتيدى. بۇل ەلىمىزدىڭ جولاۋشى تاسىمالى ىشتەن جاناتىن موتورلى ۆاگوندار قۇراماسىن تۇڭعىش رەت اراب بىرىككەن امىرلىگىنە ەكسپورت ەتۋى بولماق.


  اراب بىرىككەن امىرلىگى قازىر تۇتاس شەكارا ىشىندەگى 7 امىرلىككە تۇتاساتىن مەملەكەتتىك تەمىر جول تورىن قۇرۋدى جوسپارلاۋدا، بۇل اراب بىرىككەن امىرلىگىنىڭ ”بولاشاقتاعى 50 جىلدىق مەملەكەتتى دامىتۋ ستراتەگياسىنداعى“ ەڭ ۇلكەن نەگىزدىك قۇرىلعى قۇرىلىس نىسانى. وسى رەت قول قويىلعان ىشتەن جاناتىن موتورلى ۆاگوندار قۇراماسى نىسانى اراب بىرىككەن امىرلىگىنىڭ مەملەكەتتىك تەمىر جول جولاۋشى تاسىمالىنا قىزمەت وتەۋىنە پايدالانىلىپ، اراب بىرىككەن امىرلىگىندەگى تۇڭعىش توپتاعى نەگىزگى جەلى تەمىر جول جولاۋشى تاسىمالى پويەزىنە اينالادى. توقتامدا تاعى بارلىق قاتىستى پويەزداردىڭ 15 جىلدىق جوندەۋ، كۇتىمدەۋ قىزمەت وتەۋى قامتىلعان.  

  نىسان پويەزى قوزعالتقىش كۇشتى شوعىرلاندىرۋ ۇلگىسىندەگى جوعارى جىلدامدىقتى ىشتەن جاناتىن موتورلى ۆاگوندار قۇراماسى، 7 ۆاگوندى ءبىر گرۋپپاعا ٴبولۋ (2 موتور، 5 سۇيرەۋىش) قولدانىلعان، ەڭ جوعارى قاتىناۋ ساعاتتىق جىلدامدىعى 200 كيلومەتر، جوبالانعان ساعاتتىق جىلدامدىعى 220 كيلومەتر، قازىر دۇنيە جۇزىندەگى جىلدامدىق دارەجەسى ەڭ جوعارى ىشتەن جاناتىن موتورلى ۆاگوندار قۇراماسى. پويەزگە اراب بىرىككەن امىرلىگى ەلدەرىنىڭ تەمىر جول تاسىمال قاجەتىنە ساي، حالىقارالىق وزىق ولشەم جانە تەحنيكا قولدانىلىپ، اراب بىرىككەن امىرلىگىنىڭ جەرگىلىكتى جوعارى تەمپەراتۋرا، قۇمدى بوران سياقتى ورتا تالابىنا ۇيلەسەدى. پويەزدە 1 ـ، 2 ـ دارەجەلى ورىن جانە وتباسىلىق رايون بار، وزىق اۋا رەتتەۋ جۇيەسى، ۆاگون سىمسىز تورى، زاريادتاۋ كوزى سياقتى قۇرىلعىلار ورناتىلادى، سونداي ـ اق زەردەلى اينالىم جانە كۇتىمدەۋ جۇيەسى ورناتىلىپ، جولاۋشىلارعا جايلى قىزمەت وتەۋ سەزىنۋىن ازىرلەيدى.

  ىشتەن جاناتىن موتورلى ۆاگون قۇراماسى مەجەمەن 2025 - جىلى اراب بىرىككەن امىرلىگىنىڭ مەملەكەتتىك تەمىر جولىندا سىناق رەتىندە ىسكە قوسىلىپ، اراب بىرىككەن امىرلىگىنىڭ تۇڭعىش رەت نەگىزگى جەلى تەمىر جول جولاۋشى تاسىمال قىزمەت وتەۋىن ورناتۋىن جەبەپ، اراب بىرىككەن امىرلىگىنىڭ ءتۇيىندى قالالارى اراسىنا قاتىنايتىن اناعۇرلىم تەز، جوعارى ٴونىمدى شىت جاڭا قاتىناس ءتاسىلىن دايىنداپ، ساپارلاۋ ۋاقىتىن بارىنشا قىسقارتادى.