وقۋ – اعارتۋ مينيسترلىگى تاياۋدا «جاڭا داۋىردەگى جوعارى دارەجەلى مەكتەپتەردىڭ ەستەتيكالىق تاربيە قىزمەتىن شىنايى كۇشەيتۋ جونىندەگى پىكىردى» باسىپ تاراتىپ، جوعارى مەكتەپتەردىڭ ەستەتيكالىق تاربيەسىندە كوركەمونەر وقۋ – اعارتۋى رەفورماسىنىڭ دامۋىن ءتۇيىن ەتۋ، جوعارى مەكتەپتەردە كوركەمونەر تاربيەسىن، كاسىپتىك كوركەمونەر تاربيەسىن جانە كوركەمونەر پەداگوگيكا وقۋ – اعارتۋى سىندى 3 ءتۇيىندى سالانى جالپىلاستىرۋدى تىعىز توڭىرەكتەپ، ەستەتيكالىق تاربيە ارقىلى وقىتۋدى زور كۇشپەن كۇشەيتۋ ورتاعا قويىلدى. بۇندا مىنالار تالاپ ەتىلدى: ءارقايسى جوعارى مەكتەپتەر كوركەمونەر جالپىلاستىرۋ وقۋ – اعارتۋىن باسقارۋ قۇرىلىمىن ايقىنداپ، الەۋمەتتىك كوركەمونەر ساباعى مەن كوركەمونەر امالياتىن جوعارى مەكتەپتەردىڭ دارىندىلاردى تاربيەلەۋ جوباسىنا ەنگىزۋى، مەكتەپتىڭ وقۋ – وقىتۋ جوسپارىنا ەنگىزۋى، وقۋ ءنومىرى بويىنشا باسقارۋدى اتقارۋى، جوعارى مەكتەپتەردىڭ وقۋشىلاردىڭ مەكتەپ اتتاپ الەۋمەتتىك كوركەمونەر ساباعىن تاڭداۋىنا جانە وقۋ ءنومىرىن ءوزارا مويىنداۋعا شابىتتاندىرۋى كەرەك. ءاربىر وقۋشى وقۋ بىتىرەردە مەكتەپ بەلگىلەگەن الەۋمەتتىك كوركەمونەر ساباعى وقۋ ءنومىرىن تولىق ورىنداۋى كەرەك.
پىكىردە مىنالار ورتاعا قويىلدى: وقىتۋشىلار قوسىن قۇرىلىسى جاعىندا، كوركەمونەر ساباعىن جالپىلاستىراتىن وقىتۋشىلاردى تولىق سەپتەۋى، جوعارى مەكتەپتەردى ەستەتيكالىق تاربيە ەرەكشەلىگى بار وقىتۋشىلارعا اتاق بەرۋ، باعالاۋ ءتۇزىمى مەن باعالاۋ مەحانيزمىن ورناتۋعا شابىتتاندىرۋ كەرەك؛ ال وقۋ – وقىتۋ رەفورماسى جاعىندا، جوعارى مەكتەپتەردىڭ ەستەتيكا، احىلاق، اقىل – وي، دەنە جانە ەڭبەك تاربيەسىن ءوزارا توعىستىرۋدى، ءارقايسى ءپان، كاسىپتەرمەن وقىتۋ - تاربيەلەۋ، قوعامدىق اماليات جانە جاسامپازدىق تاربيەسىن ءوزارا توعىستىرۋدى جەبەۋ كەرەك؛ مادەنيەتتىڭ جالعاسۋىن، جاسامپازدىقتى ىلگەرىلەتۋ جاعىندا، جۇڭحۋانىڭ تاڭداۋلى ءداستۇرلى مادەنيەتىنىڭ جاسامپازدىقپەن جاڭالانۋىن جانە جاسامپازدىقپەن دامۋىن ىلگەرىلەتۋ كەرەك؛ قوعامدىق قىزمەت وتەۋ قابىلەتىن كۇشەيتۋ جاعىندا، جوعارى مەكتەپ ەستەتيكا تاربيەسىنىڭ مەملەكەت جانە وڭىرلىك دامۋ ستراتەگياسىنا قىزمەت وتەۋگە، ەكونوميكالىق قوعامدىق دامۋعا بەلسەنە قاتىناسۋىن ورتاعا قويۋ كەرەك.
