«ج ك پ ورتالىق كوميتەتىنىڭ پارتيانىڭ ءبىر ءبولىم ىشكى زاڭ - ەرەجەلەرى مەن ولشەمدىك قۇجاتتارىن كەرەكتەن شىعارۋ، كۇشىن جويعانىن جاريالاۋ جانە وعان وزگەرىس ەنگىزۋ جونىندەگى ۇيعارىمى» بىرنەشە كۇننىڭ الدىندا جاريالاندى. «ۇيعارىمنىڭ» جاريالانۋى 2018 – جىلى 11 – ايدا ورنالاستىرىلىپ، ورىستەتىلگەن پارتيا ورتالىق كوميتەتىنىڭ پارتيانىڭ ىشكى زاڭ - ەرەجەلەرى مەن ولشەمدىك قۇجاتتارىن 2 – رەت شوعىرلى اداقتاۋ قىزمەتىنىڭ تولىق اياقتالعانىن بىلدىرەدى.
ورتالىق مىنانى ۇيعاردى: اداقتاۋ كولەمىنە ەنگىزىلگەن ورتالىقتىڭ پارتيانىڭ ىشكى زاڭ - ەرەجەلەرى مەن ولشەمدىك قۇجاتتارىنا قاراتا 54 پارشاسى كەرەكتەن شىعارىلسىن، 56 پارشاسىنىڭ كۇشىن جويعانى جاريالانسىن، 8 پارشاسىنا وزگەرىس ەنگىزىلسىن، سونىمەن بىرگە، پارتيا مەن مەملەكەت ورگاندارىنا ساياتىن ورتالىقتىڭ پارتيانىڭ ىشكى 14 زاڭ – ەرەجەسىنە ءبىر تۇتاس تۇزەتۋ ەنگىزىلسىن. وسى رەتكى شوعىرلى اداقتاۋ شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 – قۇرىلتايى رۋحىن ىشكەرىلەي دايەكتى تياناقتاندىرۋدا، پارتيانىڭ ىشكى زاڭ – ەرەجەسى مەن پارتيانىڭ ساياساتىنىڭ ءبىر تۇتاستىعى، بەدەلىن قورعاۋدا، پارتيانىڭ كەمەلدى ىشكى زاڭ – ەرەجە ءتۇزىم جۇيەسىن قۇرۋدى تەزدەتۋدە كەلەلى مانگە يە.
ورتالىق مىنانى تالاپ ەتتى: كەرەكتەن شىعارىلعان جانە كۇشىن جويعان زاڭ – ەرەجەلىك قۇجاتتار ۇيعارىم جاريالانعان كۇننەن باستاپ تۇگەلدەي اتقارۋدان توقتاتىلادى. وزگەرىس ەنگىزۋ ۇيعارىمى جاسالعان زاڭ – ەرەجەلىك قۇجاتتارعا قاراتا قاتىستى ورتالىق جانە مەملەكەت ورگاندارى وزگەرىس ەنگىزۋ قىزمەتىن مىقتى يگەرىپ ىلگەرىلەتۋى، وزگەرىس ەنگىزۋ مىندەتىن ساپالى، ءونىمدى ورىنداۋعا كەپىلدىك ەتۋى كەرەك.
