2022 - جىلى ەلىمىزدىڭ GDPى 120 تريلليون يۋاننان استى
الدىڭعى جىلداعىدان ％3 ارتتى
شينحۋا اگەنتتىگىنىڭ 1 - ايدىڭ 17 - كۇنى بەيجيڭنەن بەرگەن حابارى (تىلشىلەر ۋي يۇيكۇن، جوۋ يۋان). مەملەكەتتىك ساناق مەكەمەسىنىڭ 1 - ايدىڭ 17 - كۇنى جاريالاعان ساندى مالىمەتىندە كورسەتىلۋىنشە، العاشقى ەسەپكە قاراعاندا، 2022 - جىلى تۇتاس جىلداعى ىشكى ءوندىرىستىڭ جالپى ءونىم قۇنى (GDP) 121 تريلليون 20 ميلليارد 700 ميلليون يۋان بولعان، تۇراقتى باعا بويىنشا ەسەپتەگەندە، الدىڭعى جىلداعىدان ％3 ارتقان. حالىق شارۋاشىلىعى قىسىمعا توتەپ بەرىپ، ۇزدىكسىز دامىپ، ەكونوميكانىڭ جالپى مولشەرى تاعى دا تىڭ ساتىعا كوتەرىلدى.
ساناق ساندى مالىمەتتەرىندە كورسەتىلۋىنشە، جىلدىق ورتاشا سىندىرىلىم بويىنشا ەسەپتەگەندە، 120 تريلليون يۋاندى دوللارعا سىندىرعاندا مولشەرمەن 18 تريلليون دوللار بولىپ، دۇنيە ءجۇزى بويىنشا 2 - ورىندى ورنىقتى يەلەگەن. 2022 - جىلى ەلىمىزدىڭ جان باسىندىق ورتاشا GDPى 85 مىڭ 698 يۋانعا جەتىپ، الدىڭعى جىلداعىدان ％3 ارتىپ، جىلدىق ورتاشا سىندىرىلىم بويىنشا ەسەپتەگەندە، 12 مىڭ 741 دوللارعا جەتىپ، ءۇرتىس 2 جىل بويى 12 مىڭ دوللاردان جوعارى بولعان.
”ەكونوميكانىڭ جالپى مولشەرى مەن جان باسىندىق ورتاشا دەڭگەيدىڭ ۇزدىكسىز جوعارىلاۋى ەلىمىزدىڭ جالپىلىق مەملەكەت قۋاتىنىڭ، قوعامدىق وندىرگىش كۇشىنىڭ، حالىقارالىق ىقپالىنىڭ، حالىقتىڭ تۇرمىس دەڭگەيىنىڭ اناعۇرلىم جوعارىلاعاندىعىن، ەلىمىزدىڭ دامۋ نەگىزىنىڭ اناعۇرلىم بەرىك، دامۋ ساپاسىنىڭ اناعۇرلىم جاقسى، دامۋ قوزعاۋشى كۇشىنىڭ اناعۇرلىم مىعىم ەكەندىگىن، ەلىمىز ەكونوميكاسىنىڭ سەرپىمدىلىگى كۇشتى، كومەسكى كۇشى زور، كەڭىستىگى كەڭ ءارى ۇزاق ۋاقىت جاقسارعان نەگىزگى جاعدايى وزگەرمەگەندىگىنەن دەرەك بەرەدى“، - دەدى مەملەكەتتىك ساناق مەكەمەسىنىڭ باستىعى كاڭ ي.
ەكونوميكانىڭ ارتۋ جىلدامدىعىن تىلگە تيەك ەتكەندە، كاڭ ي مىنالاردى ءبىلدىردى: قازىر گەرمانيا تۇتاس جىلدىق ەكونوميكانىڭ ارتۋ جىلدامدىعىنىڭ مەجە سانى ％9. 1 دەپ جاريالادى؛ حالىقارا اقشا قورى ۇيىمىنىڭ (IMF) بولجامىنا قاراعاندا، امەريكانىڭ، جاپونيانىڭ 2022 - جىلدىق GDPىنىڭ ارتۋى دا ％2تەن اسپايدى ەكەن، ”مەجەدەن اسىپ كەتكەن وسىنشاما كوپ فاكتوردىڭ قايتالامالى سوققىسىندا ەلىمىز GDPىنىڭ ％3تىك ارتۋ جىلدامدىعى ءبىرشاما تەز ارتۋ “جىلدامدىعى ەسەپتەلىنەدى.
2022 - جىلى تۇتاس جىلدا استىقتىڭ جالپى ءونىم مولشەرى ءبىر تريلليون 373 ميلليارد 100 ميلليون جىڭعا جەتىپ، ءۇرتىس 8 جىل ءبىر تريلليون 300 ميلليارد جىڭنان جوعارى بولدى؛ بۇكىل ەل بويىنشا ونەركاسىپتىڭ ارتقان قۇنى 40 تريلليون 200 ميلليارد يۋانعا، جاساۋ كاسىبىنىڭ ارتقان قۇنى 33 تريلليون 500 ميلليارد يۋانعا جەتىپ، دۇنيە ءجۇزى بويىنشا الدىڭعى ورىندى يەلەدى؛ قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 44 تريلليون يۋان كولەمىنە ورنىقتى؛ كولەمنەن جوعارى جوعارى تەحنيكالىق جاساۋ كاسىبىنىڭ ارتقان قۇنى الدىڭعى جىلداعىدان ％7.4 اسىپ، بارلىق كولەمنەن جوعارى ونەركاسىپتەن 8. 3 پايىز تەز بولدى؛ بۇكىل مەملەكەت بويىنشا تۇرعىنداردىڭ جان باسىندىق قولداعى تابىسى ءىس جۇزىندە ％9. 2 ارتىپ، ەكونوميكانىڭ ارتۋىمەن نەگىزىنەن قادامداس بولدى...
”جالپى العاندا، 2022 - جىلى ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى جوعارى ونىمدىلىكپەن ءبىر تۇتاس جوسپارلاپ، بەلسەندى ونىمدىلىككە قول جەتكىزىپ، ماكرولىق ەكونوميكانىڭ جالپى جاعدايىن ورنىقتىرىپ، ەكونوميكانىڭ جالپى مولشەرىن ۇزدىكسىز كەڭەيتىپ، دامۋ ساپاسىن ورنىقتى جوعارىلاتتى. سونىمەن بىرگە مىنانى دا كورە ءبىلۋىمىز كەرەك: حالىقارالىق جاعداي ءالى دە كۇردەلى دە قاتاڭ، ىشكى سۇرانىستىڭ تارايۋى، قامداۋدىڭ سوققىسى، مەجەنىڭ السىرەۋى سىندى 3 ءتۇرلى قىسىم ءالى دە ءبىرشاما زور، ەكونوميكانىڭ قالپىنا كەلۋ نەگىزى ءالى دە بەرىك ەمەس“. كاڭ ي بىلاي دەدى: كەلەسى كەزەڭدە ورنىقتىلىقتى ماڭداي الدى ورىنعا قويۋعا، ورنىقتىلىق بارىسىندا ىلگەرىلەۋگە تاباندى بولىپ، ەكونوميكالىق اينالىمنىڭ جالپى تۇلعالىق جاقتان جاقسارۋىن ىلگەرىلەتىپ، ساپانى ءونىمدى جوعارىلاتۋ مەن ساننىڭ ۇيلەسىمدى ارتۋىن كۇش سالا جۇزەگە اسىرۋ كەرەك.
