شينحۋا اگەنتتىگىنىڭ 9 - ايدىڭ 28 - كۇنى بەيجيڭنەن بەرگەن حابارى. 9 - ايدىڭ 28 - كۇنى مەملەكەت ءتوراعاسى شي جينپيڭ ارگەنتينانىڭ زۇڭتۇڭى فەرناندەسپەن جەكە - جەكە جۇڭگو − ارگەنتينا گۋمانيتارلىق اۋىس - كۇيىس جوعارى دارەجەلىلەر تالقى مىنبەرىنە قۇتتىقتاۋ حات جولدادى.
شي جينپيڭ بىلاي دەپ اتاپ كورسەتتى: جۇڭگو مەن ارگەنتينا ابزال دوس، تاماشا سەرىكتەستەر. بيىل جۇڭگو مەن ارگەنتينانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى ءارى جۇڭگو مەن ارگەنتينانىڭ دوستىق سەلبەستىك جىلى. جارتى عاسىردان بەرى، ەكى ەلدىڭ قارىم - قاتىناسى حالىقارالىق قۇبىلمالى زامان سىناعىن باستان وتكەرىپ، بازارى جاڭادان گۇلدەنگەن ەلدەر مەن وركەندەپ كەلە جاتقان ەلدەردىڭ ىنتىماقتاسا سەلبەسۋدەگى، بىرگە دامۋداعى تيپتىك ۇلگىسىنە اينالدى. جۇڭگو − ارگەنتينا قارىم - قاتىناسىنىڭ جان - جاقتى جىلدام دامۋى جۇڭگو − لاتىن امەريكاسى قارىم - قاتىناسىنىڭ قاۋلاعان تىرشىلىك تىنىسىنىڭ ىقشام كورىنىسى. ماجىلىسكە قاتىناسقان سيلى قوناقتاردان كوپتىڭ اقىل - پاراساتىن ساۋلەلەندىرىپ، ورتاق تانىم ۇيىستىرىپ، جۇڭگو مەن ارگەنتينانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ جاڭا تاراۋىن جازۋىنا كۇش ۇستەپ، جاڭا داۋىردەگى جۇڭگو − لاتىن امەريكاسى تاعدىرلاس ورتاق تۇلعاسىن، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن ۇلەس قوسۋدى ءۇمىت ەتەمىن.
فەرناندەس قۇتتىقتاۋ حاتىندا مىنالاردى ءبىلدىردى: ارگەنتينا − جۇڭگو ەكى ەل قول ۇستاسىپ جارتى عاسىردى بىرگە باستان وتكەردى، ەكى جاقتىڭ الداعى جەردە اناعۇرلىم جوعارى دامۋ دەڭگەيىندەگى تاعدىرلاس ورتاق تۇلعانى قارسى الاتىندىعىنا كامىل سەنەمىن. ەكى ەل اقپارات قۇرالدارىنىڭ توتەنشە تابىستى سەلبەستىگى ەكى ەل حالقىنىڭ ءوزارا تۇسىنىگىن جەبەدى. ەكى جاقتان سەلبەستىكتى تەرەڭدەتىپ، ارگەنتينا − جۇڭگو جان - جاقتى ستراتەگيالىق سەرىكتەستىك قارىم - قاتىناسى ءۇشىن ەسە قوسۋدى، ەكى ەل حالقىنىڭ ىرىس - قۇتى مەن دۇنيە ءجۇزىنىڭ بەيبىتشىلىگى، دامۋى ءۇشىن اناعۇرلىم زور ۇلەس قوسۋدى كۇتەمىن.
جۇڭگو − ارگەنتينا گۋمانيتارلىق اۋىس - كۇيىس جوعارى دەڭگەيلى تالقى مىنبەرى سول كۇنى بەيجيڭدە وتكىزىلدى، نەگىزگى تاقىرىبى: ”مەديالاردىڭ اۋىس - كۇيىسىن تەرەڭدەتىپ، حالىققا يگىلىك جاراتۋعا بىرگە ۇمتىلۋ“، جۇڭگو ورتالىق راديو - تەلەۆيزيا باس ستانسياسى مەن ارگەنتينا الەۋمەتتىك مەديا مەملەكەت ىستەرى حاتشىلار كەڭسەسى بىرلەسىپ ۇيىمداستىرعان.
