− پارتيا مەن مەملەكەت باسشىلارىنىڭ پارتيا 20 - قۇرىلتايىنىڭ ۋاكىلى بولىپ سايلانعاندىعى جونىندە ەستەلىك
شينحۋا اگەنتتىگىنىڭ تىلشىلەرى
پارتيانىڭ جۇرەك قالاۋى، حالىقتىڭ اڭساعانى ورىندالىپ، بارشا جۇرتتىڭ كۇتكەن ۇمىتىنەن شىقتى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، پارتيا 20 - قۇرىلتايىنىڭ ۋاكىلدەرىن سايلاۋ قىزمەتى ءساتتى اياقتادى. بۇكىل ەلدەگى 38 سايلاۋ ورنى جەكە - جەكە پارتيا قۇرىلتايىن نەمەسە پارتيا ۋاكىلدەرى ءماجىلىسىن اشىپ، پارتيا 20 - قۇرىلتايىنا قاتىناساتىن ۋاكىلدەردى سايلاپ شىقتى. باس شۋجي شي جينپيڭ جانە پارتيا مەن مەملەكەتتىڭ باسقا دا 51 پارتيالى باسشى جولداسى پارتيا ورتالىق كوميتەتى كورسەتكەن ۋاكىل كانديدات رەتىندە، تۇگەلدەي پارتيا 20 - قۇرىلتايىنىڭ ۋاكىلى بولىپ سايلاندى.
پارتيا مەن مەملەكەت باسشىلارىنىڭ سايلانۋى − بۇكىل پارتيانىڭ ەرىك - جىگەرىنىڭ ۇيىسۋى، پارتيانىڭ بەكىمىنىڭ، حالىقتىڭ رايىنىڭ بەينەلەنۋى، بۇكىل ەلدەگى پارتيا مۇشەلەرىنىڭ، كادرلاردىڭ، بۇقارانىڭ شي جينپيڭ جولداستى ۇيتقى ەتكەن پارتيا ورتالىق كوميتەتىن شىن پەيىلمەن قولدايتىندىعىن، جۇڭگونىڭ وسى 10 جىلداعى ۇلى وزگەرىسىن، ۇلى تابىسىن تولىق تۇراقتاندىرعاندىعىن، جۇڭگوشا سوتسياليزمنىڭ تىڭ جەڭىسىنە قول جەتكىزۋگە دەگەن كوكەي تەستى ارمانىن تولىق ايگىلەدى.
پارتيا مەن مەملەكەت باسشىلارىنىڭ سايلاۋعا قاتىناسۋى، پارتيا 20 - قۇرىلتايىنىڭ ۋاكىلى بولىپ سايلانۋى پارتيا ىشىندە دەموكراتيانى تولىق ساۋلەلەندىرىپ، تاماشا ساياسي باعدار ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ جاڭا ستيلىن، وبرازىن اناعۇرلىم ايگىلەپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ سەنىمىن، بەكىمىن ايرىقشا تاسقىنداتتى.
ورتاق تىلەك: پارمەندى ۇيتقى ميلليارد حالىقتىڭ شىن جۇرەكتەن قادىرلەۋىنە بولەندى
بۇل تاريحقا جازىلاتىن ءسات −
2022 - جىلى 4 - ايدىڭ 22 - كۇنى، گۋاڭشي حالىق سارايىنىڭ زالىندا شامدار جاقۇتتاي جارقىراپ تۇر. ءتوراعالار مىنبەسىنىڭ جوعارعى جاعىنا ”جۇڭگو كوممۋنيستىك پارتياسى گۋاڭشي جۋاڭزۋ اۆتونوميالى رايوندىق ۋاكىلدەر ءماجىلىسى“ دەگەن ءماجىلىس بەلگىسى ىلىنگەن، شىمىلدىقتىڭ ءدال ورتاسىنداعى التىن رەڭدى پارتيا گەربى نۇر - شۇعىلا شاشىپ تۇر، 10 قىزىل تۋ ەكى جاعىنا ءبولىنىپ قويىلعان.
تۇستەن بۇرىن ساعات 11 مولشەرىندە، ءماجىلىس شي جينپيڭ جولداستىڭ تولىق داۋىسپەن پارتيا 20 - قۇرىلتايىنىڭ ۋاكىلى بولىپ سايلانعاندىعىن جاريالادى. ءماجىلىس الاڭىندا بارلىق ۋاكىلدەر ورىندارىنان تۇرىپ، ۇزاققا دەيىن قىزۋ قول شاپالاق سوقتى.
666 ۋاكىل، 666 سايلاۋ بەلەتى گۋاڭشيدەگى 2 ميلليون 500 مىڭنان استام پارتيا مۇشەسىنىڭ، 150 مىڭنان استام نەگىزگى ساتى پارتيا ۇيىمىنىڭ ورتاق تىلەگىن ۇيىستىرىپ، 57 ميلليون گۋاڭشي پەرزەنتتەرىنىڭ باس شۋجي شي جينپيڭدى شىن پەيىلىمەن قاستەرلەيتىندىگىن تولىق ايگىلەپ، ميلليارد حالىقتىڭ شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، قايراتتانا ۇمتىلىپ، ەرلىكپەن شىنايى ىستەپ، اناعۇرلىم تاماشا بولاشاققا جول اشقان ورتاق ەرىك - جىگەرى مەن باتىل بەكىمىن تولىق بەينەلەدى.
پارتيا 18 - قۇرىلتايىنان بەرگى وسى 10 جىل پارتيا مەن مەملەكەت ىستەرىنىڭ دامۋ اياق الىسىندا اسا ايرىقشا، اسا وزگەشە بولدى، پارتيا ءدوپ كەلگەن جاعدايدىڭ، ورتانىڭ كۇردەلىلىگى مەن قاتاڭدىعى، ارقالاعان مىندەتىنىڭ اۋىرلىعى مەن جاپالىلىعى دۇنيە جۇزىندە سيرەك كەزدەسەدى، تاريحتا سيرەك كەزدەسەدى.
باس شۋجي شي جينپيڭ ماركسيزمدىك ساياساتكەرگە، ويشىلعا، ستراتيككە ءتان ايبىندى جىگەرىمەن، اسقان كورەگەندىگىمەن، ۇلى جوسپارمەن ەل ءىشى - سىرتى كەلەلى جاعدايىن جوبالاپ، رەفورمانى، دامۋدى، ورنىقتىلىقتى، ىشكى ءىستى، ديپلوماتيانى، مەملەكەت قورعانىسىن، پارتيانى باسقارۋ، مەملەكەتتى باسقارۋ، ارميانى باسقارۋ قىزمەتتەرىن ىلگەرىلەتىپ، ءىرى پارتيا، ءىرى ەل كوسەمىنىڭ ساياسي اقىل - پاراساتىن، ستراتەگيالىق تاباندىلىعىن، بورىشىن، جاۋاپكەرشىلىگىن، حالىققا دەگەن ىنتا - ىقىلاسىن، باسشىلىق ونەرىن تولىق ايگىلەدى.
گۋاڭشيدەگى ءار ۇلت كادرلارى مەن بۇقارا مىنالاردى ءبىلدىردى: پارتيا مەن مەملەكەت ىستەرىندە تاريحي تابىستارعا قول جەتكىزۋدىڭ، تاريحي وزگەرىستەر تۋىلۋىنىڭ ەڭ ءتۇبىرلى سەبەبى باس شۋجي شي جينپيڭنىڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولىپ رول ۇستاپ، جول باستاعاندىعىندا، شي جينپيڭ جاڭا ءداۋىر جۇڭگوشا سوتسياليزم يدەياسىنىڭ عىلمي جەتەكشىلىك ەتكەندىگىندە.
جاڭا ءداۋىردىڭ 10 جىلىندا 1000 جىلدىق دوڭگەلەك داۋلەت ارمانى رەالدىققا اينالىپ، مۇلدەم كەدەيلىك ماسەلەسى تاريحي سيپاتتى شەشىم تاپتى، ەكونوميكالىق دامۋدىڭ بىركەلكىلىگى، سايكەسىمدىلىگى، باياندىلىعى كورنەكتى كۇشەيدى، قورشاعان ورتانىڭ لاستانۋى تۇبەگەيلى تەجەلدى، شىرىكتەسۋگە قارسى تۇرۋ كۇرەسى ۇستەم جەڭىسكە قول جەتكىزدى ءارى جان - جاقتى بەكەمدەلدى... ليڭناننىڭ بايتاق دالاسىنان سولتۇستىكتەگى قارلى مەكەنگە دەيىن، باتىستاعى ۇستىرتتەن شىعىستاعى تەڭىز جاعالاۋىنا دەيىن ومىرشەڭدىك كۇشكە تولى، كوركەيىپ - گۇلدەنگەن وتانىمىزدىڭ كوركەم كورىنىسى جۇڭحۋانىڭ بايتاق دالاسىندا ايشىقتالا باستادى.
شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، جاڭا ءداۋىردىڭ 10 جىلىنداعى ۇلى وزگەرىس پارتيا تاريحىندا، جاڭا جۇڭگو تاريحىندا، رەفورما جاساۋ، ەسىك اشۋ تاريحىندا، سوتسياليزمنىڭ دامۋ تاريحىندا، جۇڭحۋا ۇلتىنىڭ دامۋ تاريحىندا بەلەستىك مانگە يە.
كەدەيلىكتەن ارىلتۋدان قامال الۋداعى مەملەكەتىك وزات جەكە، گۋاڭشي رۇڭشۇي اۋدانى جياڭمىن قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى ياڭ نيڭ ءوزىنىڭ باس شۋجي شي جينپيڭگە قاسيەتتى ءبىر بەلەتىن تاستاعان كەزدى ەسىنە الىپ بىلاي دەدى: ”باس شۋجي شي جينپيڭنىڭ كوڭىل بولۋىندە، قامقورلىق جاساۋىندا، تۇرمىسىمىز بارعان سايىن جاقسارىپ، ءتىپتى دە باقىتتى، تاماشا تۇرمىسقا كۇش سالا ۇمتىلىپ جاتىرمىز. باس شۋجي شي جينپيڭنىڭ تولىق داۋىسپەن سايلانۋى ءداۋىردىڭ تالعامى، تاريحتىڭ تالعامى، ونان دا ماڭىزدىسى، ءبىز بۇقارانىڭ شىن جۇرەكتەن شىققان تالعامى“.
”قايراتتانايىق، قۇلشىنايىق، ۇزاق جورىققا تاعى اتتانايىق“!
2021 - جىلى 4 - ايدا ”14 - بەسجىلدىق“ باستالۋ قارساڭىندا، باس شۋجي شي جينپيڭ گۋاڭشيگە بارىپ قىزمەت تەكسەرىپ، قىستاقتارعا كىرىپ، كاسىپورىنداردى ارالاپ، ەكولوگيانى كوزدەن كەشىرىپ، حالىق تۇرمىسىن سۇراستىرىپ، گۋاڭشيدەگى قالىڭ كادرلار مەن بۇقارانى قايراتتاندىرىپ، جىگەرلەندىرىپ، جاڭا داۋىردەگى جاڭا جورىقتاعى گۋاڭشيدىڭ جوعارى ساپالى دامۋىنا ايقىن العا باسۋ بەتالىسىن كورسەتتى.
باس شۋجي شي جينپيڭنىڭ پارتيا 20 - قۇرىلتايىنىڭ ۋاكىلى بولىپ سايلانعان حابار گۋاڭشي لىيە اۋدانى بايني قىستاعىنا جەتتى، بۇل ارا ”1 - شىلدە وردەنىنىڭ“ يەگەرى حۋاڭ ۋىنشيۋدىڭ كوزى تىرىسىندە كۇرەس جۇرگىزگەن جەر.
”حۋاڭ ۋىنشيۋدىڭ بالاباقشا سالۋ ارمانى جۇزەگە استى، قىستاقتىڭ قۇمشەكەر ماندارين، ماي بۇرگەن سياقتى كاسىپ سالاسى ءتىپتى دە گۇلدەندى“. جۇمىستى جالعاستىرعان قىستاقتا تۇراتىن ءبىرىنشى شۋجي حۋاڭ شۇي تەك ءبىر نيەتپەن باس شۋجيگە، پارتيا ورتالىق كوميتەتىنە ىلەسسەك بولعانى، ءبىز بۇقارا، ءسوز جوق، جاقسى تۇرمىس كەشىرىپ، جۇڭحۋا ۇلتىنىڭ ۇلى گۇلدەنۋى، ءسوزسىز، جۇزەگە اسادى دەپ كامىل سەنەدى.
ءبىر ينتەرنەت پايدالانۋشى بىلاي دەپ لەبىز قالدىردى: باس شۋجي شي جينپيڭ قالىڭ پارتيا مۇشەلەرى مەن بۇقارانىڭ كوڭىلىندەگى ”ءبىرىنشى ۋاكىل“، باس شۋجيدىڭ تولىق داۋىسپەن سايلانۋى ”حالىق كوسەمىنىڭ حالىقتى ءسۇيۋىنىڭ، حالىق كوسەمىن حالىقتىڭ ءسۇيۋىنىڭ“ جاندى بەينەسى.
ءمان - ماعىناسى تەرەڭ: پارتيا مەن مەملەكەت باسشىلارىنىڭ سايلاۋعا قاتىناسۋى ۇلگى كورسەتۋ، جەتەكشىلىك ەتۋ ونىمدىلىگىن قالىپتاستىردى
2017 - جىلى 4 - ايدا جاپپاي دوڭگەلەك داۋلەتتىلىكتىڭ شەشۋشى جەڭىسىنىڭ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى مەزگىلىندە باس شۋجي شي جينپيڭ گۇيجوۋدا سايلاۋعا قاتىناسىپ، پارتيا 19 - قۇرىلتايىنىڭ ۋاكىلى بولىپ سايلاندى.
5 جىلدان كەيىن وسىزاماندانۋدىڭ جاڭا جورىعىنا قادام تاستاعان ماڭىزدى تۇيىندە، باس شۋجي شي جينپيڭ گۋاڭشيدە سايلاۋعا قاتىناسىپ، پارتيا 20 - قۇرىلتايىنىڭ ۋاكىلى بولىپ سايلاندى.
ىقىلاستى قامقورلىق پەن زور ىنتالاندىرۋدىڭ استارىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ تەرەڭ ساياسي تولعامى جاتىر.
2021 - جىلى 11 - ايدا پارتيا ورتالىق كوميتەتى «جۇڭگو كوممۋنيستىك پارتياسى ورتالىق كوميتەتىنىڭ پارتيا 20 - قۇرىلتايىنىڭ ۋاكىلدەرىن سايلاۋ قىزمەتى جونىندەگى حابارلاندىرۋىن» باسىپ تاراتىپ، پارتيا 20 - قۇرىلتايىنىڭ ۋاكىلدەرىن سايلاۋ قىزمەتى تۋرالى جان - جاقتى ورنالاستىرۋ جاسادى. پارتيا ىشىندەگى قاتىستى بەلگىلەمە جانە «حابارلاندىرۋ» رۋحى بويىنشا، پارتيا مەن مەملەكەت باسشىلارىنان 52 ادام پارتيا ورتالىق كوميتەتى كورسەتكەن پارتيا 20 - قۇرىلتايىنىڭ ۋاكىل كانديداتى رەتىندە، جەكە - جەكە قاتىستى سايلاۋ ورىندارىنىڭ سايلاۋىنا قاتىناستى.
ايقىن ساياسي باعدار ورناتىپ، كۇشتى ساياسي جاۋاپكەرشىلىك ارقالاۋدى ايگىلەدى.
بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە، پارتيا مەن مەملەكەت باسشىلارى، اسىرەسە، باس شۋجي شي جينپيڭ جانە ورتالىق كوميتەت ساياسي بيۋروسى تۇراقتى كوميتەتىندەگى وزگە جولداستار باس بولىپ شەكاراداعى ۇلتتىق ءوڭىر، توڭكەرىستىك بايىرعى رايون جانە اۋىل - قىستاقتى گۇلدەندىرۋ سياقتى مەملەكەتتىڭ ماڭىزدى دامۋ ستراتەگياسىن اتقارىپ وتىرعان ءتۇيىندى ولكەلەرگە بارىپ سايلاۋعا قاتىناسىپ، باسشى كادرلارعا ونەگە كورسەتىپ، ۇلگى كورسەتۋ، جەتەكشىلىك ەتۋ ونىمدىلىگىن قالىپتاستىردى.
قوسىمشا ولكەلىك، رايوندىق، قالالىق پارتكوم شۋجيى نەمەسە وزگە سايلاۋ ورىندارى قىزمەت كوميتەتىنىڭ (پارتكوم) شۋجيى مىندەتىن وتەپ وتىرعان باسشى جولداستار وزدەرى تۇرعان ولكە، رايون، قالانىڭ نەمەسە قىزمەت كوميتەتىنىڭ (پارتكوم) شۋجيى مىندەتىن ارقالاپ وتىرعان سايلاۋ ورىندارىندا سايلاۋعا قاتىناسادى، از ۇلت باسشى جولداستار ادەتتە قاتىستى ۇلتتىق اۆتونوميالى رايوندا سايلاۋعا قاتىناسادى، ارميانىڭ باسشى جولداستارى ازاتتىق ارميا جانە قارۋلى ساقشى بولىمىندە سايلاۋعا قاتىناسادى. وزگە باسشى جولداستار پرينسيپ جاقتا ءوز مەكەنىندە، كەزىندە قىزمەت ىستەگەن جەردە نەمەسە كەزىندە قىزمەت ىستەگەن ورىندا سايلاۋعا قاتىناسپايدى.
باس شۋجي شي جينپيڭ گۋاڭشيدە پارتيا 20 - قۇرىلتايىنىڭ ۋاكىلى بولىپ سايلانعاننان كەيىن، ورتالىق كوميتەت ساياسي بيۋروسىنىڭ تۇراقتى مۇشەلەرى لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، مەملەكەتتىڭ ورىنباسار ءتوراعاسى ۋاڭ چيشان جەكە - جەكە گانسۋ، سىچۋان، شيزاڭ، گۇيجوۋ، ىشكى موڭعۇل، حاينان، جياڭسۋدا پارتيا 20 - قۇرىلتايىنىڭ ۋاكىلى بولىپ سايلاندى. پارتيا مەن مەملەكەتتىڭ باسقا دا پارتيالى باسشى جولداستارى دا ىركەس - تىركەس قاتىستى سايلاۋ ورىندارىندا پارتيا 20 - قۇرىلتايىنىڭ ۋاكىلى بولىپ سايلاندى.
پارتيا مەن مەملەكەت باسشىلارىنىڭ قاتىستى سايلاۋ ورىندارىندا سايلانۋى جانە ۇيىرمەگە ءبولىنىپ تالقىعا قاتىناسۋىنىڭ ءمانى كەلەلى، ءمان - ماعىناسى تەرەڭ:
شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋعا پايدالى؛
پارتيانى جاپپاي قاتاڭ باسقارۋ تالابىن تياناقتاندىرىپ، جاڭا جاعدايداعى پارتيانىڭ ىشكى ساياسي تۇرمىسىن كۇشەيتىپ جانە جۇيەلىلەندىرىپ، تاماشا ساياسي ەكولوگيا قالىپتاستىرۋعا پايدالى؛
قىزمەت جەتەكشىلىگىن كۇشەيتىپ، جاڭا دامۋ كەزەڭىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ ارناسىن قالىپتاستىرىپ، جوعارى ساپالى دامۋدى ىلگەرىلەتىپ، مەملەكەتتىڭ كەلەلى دامۋ ستراتەگياسىن اتقارۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا پايدالى؛
پارتيا مۇشەلەرىمەن، بۇقارامەن تىعىز بايلانىس ورناتىپ، كەڭ كولەمدە پىكىر تىڭداپ، جاڭا ستيل مەن وبرازدى اناعۇرلىم ايگىلەۋگە پايدالى.
قالىڭ كادرلار مەن بۇقارا مىنالاردى ءبىلدىردى: باس شۋجي شي جينپيڭنىڭ شەكاراداعى ۇلتتىق وڭىردە سايلاۋعا قاتىناسۋى پارتيا ورتالىق كوميتەتىنىڭ شەكاراداعى ۇلتتىق وڭىرلەرگە كوڭىل ءبولىپ، ايرىقشا قامقورلىق جاساعاندىعىن ايگىلەدى، پارتيا ىشىندەگى دەموكراتيانى ونەگەلىلىكپەن امالياتتا ايگىلەگەن، پارتيانى جاپپاي قاتاڭ باسقارۋ تالابىن ءوزى باس بولىپ اتقارعان وسكەلەڭ قاسيەتىن ايگىلەدى، مەملەكەتتىڭ كەلەلى دامۋ ستراتەگياسىن اتقارۋدى ىلگەرىلەتۋ، جاپپاي سوتسياليستىك وسىزاماندانعان مەملەكەت قۇرۋ جونىنەن ماڭىزدى بەتالىستىق مانگە يە. پارتيا مەن مەملەكەت باسشىلارىنىڭ سايلاۋعا قاتىناسۋى ءار دارەجەلى پارتيا ۇيىمدارىن جانە قالىڭ پارتيالى كادرلاردى پارتيا ۋستاۆىن قاستەرلەپ، پارتيا ۋستاۆىنا بويسۇنىپ، ساياسي شىڭدالۋدان، پارتيالىلىق شىنىعۋدان ءوتىپ، ساياسي تارتىپكە، ساياسي قاعيداعا قاتاڭ بويسۇنۋعا جەتەكشىلىك ەتتى، پارتيا ىشىندەگى دەموكراتيانى ساۋلەلەندىرۋگە تاباندى بولۋدىڭ، جاڭا جاعدايداعى پارتيانىڭ ىشكى ساياسي تۇرمىسىن كۇشەيتۋدىڭ جانە جۇيەلىلەندىرۋدىڭ جاندى امالياتى.
بارشا جۇرت ءبىر نيەتپەن جۇمىلدى: جاڭا جورىقتا ەكپىندەي ىلگەرىلەۋدىڭ تەلەگەي كۇشىن ۇيىستىردى
باس شۋجي شي جينپيڭنىڭ جانە پارتيا مەن مەملەكەتتىڭ باسقا دا باسشىلارىنىڭ پارتيا 20 - قۇرىلتايىنىڭ ۋاكىلى بولىپ سايلانعان حابارى بايتاق جۇڭگو دالاسىنا تارالىپ، قالىڭ كادرلار مەن بۇقارا اراسىندا قىزۋ اڭىس قوزعادى.
جۇرت جۇرەگىن مەيىرگە بولەگەن وسى تەرەڭ سۇيىسپەنشىلىك، قامقورلىق ءىس تىندىرىپ، ناتيجە شىعارۋدىڭ تاسقىنداعان ىنتاسىن قاۋلاتتى −
گۋاڭشي ناننيڭ قالاسى لۇڭان اۋدانى نانيۇي قالاشىعى ورتالاۋ مەكتەبىنىڭ ورىنباسار مەكتەپ باستىعى لين يۇيچيڭ مىنانى ءبىلدىردى: باس شۋجيدىڭ گۋاڭشيدە سايلاۋعا قاتىناسۋى ءبىز جونىنەن وراسان زور شابىتتاندىرۋ، بۇدان كەيىن ءبىز باس شۋجيدىڭ، پارتيا ورتالىق كوميتەتىنىڭ ءۇمىتىن اقتاپ، ءوز قىزمەتىمىزدى ۇزدىكسىز جاقسى ىستەپ، از ۇلت وڭىرلەرىنىڭ وقۋ - اعارتۋ ىستەرىن ىلگەرىلەتۋ ءۇشىن كۇش - قۋاتىمىزدى ارنايمىز.
”پارتيا مەن مەملەكەت باسشىلارى ءبىز شەكارا حالقىن كوڭىلىندە ساقتادى، مەن لوبا ۇلتىنىڭ پارتيانىڭ ابزال ساياساتىنىڭ جەتەكشىلىگىندە ءوندىرىس، تۇرمىستارىندا وراسان زور وزگەرىس تۋىلعاندىعىنا ءوز كوزىممەن كۋا بولدىم، ءبىز لوبا ۇلتى بۇقاراسىنىڭ باس شۋجيگە، پارتياعا دەگەن العىس سەزىمىمىز شەكسىز“، - دەدى شيزاڭ ميلين اۋدانى نان - ي لوبا ۇلتى اۋىلى نان - ي قىستاعى ايەلدەر بىرلەستىگىنىڭ ءتوراعاسى ياشيا.
”باس شۋجي شي جينپيڭنىڭ تولىق داۋىسپەن پارتيا 20 - قۇرىلتايىنىڭ ۋاكىلى بولىپ سايلانۋى ءار ۇلت بۇقاراسىنىڭ حالىق كوسەمىن ادالدىقپەن قولدايتىندىعىن، شىن پەيىلمەن قاستەرلەيتىندىگىن ايگىلەدى“. ىشكى موڭعۇل حۇلۇنبەر قالاسى مولداۋا داعۇر اۆتونوميالى حوشۇنى ۇلانمۇچۇر اترەتىنىڭ مۇشەسى جينكىلىنارى بىلاي دەدى: ”باس شۋجي ءبىزدى ماڭگى ساحاراداعى ’قىزىل ادەبيەت - كوركەمونەر اتتى اسكەرلەرى‘ بولۋعا جىگەرلەندىردى، ءبىز ۇزدىكسىز قۇتتى مەكەنگە تامىر تارتىپ، تۇرمىس كەشىرىپ، بۇقاراعا جاناسىمدى ءتىپتى دە كوپ تارتىمدى تۋىندىلارمەن پارتيانىڭ تاماشا ءۇنىن كەڭ ساحارانىڭ بارلىق جەرىنە تاراتامىز“.
بۇل ءبىر رەتكى جوعارى تومەنگە باستاماشى بولعان ۇلگىلى جەتەكتەۋ بولىپ، پارتيانىڭ ىشكى ساياسي تۇرمىسىن كۇشەيتۋدە جانە جۇيەلىلەندىرۋدە ونەگە، ۇلگى ورناتتى −
گانسۋ لانجوۋ قالاسى چىڭگۋان رايونى باييىنلۋ ءمالىسى پارتيا قىزمەتى كوميتەتىنىڭ شۋجيى ليۋ لان - ي مىنالاردى ءبىلدىردى: ”باس شۋجي شي جينپيڭنىڭ جەرگىلىكتى ورىنعا كەلىپ سايلاۋعا قاتىناسۋى ءارى ۇيىرمەگە ءبولىنىپ تالقىعا قاتىناسۋى جاڭا داۋىردەگى پارتيانىڭ بۇقارالىق لۋشيانىن دايەكتىلەندىرۋدىڭ جاندى تۇسىندىرمەسى. باس شۋجي شي جينپيڭنىڭ وسىنداي نەگىزگى ساتىنى ويلايتىن، حالىقتى ويلايتىن ىنتا - ىقىلاسى مەن ستيلىنەن ۇيرەنىپ، ءبىز حالىقتىڭ ۇنىنە شىن ىقىلاسپەن قۇلاق ءتۇرىپ، بار كۇش - قايراتىمىزبەن حالىقتى ۋايىمنان ارىلتىپ، بۇقارانىڭ شۇعىل ءىسىن، قيىن ءىسىن ءوز ىسىمىزدەي بىتىرەمىز“.
”پارتيا مەن مەملەكەت باسشىلارىنىڭ جەرگىلىكتى ورىنعا كەلىپ سايلاۋعا قاتىناسۋى قالىڭ پارتيا مۇشەلەرىنە ’پارتيانىڭ قاتاڭ ىشكى ساياسي تۇرمىسى‘ پارتيا ساباعىن وتكەندىك“. مەملەكەتتىك تاڭداۋلى اۋداندىق پارتكوم شۋجيى، گۇيجوۋ تۇڭرىن قالالىق پارتكومنىڭ تۇراقتى مۇشەسى، ۋانشان رايوندىق پارتكومنىڭ شۋجيى تيان يان بىلاي دەدى: ”ءبىز «جاڭا جاعدايداعى پارتيانىڭ ىشكى ساياسي تۇرمىسى جونىندەگى ءبىرقانشا ولشەم» سياقتى تۇزىمدەردى مۇقيات تياناقتاندىرىپ، قاتاڭ دا مۇقيات تۇردە پارتيانىڭ ىشكى ساياسي تۇرمىسىن پارتيالىلىقتى شىڭايتىن ”دومنا پەشكە“، پارتيا ستيلىن تازارتاتىن ”تازارتقىشقا“، ماسەلەنى شەشەتىن ”التىن كىلتكە“ اينالدىرىپ، ستيلى پاك، سالتى دۇرىس ساياسي ەكولوگيا قالىپتاستىرۋعا ۇلەس قوسامىز“.
بۇل بولاشاققا بەت العان يدەيالىق جۇمىلدىرۋ بولىپ، جاڭا داۋىردەگى جاڭا جورىقتا ەكپىندەي ىلگەرىلەۋدىڭ كۇش - قۋاتىن ۇيىستىردى −
”پارتيا 20 - قۇرىلتايىنىڭ ۋاكىلىن سايلاۋ بارىسىنىڭ ءوزى ءبىر رەتكى تەرەڭ يدەيالىق سىننان ءوتۋ، قالىڭ پارتيالى كادرلار وسى رەتكى سايلاۋدان ”پارتيا ورتالىق كوميتەتىندە ۇيتقى، بۇكىل پارتيادا ۇيتقى بولعاندا عانا پارتيادا كۇش - قۋات بولاتىندىعىن“ ءتىپتى دە ايقىن سەزىندى. نانجيڭ اۆياتسيا، عارىش داشۋەسى ماركسيزم شۋەيۋانى پارتكومىنىڭ شۋجيى، پروفەسسور شۇي چۋان مىنانى ءبىلدىردى: اناعۇرلىم ”بۇقاراعا جاناسىمدى“ ەتىپ ءتۇسىندىرۋ ارقىلى قالىڭ جاس وقۋشىلاردىڭ جۇڭگو كوممۋنيستىك پارتياسىنىڭ باسشىلىعىن، جۇڭگوشا سوتسياليزمدى ساياسي جاقتان شىنايى مويىنداۋىن، يدەيالىق جاقتان شىنايى مويىنداۋىن، نازاريالىق جاقتان شىنايى مويىنداۋىن، سۇيىسپەنشىلىك جاقتان شىنايى مويىنداۋىن ۇزدىكسىز كۇشەيتۋىمىز كەرەك.
4 جىلدان استام ۋاقىتتىڭ الدىندا، باس شۋجي شي جينپيڭ حايناندا قىزمەت تەكسەرگەندە ”ەلىمىزدىڭ تۇقىم شارۋاشىلىعىن دامىتۋعا بەل بايلاۋدى“ تاپسىردى. تالاي جىل حايناننىڭ سانياسىندا كۇرىشتى وڭتۇستىكتە كوبەيتىپ، ساپالى تۇقىم جەتىلدىرۋ قىزمەتىمەن شۇعىلدانعان زەرتتەۋشى يوۋ جاۋ مىنانى ءبىلدىردى: ”عىلمي زەرتتەۋ قىزمەتىن مەملەكەتتىڭ استىق حاۋىپسىزدىگى كەلەلى جاعدايىمەن ۇشتاستىرىپ، باس شۋجي شي جينپيڭنىڭ، پارتيا ورتالىق كوميتەتىنىڭ عىلمي زەرتتەۋ قىزمەتكەرلەرىنە دەگەن كوڭىل بولۋىنە، قامقورلىعىنا اناعۇرلىم جاقسى قىزمەت ناتيجەسىمەن جاۋاپ قايتارامىز“.
”ءبىز باس شۋجي شي جينپيڭنىڭ باسشىلىعىندا، كوپشىلىكتىڭ كۇندەرىنىڭ ءتىپتى دە ۇمىتكە تولاتىندىعىنا سەنەمىز“. ”ءبىر قادامدا - اق مىڭ جىلدىق سەكىرۋدى جۇزەگە اسىرعان“ شياۋلياڭشاننىڭ قويناۋىنداعى سىچۋان لىشان قالاسى مابيان يزۋ اۆتونوميالى اۋدانى شۋەفىڭ قىستاعىنداعى ”90 - جىلدان كەيىن تۋعان“ قىستاق پارتيا ياچەيكاسىنىڭ شۋجيى ليكى لۇڭلۇڭنىڭ بولاشاققا سەنىمى مىعىم، ”جاڭا جورىقتا ءبىز جاستار نەگىزگى ساتىعا تامىر تارتىپ، اۋىل - قىستاقتى گۇلدەندىرۋ ۇلى ىسىنە ءوزىمىزدىڭ جاستىق كوكتەمىمىز بەن كۇش - قۋاتىمىزدى ارناۋىمىز كەرەك“.
قالىڭ كادرلار مەن بۇقارا ءبىر اۋىزدان مىنانى ءبىلدىردى: ”ەكىنى تۇراقتاندىرۋدىڭ“ شەشۋشى ءمانىن ىشكەرىلەي ءتۇسىنىپ، ”ەكىنى قورعاۋدى“ باتىل ورىنداپ، ۇيتقىعا ادال بولىپ، ۇيتقىنى قاستەرلەپ، ۇيتقىنى قولداپ، ۇيتقىنى قورعاپ، باس شۋجي شي جينپيڭنىڭ كوڭىل ءبولۋى مەن شابىتتاندىرۋىن ءىس تىندىرىپ، ناتيجە شىعارۋدىڭ قۋاتتى قوزعاۋشى كۇشىنە اينالدىرىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتپەن قارسى الامىز.
تۋ بەتالىسقا جەتەكتەيدى، بورىش كۇش - قۋات ۇيىستىرادى.
تاياۋدا اشىلاتىن پارتيا 20 - قۇرىلتايى بۇكىل پارتيا، بۇكىل ەلدەگى ءار ۇلت حالقى جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىنا قادام تاستاعان، ەكىنشى 100 جىلدىق كۇرەس نىساناسىنا شەرۋ تارتقان شەشۋشى ساتتە اشىلاتىن ءبىر رەتكى اسا ماڭىزدى قۇرىلتاي، كۇللى جۇرت اڭساپ، كۇللى الەم نازار اۋدارىپ وتىر.
پارتيا 20 - قۇرىلتايىنىڭ ۋاكىلدەرىن سايلاۋ قىزمەتىنىڭ ءساتتى اياقتاۋى پارتيا 20 - قۇرىلتايىنىڭ جەڭىسپەن اشىلۋىنا ماڭىزدى نەگىز قالادى. پارتيا مەن مەملەكەتتىڭ 52 باسشىسىن قامتىعان پارتيا 20 - قۇرىلتايىنىڭ ۋاكىلدەرى بۇكىل پارتياداعى 96 ميلليوننان استام پارتيا مۇشەلەرىنىڭ، 4 ميلليون 900 مىڭنان استام نەگىزگى ساتى پارتيا ۇيىمىنىڭ ماڭىزدى تاپسىرماسىن باتىلدىقپەن ارقالاپ، پارتيا 20 - قۇرىلتايىنا قاتىناسىپ، پارتيا مەن مەملەكەتتىڭ بولاشاق دامۋىنا ساياتىن ءبىر قىدىرۋ كەلەلى ماسەلەلەردى تالقىلاپ جانە بەلگىلەپ، جاپپاي سوتسياليستىك وسىزاماندانعان مەملەكەت قۇرۋدىڭ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋدىڭ تەلەگەي كۇشىن ۇيىستىرادى.
