ورتالىق ۇگىت ءبولىمى، ورتالىق وركەنيەت كەڭسەسى، مەملەكەتتىك باس جۇمىسشى ۇيىمى، كوممۋنيستىك جاستار وداعى ورتالىق كوميتەتى، مەملەكەتتىك ايەلدەر بىرلەستىگى، ورتالىق اسكەري ىستەر كوميتەتىنىڭ ساياسي قىزمەت ءبولىمى 3 – ايدىڭ 28 – كۇنى بەيجيڭدە تەلەۆيزور – تەلەفون ءماجىلىسىن اشىپ، 7 – كەزەكتى مەملەكەتتىك ءمورال ۇلگىلەرىن باعالاۋ، ماداقتاۋ قيمىلىن باستاۋ جونىنەن ورنالاستىرۋ جاساپ، ءمورال ۇلگىلەرىن ۇگىتتەۋ، ولاردان ۇيرەنۋ قيمىلىن كەڭ كولەمدە ورىستەتىپ، ءمورالعا ءمان بەرۋدى، قۇرمەت ەتۋدى، بويسۇنۋدى دارىپتەپ، تۇتاس قوعامدا ءمورالدى قاستەرلەپ، ىزگىلىككە تالپىنۋ، تالانتتىلارعا تەڭەلۋگە ۇمتىلۋ، ءمورالدىلار بارلىق جەردە قۇرمەتكە بولەنۋ اۋانىن قويۋلاتىپ، جاڭا داۋىردەگى سوتسياليستىك يدەيا - ءمورال قۇرىلىسىنىڭ تىڭ ىلگەرىلەۋشىلىك، سونى تابىستارىمەن جاڭا جۇڭگو قۇرىلعانىنىڭ 70 جىلدىعىن قارسى الۋدى تالاپ ەتتى.
ماجىلىستە مىنالار دارىپتەلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ سوتسياليستىك رۋحاني وركەنيەت قۇرىلىسىن، اسىرەسە، يدەيا - ءمورال قۇرىلىسىن كۇشەيتۋ جونىندەگى ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردە ءمورال ۇلگىلەرىن باعالاۋ، ماداقتاۋدىڭ كەلەلى ءمانىن تولىق تانىپ، يدەيا - ءمورال قۇرىلىسىن ويداعىداي يگەرۋدەگى جاۋاپكەرلىك تانىمىن، بورىشتىلىق تانىمىن شىنايى كۇشەيتۋ كەرەك. ءمورال ۇلگىلەرىن باعالاۋ، ماداقتاۋدى جاڭا جۇڭگو قۇرىلعانىنىڭ 70 جىلدىعىن قۇتتىقتاۋعا تاماشا اۋان جاراتۋداعى ماڭىزدى شارا، جاڭا ءداۋىر ادامدارىن تاربيەلەپ، داۋىرلىك جاڭا سالتتى اسقاقتاتۋدىڭ ماڭىزدى تۇتقاسى، ءجۇز ميلليونداعان حالىقتى جاڭا ءداۋىردىڭ جورىعىنا اتتاندىرىپ، جۇڭگو ارمانىن ىسكە اسىرۋداعى ماڭىزدى دانەكەر ەتىپ، جۇيەلى ورنالاستىرۋ جاساپ، مۇقيات ۇيىمداستىرىپ اتقارۋ كەرەك. سوتسياليستىك وزەكتى قۇن كوزقاراسىنىڭ تالابىن جاپپاي بەينەلەپ، «بۇقارا باعالاۋ، بۇقارادان باعالاۋ» نەگىزگى تاسىلىنەن جازباي، قوسقان ۇلەسى زور، بۇقارانىڭ باعاسى جاقسى، كورنەكتى ىستەرىمەن جۇرتتى تامساندىرعان، اسقاق رۋحتى بەينەلەگەن، تيپتىك، ۇلگىلىك سيپاتى كۇشتى ءبىر توپ ءمورال ۇلگىسىن باعالاپ شىعۋ كەرەك. ءمورال ۇلگىلەرىن بارىنشا ۇگىتتەپ، ولارعا قۇرمەت كورسەتىپ، قامقورلىق جاساپ، ءمورال اماليات قيمىلىن كەڭ كولەمدە ورىستەتىپ، باعالاۋ، ماداقتاۋ بارىسىن ۇلگىلەردىڭ ىزگى ىستەرىن ۇگىتتەۋ، ۇلگىلەردىڭ قاسيەتىنەن ۇيرەنۋ، ۇلگىلەردىڭ رۋحىن امالياتتا ايگىلەۋ بارىسىنا اينالدىرىپ، جاڭا داۋىردەگى يدەيا - ءمورال قۇرىلىسىنىڭ جاڭا ورلەۋىن قوزعاۋ كەرەك.
