«حالىق گازەتى»، 3 – ايدىڭ 28 - كۇنى، حاينان بو - اۋ (تىلشىلەر چىن ۋەيگۋاڭ، جاڭ حۇيجۇڭ، ۋاڭ حۇي، ليۋ شۋۋىن). مەملەكەتتىك كەڭەستىڭ زۇڭليى لي كىچياڭ 3 - ايدىڭ 28 – كۇنى تۇستەن بۇرىن حايناننىڭ بو - اۋ قالاشىعىندا وتكىزىلگەن ازيا فورۋمىنىڭ 2019 – جىلعى جىلدىق ءماجىلىسىنىڭ اشىلۋ سالتىنا قاتىناستى ءارى «سايىسقا قول ۇستاسا توتەپ بەرىپ، ورتاق دامۋدى ىسكە اسىرايىق» دەگەن تاقىرىپتا ارقاۋ لەكسيا جاسادى. 60 نەشە مەملەكەت پەن رايوننان كەلگەن 2 مىڭنان استام ۇكىمەت، ونەركاسىپ - ساۋدا، عىلىم سالاسىنىڭ ۋاكىلى ماجىلىسكە قاتىناستى.
لي كىچياڭ مىنانى ءبىلدىردى: بو - اۋ ازيا فورۋمى ازياداعى، ءتىپتى دۇنيە جۇزىندەگى ىقپالدى جوعارى دەڭگەيدەگى سۇحپات تەكشەسىنە اينالدى. بىلتىر جۇڭگونىڭ مەملەكەت ءتوراعاسى شي جينپيڭ فورۋمنىڭ جىلدىق ماجىلىسىندە ارقاۋ لەكسيا جاسادى. بيىلعى جىلدىق ءماجىلىستىڭ باستى تاقىرىبى ــ «ورتاق تاعدىر، ورتاق قيمىل، ورتاق دامۋ». ءماجىلىستىڭ ازيا مەن دۇنيە ءجۇزىنىڭ بەيبت دامۋىنا بەلسەندى ۇلەس قوسۋىن ءۇمىت ەتەمىن.
لي كىچياڭ مىنانى ءبىلدىردى: قازىر حالىقارالىق جاعدايدا كۇردەلى دە تەرەڭ وزگەرىستەر تۋىلۋدا. دۇنيە ءجۇزى ەكونوميكاسىنىڭ باسەڭدەۋ قىسىمى سياقتى ورتاق سايىستان ەشقانداي مەملەكەت قاعىس قالمايدى. ءارقايسى جاق ورايدى ورتاق يگەرىپ، سىن - سايىستى قارسى الۋى، ءوزارا تيىمدىلىك جەتكىزىپ، سەلبەستىك جاساپ ورتاق يگىلىككە كەنەلۋدىڭ، كوپتەپ يگىلىككە كەنەلۋدىڭ جولىن قاراستىرۋى؛ ب م ۇ - نى ۇيىتقى ەتكەن حالىقارالىق جۇيەنى، ەرەجەنى نەگىز ەتكەن كوپ جاقتى ساۋدا ءتۇزىلىسىن قورعاۋى، ورتاق دامۋدى قول ۇستاسا جۇزەگە اسىرۋى؛ دۇنيە ءجۇزىن جنگە سالۋ جۇيەسى رەفورماسىن بەلسەنە ىلگەرىلەتۋى ءارى ونىڭ اناعۇرلىم ءادىل، ۇيلەسىمدى باعىتقا قاراي دامۋىن جەبەۋى كەرەك.
