بو – اۋ ازيا فورۋمىنىڭ 2019 – جىلعى جىلدىق ءماجىلىسى 3 – ايدىڭ 27 – كۇنى تۇستەن بۇرىن «ءبىر بەلدەۋ، ءبىر جول: جاھاندانۋعا ‹جول سالۋ›» اتىنداعى بولىمشە فورۋمىن وتكىزدى. ماجىلىسكە قاتىناسقان سيلى قوناقتار قايتكەندە جاھاندانۋدىڭ جۇمساق، قاتتى نەگىزدىك قۇرىلعىلارىن تىڭ ورەگە كوتەرۋگە بولادى، قايتكەندە الەۋمەتتىك ءونىم سانالاتىن «ءبىر بەلدەۋ، ءبىر جولدى» ويداعىداي قۇرىپ شىعۋعا بولادى دەگەن سياقتى تاقىرىپتاردى توڭىرەكتەي وتىرىپ ىشكەرىلەي، جان – جاقتى تالقى جۇرگىزدى.
وسى رەتكى بولىمشە فورۋمدى جۇڭگو حالىقارالىق ەكونوميكا، اۋىس – كۇيىس ورتالىعىنىڭ اعا زەرتتەرمەنى جاڭ يانشىڭ باسقاردى، «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى فورۋمى كەڭەس بەرۋ كوميتەتىنىڭ مۇشەسى شارم – شات احتار، ازيا نەگىزدىك قۇرىلعىلارعا قارجى قوسۋ بانكەسىنىڭ باس القاسى جين ليچۇن، ەۆروپا وداعى حاۋىپسىزدىك كوميتەتىنىڭ بۇرىنعى ءتوراعاسى، يتاليانىڭ بۇرىنعى پرەمەر مينيسترى پرودي، جۇڭگو قازىنا مينيسترلىگىنىڭ ورىنباسار مينيسترى زوۋ جيا – ي، رەسەيدىڭ بۇرىنعى پرەمەر مينيستىرى، رەسەي تابيعي گاز ونەركاسىپ جارنا سەرىكتىگىنىڭ باس القاسى زۋبكوۆ قاتارلى اكىمشىلىك، ساۋدا سالاسىنداعى قايراتكەرلەر ماجىلىسكە قاتىناسىپ، ءسوز سويلەدى.
