مەملەكەتتىك كەڭەس كەڭسەسى بىرنەشە كۇننىڭ الدىندا «ينجەنەريا، قۇرىلىس نىساندارىن تەكسەرىپ بەكىتۋ ءتۇزىمى رەفورماسىن جاپپاي ورىستەتۋ جونىندەگى اتقارۋ پىكىرىن» باسىپ تاراتتى.
«پىكىردە» بىلاي دەپ اتاپ كورسەتىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىقتى وزەك ەتۋدەن جازباي، جاڭا دامۋ ۇستانىمىن مىقتاپ ورناتىپ، ۇكىمەتتىڭ جونگە سالۋ جۇيەسى مەن جونگە سالۋ قۋاتىنىڭ وسىزاماندانۋىن ىلگەرىلەتۋدى نىسانا، كاسىپورىندار مەن بۇقارانىڭ ءىس بىتىرۋىنە بارىنشا قولايلىلىق جاراتۋدى باعىت ەتىپ، ۇكىمەت فۋنكتسياسىندا بۇرىلىس جاساۋ جانە ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ تەبىنىن ارتتىرىپ، ينجەنەريا، قۇرىلىس نىساندارىن تەكسەرىپ بەكىتۋ ءتۇزىمى رەفورماسىن جاپپاي ورىستەتۋ كەرەك.
«پىكىردە» مىناۋ ورتاعا قويىلدى: ينجەنەريا، قۇرىلىس نىساندارىن تەكسەرىپ بەكىتۋ تۇزىمىنە قاراتا جالپى اينالىس بويىنشا تۇتاس قامتۋ رەفورماسىن اتقارۋ كەرەك. 2019 – جىلدىڭ العاشقى جارتىسىندا ەل بويىنشا ينجەنەريا، قۇرىلىس نىساندارىن تەكسەرىپ بەكىتۋ ۋاقىتى 120 قىزمەت كۇنى ىشىندە بولۋعا ازايتىلادى، ولكە (اۆتونوميالى رايون) جانە ايماق دارەجەلى، سونداي – اق ودان جوعارعى دارەجەلى قالالاردا ينجەنەريا، قۇرىلىس نىساندارىن تەكسەرىپ بەكىتۋ ءتۇزىمىنىڭ جۇلگەسى جانە ينفورماتسيا ساندى مالىمەت تەكشەسى باستاپقى قادامدا قۇرىلادى؛ 2019 – جىلدىڭ سوڭىنا بارعاندا ينجەنەريا، قۇرىلىس نىساندارىن تەكسەرىپ بەكىتۋ باسقارۋ جۇيەسى قاتىستى تەكشەلەرمەن بايلانىستىرىلادى؛ تۇيىندە سىناق ەتىلگەن رايونداردا رەفورما ءۇرتىس تەرەڭدەتىلىپ، رەفورمادا جاڭالىق جاراتۋ تەبىنى ارتتىرىلىپ، تەكسەرىپ بەكىتۋ ونىمدىلىگى جوعارىلاتىلادى. 2020 – جىلدىڭ سوڭىنا بارعاندا ينجەنەريا، قۇرىلىس نىساندارىن تەكسەرىپ بەكىتۋدىڭ جانە باسقارۋدىڭ مەملەكەت بويىنشا ءبىر تۇتاس جۇيەسى نەگىزىنەن ورناتىلادى.
