مەملەكەتتىك كەڭەستىڭ زۇڭليى لي كىچياڭ 3 – ايدىڭ 25 – كۇنى تۇستەن كەيىن بەيجيڭدە جۇڭگونىڭ دامۋى جونىندەگى جوعارى دارەجەلى فورۋمنىڭ 2019 - جىلدىق ماجىلىسىنە قاتىناسقان شەكارا سىرتىنداعى ۋاكىلدەرمەن كەزدەستى ءارى ولارمەن اڭگىمە ءماجىلىسىن وتكىزدى. دۇنيە جۇزىندەگى 500 مىعىم كاسىپورىننىڭ جاۋاپتىلارى، حالىقاراداعى ايگىلى عىلمي زەرتتەۋ قۇرىلىمدارىنىڭ مامان – وقىمىستىلارى، باستى حالىقارالىق ۇيىمداردىڭ ۋاكىلدەرى قاتارلىلاردان 100 دەن استام ادام كەزدەسۋگە قاتىناستى.
دايملەر جارنالىق سەرىكتىگى باسقارۋ القاسىنىڭ ءتوراعاسى ديەتەر زەتچە، IBM سەرىكتىگىنىڭ باس القاسى ۆيرگينيا رومەتتي، BMW سەرىكتىگىنىڭ باس القاسى حارالد كرۋگەر، Pfizer سەرىكتىگىنىڭ باس اتقارۋشى ۇلىعى البەرت بوۋرلا، ريو تينتو توبىنىڭ باس اتقارۋشى ۇلىعى جاكچۋەس قاتارلى قۇرىلىم جاۋاپتىلارى ءسوز سويلەپ، وزدەرى نازار اۋدارىپ وتىرعان ماسەلەلەر جونىنەن لي كىچياڭعا سۇراۋ قويدى. لي كىچياڭ ءبىر – بىردەن جاۋاپ قايتاردى.
لي كىچياڭ بىلاي دەدى: شي جينپيڭ جولداس ۇيىتقى بولعان پارتيا ورتالىق كوميتەتىنىڭ باسشىلىعىندا، بۇكىل ەل حالقى ەرلىكپەن كۇرەس جاساعاندىقتان، بىلتىر جۇڭگونىڭ ەكونوميكالىق اينالىمى جالپى جاقتان ورنىقتى بولىپ، ورنىقتىلىق بارىسىندا ىلگەرىلەدى. جاڭا باسەڭدەۋ قىسىمى الدىندا ءبىز باجىنى كەمەيتۋ، اقىنى تومەندەتۋ، جاڭا قوزعاۋشى كۇشتى جەتىلدىرۋ جانە كۇشەيتۋ سياقتى توتەپ بەرۋ شارالارىن ۇزدىكسىز ىلگەرىلەتىپ، بازاردى ارقاۋ، رەفورما جاساپ، قاقپا اشۋدى قوزعاۋشى كۇش ەتىپ، بازاردىڭ ومىرشەڭدىك كۇشىن اناعۇرلىم تاسقىنداتىپ، باسەڭدەۋ قىسىمىنا، ءسوزسىز، توتەپ بەرىپ، ەكونوميكالىق اينالىمنىڭ ۇيلەسىمدى ارالىقتا بولۋىن، باياندى، اقاۋسىز دامۋىن ساقتايمىز.
