جاراتىلىستىق بايلىق مينيسترلىگىنىڭ ورىنباسار مينيسترى ۋاڭ گۋاڭحۋا 3 – ايدىڭ 25 – كۇنى بىلاي دەدى: 2020 – جىلدىڭ سوڭىنان بۇرىن جىلجىمايتىن مۇلىكتى تىزىمدەۋ ساپاسىن اناعۇرلىم جوعارىلاتۋمەن بىرگە، تىزىمدەۋ ۋاقىتى 5 قىزمەت كۇنى ىشىنە ىقشامدالادى.
ۋاڭ گۋاڭحۋا مەملەكەتتىك كەڭەستىڭ اقپارات كەڭسەسى وتكىزگەن «جىلجىمايتىن مۇلىكتى تىزىمدەۋ، رەسميات وتەۋ ۋاقىتىن ىقشامداۋ جونىندەگى ۇقتىرۋدى» حابارلاندىرۋ جيىنىندا بىلاي دەدى: قازىر بۇكىل مەملەكەت بويىنشا 3 مىڭ 14 قىزمەت وتەۋ زالى، 40 مىڭنان استام تەكشە، 80 مىڭنان استام تەكشە قىزمەتكەرى ءار كۇنى 400 مىڭنان استام كاسىپورىن مەن بۇقارانى تىزىمدەۋ جانە كەڭەس بەرۋ قىزمەت وتەۋىمەن قامداپ وتىر، زاڭدا بەلگىلەنگەن ادەتتەگى تىزىمدەۋ ۋاقىتى 30 قىزمەت كۇنىنەن 15 قىزمەت كۇنى توڭىرەگىنە، كەپىلگە قويۋدى تىزىمدەۋ ۋاقىتى 7 قىزمەت كۇنىنە ىقشامدالدى. جەر – جەر ورتالىقتىڭ «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋمەن باسقارۋدى ۇشتاستىرۋ، ساپالى قىزمەت وتەۋ» رەفورماسى مەن تيجارات – ساۋدا ورتاسىن ساپالىلاندىرۋ جونىندەگى شەشىم، ورنالاستىرۋلارىن، ايتالىق، جىجياڭ ولكەسى «ەڭ كوپ بولعاندا ءبىر رەت بارۋدى»، جياڭسۋ ولكەسى «ءبىر تەكشەدە ءبىتىرۋدى»، «شوعىرلى قىزمەت وتەۋدى»، گۋاڭشيدىڭ ناننيڭ قالاسى، فۋجياننىڭ فۋجوۋ قالاسى «ينتەرنەت + جىلجىمايتىن مۇلىكتى تىزىمدەۋ» سياقتىلاردى، تۇرعىن ءۇيدى بىرلەسىپ باسقارۋدى، باجى ىستەرىندە «ءبىر تەكشەدە ءبىتىرۋ، ءبىر قاتار ءبىتىرۋ» جانە ينفورماتسيادان ءوزارا يگىلىكتەنۋدى دايەكتىلەندىرىپ جانە تياناقتاندىرىپ، بۇكىل مەملەكەت بويىنشا جىلجىمايتىن مۇلىكتى تىزىمدەۋ تەكشەلەرىنىڭ ستيل ماسەلەسىن ارناۋلى وڭاۋدى ورىستەتۋگە ۇيىمداستىرىپ، ۋاقىتتى ىقشامداپ، حالىققا، كاسىپورىندارعا قولايلىلىق جاراتتى، تيجارات – ساۋدا ورتاسىنىڭ ساپالىلانۋىن جەبەدى. الايدا كەيبىر جەرلەردىڭ جىلجىمايتىن مۇلىكتى تىزىمدەۋ ۋاقىتىن ىسىراپ ەتۋ، كۋالىك ءبىتىرۋ قيىن بولۋ ماسەلەلەرى تۇبىرىنەن شەشىم ەتىلمەي، بۇقارالاردىڭ كۇتكەن ۇمىتىنەن شالعايدا جاتىر.
