جۇڭگو جازۋشىلار باسپا توبى جۋىردا بەيجيڭدە جۇڭگو جازۋشىلار باسپا توبىنىڭ سيلىقتارىن تاراتۋ ءماجىلىسىن وتكىزدى، شۇي حۋايجۇڭ، مو يان، يۇي حۋا، شۇي جيان، شياۋ چين قاتارلىلار ۇزدىك ۇلەس قوسقان جازۋشى سيلىعىنا يە بولدى. سونىمەن بىرگە، ۇزدىك رەداكتور (ءتىلشى) سيلىعى، ۇزدىك ۇيىمداستىرۋشى جانە باسقارۋشى سيلىعى، ەرەكشە ۇلەس قوسۋشى سيلىعى، «تاڭدامالى رومداندار» جۋرنالى مەكەمەسى ەرەكشە ۇلەس قوسۋشى ورىن سيلىعىنا يە بولدى.
جۇڭگو جازۋشىلار باسپا توبى ەلىمىزدەگى كولەمدى كاسىپتىك سيپات الاتىن ادەبيەت سالاسىنداعى باسپا توبى، ونىڭ قاراماعىندا «حالىق ادەبيەتى»، «ولەڭدەر جۋرنالى»، «جۇڭگو جازۋشىلارى»، «تاڭدامالى اڭگىمەلەر»، «ۇلتتار ادەبيەتى»، «جۇڭگو مەكتەپ ادەبيەتى» جانە «ادەبيەت – كوركەمونەر گازەتى»، جازۋشىلار باسپاسى، جۇڭگو جازۋشىلار تورابى قاتارلى ادەبي شىعارمالاردى جاريالايتىن، باسپادان شىعاراتىن، تاراتاتىن كوپتەگەن اتى ايگىلى تەكشەلەر بار. جۇڭگو جازۋشىلار باسپا توبى سيلىعى 2009 – جىلدان باستاپ تاراتىلعان، قازىرگە دەيىن 10 رەت سيلىق تاراتىلعان.