قازىنا مينيسترلىگىنىڭ مينيسترى ليۋ كۇن 3 – ايدىڭ 24 – كۇنى جابىلعان جۇڭگو دامۋى جوعارى ساتى فورۋمىنىڭ 2019 – جىلعى جىلدىق ماجىلىسىندە بىلاي دەدى: ەلىمىز 2019 – جىلى 5 – ايدىڭ 1 – كۇنىنەن باستاپ قالا – قالاشىقتاعى جۇمىسشى – قىزمەتكەرلەر تاپسىراتىن نەگىزدىك زەينەتكەرلىك قامسىزداندىرۋ اقشاسىنىڭ بىرلىك مولشەرىن تومەندەتەدى، جەر – جەر ٪20 تەن ٪16 كە دەيىن تومەندەتىپ، كاسىپورىنداردىڭ قوعامدىق قامتاماسىزداندىرۋ اقىسىن جيناۋ مولشەرىن شىنايى جەڭىلدەتەدى.
بيىل ەلىمىز كاسىپورىنداردان جينالاتىن باجى مەن قوعامدىق قامتاماسىزداندىرۋعا تاپسىراتىن اقى اۋىرتپالىعىن 2 تريلليون يۋان جەڭىلدەتۋدى مەجەلەپ، جەڭىلدەتۋ سالماعىن وتكەن جىلداعىدان اسىرماق. ليۋ كۇن فورۋمدا بىلاي دەدى: قاتىستى ساياساتتىق جوبالار كوپ ۇزاماي ورتاعا شىعارىلادى، سالىقتى كەمەيتىپ، اقى تومەندەتۋدىڭ ناقتى تياناقتانۋىنا كەپىلدىك ەتىپ، بازار تۇلعالارىنا، اسىرەسە، شاعىن، ميكرو كاسىپورىندارعا اۋىرتپالىقتى جەڭىلدەتۋدىڭ سەزىمىن شىنايى ۇعىندىرادى.
اقىنى تومەندەتۋ جونىنەن ليۋ كۇن بىلاي دەدى: قالا – قالاشىقتاعى جۇمىسشى – قىزمەتكەرلەر تاپسىراتىن نەگىزدىك زەينەتكەرلىك قامسىزداندىرۋ اقشاسىنىڭ بىرلىك مولشەرىن تومەندەتۋدەن سىرت، كاسىپسىزدىك جانە جۇمىس ۇستىندە جارالانۋ قامسىزداندىرۋ اقى مولشەرىن كەزەڭدىك تومەندەتۋ ساياساتى جالعاستى اتقارىلىپ، ەڭبەككۇش شوعىرلانعان كاسىپورىندارعا قاراتا جۇمىس ورنىن ورنىقتىرۋ جانە قوعامدىق قامتاماسىزداندىرۋ تولىقتاما قاراجاتىن بەرۋ سالماعى جوعارىلاتىلادى، وسى سەكىلدى شارالاردى قولدانۋ ارقىلى كاسىپورىنداردىڭ قوعامدىق قامتاماسىزداندىرۋ اقشاسىن تاپسىرۋ مولشەرى شىنايى جەڭىلدەتىلەدى.
