مەملەكەت ءتوراعاسى شي جينپيڭ 3 - ايدىڭ 22 - كۇنى ريمدە يتاليانىڭ زۇڭتۇڭى ماتتارەللامەن بىرگە جۇڭگو - يتاليا كاسىپورىنشىلار كوميتەتىنىڭ، جۇڭگو - يتاليا 3 - جاق بازارى سەلبەستىك تالقى مىنبەرىنىڭ، جۇڭگو - يتاليا مادەنيەت سەلبەستىك مەحانيزمىنىڭ ماجىلىسىنە قاتىناسقان ەكى جاقتىڭ ۋاكىلدەرىمەن كەزدەستى.
شي جينپيڭ جۇڭگو مەن يتاليانىڭ ناقتى سەلبەستىگىندەگى 3 ۇلكەن مەحانيزم سيپاتتى ءماجىلىستىڭ تۇڭعىش رەت ءبىر ۋاقىتتا اشىلعاندىعىن قۇتتىقتاپ، ەكى ەلدىڭ ونەركاسىپ - ساۋدا كاسىپورىن سالاسىنداعى، مادەنيەت، كوركەمونەر سالاسىنداعى قايراتكەرلەردىڭ ۇزاق ۋاقىتتان بەرى ەكى جاقتى ەكونوميكا - ساۋدا سەلبەستىگىن ىلگەرىلەتۋدە، ەكى ەل حالقىنىڭ ءوزارا تۇسىنىستىگىن تەرەڭدەتۋدە، ەكى ەلدىڭ دوستىعىن كۇشەيتۋدە جاساعان قۇلشىنىستارى مەن قوسقان ۇلەسىنە العىس ايتتى. شي جينپيڭ بىلاي اتاپ كورسەتتى: جۇڭگو مەن يتاليا ەكەۋىنىڭ دە تاريحى ۇزاق، مادەنيەتتى جالعاستىرۋعا تۇگەل وسكەلەڭ ءمان بەرەدى، بۇل ەكى ەلدىڭ ءوزارا ءتۇسىنىسۋىنىڭ، دوستىعىنىڭ ۇزاققا جالعاسۋىنىڭ ءتۇپ نەگىزى. اعاشتىڭ تامىرى تەرەڭگە تارتسا، قاۋلاپ وركەن جايادى. جۇڭگو - يتاليا ءوزارا قۇرمەتتەيتىن، ءوزارا سەنىمدى ستراتەگيالىق سەرىكتەر. ءوزارا تيىمدىلىك جاساپ، تەڭ يگىلىكتەنەتىن سەلبەستىك سەرىكتەر، وركەنيەتتە ءوزارا ۇلگى الاتىن قارىم - قاتىناسى تىعىز سەرىكتەر. ەكى جاق ءبىر - ءبىرىنىڭ وزەكتى مۇددەسىمەن جانە نازار اۋداراتىن ەلەۋلى ىستەرىمەن ساناسپ، ەكى جاقتى اۋىس - ءتۇيىس سەلبەستىگىندە بەكەم ساياسي نەگىزگە يە بولدى. ەكى جاقتى ساۋدا ورنىقتى دامىپ، ەكى جاقتى قارجى قوسۋى جەدەل ارتىپ، ەكى ەل حالقىنا ناقتى، شىنايى مۇددە جەتكىزدى. ەكى ەلدىڭ مادەنيەت اۋىس - ءتۇيىسى ايشىقتالا ءتۇسىپ، جۇڭگو - باتىس مادەنيەت اۋىس - ءتۇيىس سەلبەستىگىنىڭ الدىڭعى لەگىندە ءجۇردى. مەن جۇڭگو - يتاليا قاتىناسىنىڭ دامۋ كەلەشەگىنە كامىل سەنەمىن.
شي جينپيڭ بىلاي اتاپ كورسەتتى: كەلەر جىلى جۇڭگو - يتاليا ديپلوماتيالىق قارىم - قاتىناس ورناتقاندىعىنىڭ 50 جىلدىعى، ەكى ەل ءوزارا مادەنيەت - ساياحات جىلىن وتكىزىپ، ءار سالاداعى سەلبەستىك تىڭ ورايلاردى قارسى الادى. جۇڭگو جاق يتالياداعى ءار سالامەن بىرگە قۇلشىنىپ، ەكى ەل قاتىناسىنىڭ ءوزارا تيىمدىلىك جاساپ، تەڭ يگىلىكتەنۋ داڭعىل جولىندا ورنىقتى قاداممەن الىسقا جەتۋىن ىلگەرىلەتىپ، جۇڭگو مەن ەۆروپانى ءوزارا ۇلاستىرۋدى، تۇتاستىرۋدى، ءتىپتى دۇنيە ءجۇزىنىڭ دامۋىن، گۇلدەنۋىن جەبەۋگە تىڭ ۇلەس قوسۋدى قالايدى. جۇڭگو مەن يتاليا كاسىپورىن سالاسىنداعى، مادەنيەت سالاسىنداعى قايراتكەرلەردىڭ ءوز سالالارىندا ەكى ەلدىڭ سەلبەستىگى ءۇشىن، اقىل - پاراسات جانە كۇش - قۋات جاعىنان ءتىپتى دە كوپ ۇلەس قوسۋىن ءۇمىت ەتەمىن.
ماتتارەللا مىنانى ءبىلدىردى: يتاليا - جۇڭگو ەكەۋى دە وركەنيەتتى بايىرعى ەل، بۇل ەكى ەل قاتىناسىنىڭ تەرەڭ ءمانى. ەكى ەلدىڭ ءداستۇرلى دوستىعىنىڭ، ەكونوميكا - ساۋدا بارىس - كەلىسىنىڭ جانە مادەنيەت اۋىس - ءتۇيىسىنىڭ توركىنى ارىدا جاتىر. جاڭا جاعدايدا يتاليا ۇكىمەتى ەكى ەل كاسىپورىندارىنىڭ ەكونوميكا - ساۋدا، قارجى قوسۋ سەلبەستىگىن تەرەڭدەتۋىن قولدايدى، ەكى ەل مادەنيەت سالاسىنىڭ جان - جاقتى اۋىس - ءتۇيىس ورىستەتۋىن قولدايدى. ەكى جاق ورتاق قۇلشىنىپ، ەكى ەلدىڭ ەكونوميكا - ساۋدا سەلبەستىگىن تىڭ ورەگە كوتەرىپ، مادەنيەت جىبەك جولىن كەڭەيتىپ، ەكى ەل حالقىنا ءتىپتى دە ويداعىداي باقىت جاراتىپ، بۇگىنگى دۇنيە ءجۇزى ءدوپ كەلىپ وتىرعان سايىستارعا ورتاق توتەپ بەرىپ، يتاليا - جۇڭگو قاتىناسىن ءتىپتى دە تىڭ بيىككە كوتەرۋدى ىلگەرىلەتۋ كەرەك.
ديڭ شۋەشياڭ، ياڭ جيەچى، ۋاڭ ي، حى ليفىڭ قاتارلىلار جوعارىداعى قيمىلدارعا قاتىناستى.
