تاياۋدا ورتالىق ۇيىمداستىرۋ ءبولىمى، ورتالىق ۇگىت ءبولىمى «9 – كەزەكتى مەملەكەتتىك حالىق ريزا بولعان مەملەكەت قىزمەتكەرىن جانە حالىق ريزا بولعان مەملەكەت قىزمەتكەرلەرى كوللەكتيۆىن باعالاۋ، ماداقتاۋ قىزمەتىن ورىستەتۋ جونىندەگى حابارلاندىرۋدى» باسىپ تاراتتى.
«حابارلاندىرۋدا» مىنالار اتاپ كورسەتىلدى: پارتيانىڭ 18 – قۇرىلتايىنان بەرى بارشا مەملەكەت قىزمەتكەرلەرى شي جينپيڭنىڭ جاڭا ءداۋىر جۇڭگوشا سوتسياليزم يدەياسىن مۇقيات ۇيرەنىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» باتىل ورىندادى، اۋەلگى ماقساتتى ۇمىتپاۋ، بورىشتى ەستە بەرىك ساقتاۋ، جاڭا دامۋ تانىمىن تياناقتاندىرۋ، جوعارى ساپالى دامۋدى ىلگەرىلەتۋ، ءىرى حاۋىپ – قاتەردەن ساقتانۋ – الدىن الۋدى ويداعىداي ىستەۋ، كەدەيلىكتەن دالمە – ءدال ارىلتۋ، لاستانۋدان ساقتانۋ – وڭاۋ شايقاسىنان قامال الۋ، «ءبىر بەلدەۋ، ءبىر جول» قۇرىلىسىن ىلگەرىلەتۋ سىندى ماڭىزدى قىزمەت، كەلەلى مىندەت الدىندا، جاۋاپكەرلىگىن تولىق ورىنداپ، شىنايى يگەرىپ ناقتى ىستەدى، ەڭبەك ءسىڭىرىپ، يگىلىك تىكتەدى، حالىق بۇقاراسىنا باقىت جاراتتى، بۇل جارياندا ءبىر توپ وزات تيپتەر جارىققا شىقتى. وزاتتاردى سيلاپ، دۇرىس سالتتى ساۋلەلەندىرۋ، جاڭا داۋىردەگى ادال، پاك، جاۋاپكەرلىكتى باتىل ارقالايتىن مەملەكەت قىزمەتكەرلەرى قوسىنىنىڭ رۋحي بەينەسىن تولىق ايگىلەۋ ءۇشىن، پارتيا ورتالىق كوميتەتىنىڭ ماقۇلداۋىمەن، ورتالىق ۇيىمداستىرۋ ءبولىمى، ورتالىق ۇگىت ءبولىمى 9 – كەزەكتى مەملەكەتتىك «حالىق ريزا بولعان مەملەكەت قىزمەتكەرىن» جانە «حالىق ريزا بولعان مەملەكەت قىزمەتكەرلەرى كوللەكتيۆىن» باعالاۋ، ماداقتاۋ قىزمەتىن ورىستەتۋدى ۇيعاردى.
«حابارلاندىرۋدا» تانىستىرۋ وبيەكتىلەرىنە قويىلاتىن نەگىزگى تالاپ – شارتتار اتاپ كورسەتىلدى. «حالىق ريزا بولاتىن مەملەكەت قىزمەتكەرىنە» قاراتا، نەگىزىنەن ساياسي بەينەسى، قىزمەت ناتيجەسى، كىرشىكسىز، تارتىپشەڭ بولۋ سىندى جاقتاردان تالاپتار ورتاعا قويىلدى؛ «حالىق ريزا بولاتىن مەملەكەت قىزمەتكەرلەرى كوللەكتيۆىنە» قاراتا نەگىزىنەن ساياسي بەينەسى، قىزمەت ناتيجەسى، باسشىلىق القاسى قۇرىلىسى جانە مەملەكەت قىزمەتكەرلەرى قوسىن قۇرىلىسى جاقتارىنان تالاپتار ورتاعا قويىلدى.
«حابارلاندىرۋدا» مىنالار دارىپتەلدى: تانىستىرىلاتىن وبيەكتىلەر العا باسارلىققا، ۋاكىلدىك سيپاتقا يە بولۋى، پارتيا ادال بولىپ، حالىقتى قىزۋ ءسۇيۋى، مىندەتىن ادالدىقپەن وتەگەن بولۋى، جاۋاپكەرلىگىن جان – تانىمەن ورىنداعان بولۋى، جاۋاپكەرلىكتى ارقالاعان بولۋى، شايقاس جاساۋعا باتىل بولۋى، پاك – كىرشىكسىز بولعان بولۋى، حالىق ريزا بولعان بولۋى كەرەك. نەگىزىنەن نەگىزگى ساتىلار مەن قىزمەتتىڭ الدىڭعى شەبىندەگىلەرگە باعىتتالادى، شۇعىل، قيىن، قاتەرلى، ءىرى سىندى ماڭىزدى مىندەتتەردى ورىنداۋ بارىسىندا قوسقان ۇلەسى ەسەلى بولعان جەكەلەر مەن كوللەكتيۆتەر ءتۇيىندى تانىستىرىلادى.
«حابارلاندىرۋدا» مىنالار ايقىن بەلگىلەندى: «حالىق ريزا بولعان مەملەكەت قىزمەتكەرى» مەن «حالىق ريزا بولعان مەملەكەت قىزمەتكەرلەرى كوللەكتيۆى» تۇگەلدەي پارىقتى باعالانادى، سيلاناتىنداردىڭ سانى جەكە – جەكە 200 جەكە، 100 كوللەكتيۆ. بۇندا تومەننەن جوعارىعا قاراي، دارەجە ورلەتىپ تانىستىرۋ، سارالاۋ، تاڭداۋ تالاپ ەتىلىپ، پارتيا مۇشەلەرى مەن حالىق بۇقاراسىنىڭ پىكىرىنە تولىق قۇلاق ءتۇرىپ، ساياسي جاقتان تەكسەرىپ – بەكىتۋ قاتاڭداستىرىلادى، ورتالىق ۇيىمداستىرۋ ءبولىمى ورتالىقتىڭ ماڭىزدى مەديالارىندا سيلانعان جەكەلەردى جاريالايدى.
