شينحۋا اگەنتتىگىنىڭ 12 - ايدىڭ 7 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ پارتيا تاريحى جانە حۇجات زەرتتەۋ ورنى قۇراستىرعان «شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجات باسپاسىنان باسپادان شىعىپ، بۇكىل ەل كولەمىندە تاراتىلدى.
بارلىق ادامنىڭ ادامدىق ۇقىقتان تولىق كەنەلۋى ادامزات قوعامىنىڭ ۇلى ارمانى. جۇڭگو كوممۋنيستىك پارتياسى مەن جۇڭگو ۇكىمەتى باستان - اياق ادامدىق ۇقىققا قۇرمەت ەتىپ جانە ونى قامتاماسىز ەتىپ كەلەدى. جۇڭگو كوممۋنيستىك پارتياسى دۇنيەگە كەلگەن كۇننەن باستاپ، حالىقتىڭ باقىتىن كوزدەۋدى، ادامزاتتىڭ دامۋىن كوزدەۋدى ءوزىنىڭ كۇرەس نىساناسى ەتتى. جاڭا جۇڭگو قۇرىلعان 70 نەشە جىلدان بەرى جۇڭگو ادامدىق ۇقىقتىڭ جالپىلىق پرينسيبىن جۇڭگونىڭ ءىس جۇزىندىگىمەن ۇشتاستىرۋعا تاباندى بولىپ، جۇڭگونىڭ مەملەكەت جاعدايىنا ۇيلەسەتىن ادامدىق ۇقىقتى دامىتۋ جولىمەن ءجۇردى. وتە - موتە، پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى حالىقتىڭ مۇددەسىن بارىنەن جوعارى ورىنعا قويۋعا تاباندى بولىپ، حالىقتىڭ تاماشا تۇرمىسقا تالپىنىسىن كۇرەس نىساناسى ەتىپ، حالىقتى وزەك ەتكەن ادامدىق ۇقىق ۇستانىمىن اتقارىپ، ءومىر ءسۇرۋ ۇقىعىن، دامۋ ۇقىعىن ماڭداي الدى نەگىزگى ادامدىق ۇقىق ەتىپ، جالپى حالىقتىڭ ەكونوميكا، ساياسي، قوعام، مادەنيەت، قورشاعان ورتا جاقتارىنداعى ۇقىق - مۇددەسىن سايكەستىرە كۇشەيتىپ، قوعامدىق ادىلدىك پەن تۋراشىلدىقتى قۇلشىنا قورعاپ، ادامنىڭ جان - جاقتى دامۋىن جەبەپ، ادامدىق ۇقىقتىڭ زاڭمەن باسقارۋ قامتاماسىزدىعىن كۇشەيتىپ، جۇڭگو حالقىنىڭ ءتۇرلى نەگىزگى ۇقىق - مۇددەسىنە قۇرمەت ەتۋ جانە ونى قامتاماسىز ەتۋ دەڭگەيىن ۇزدىكسىز جوعارىلاتىپ، جۇڭگونىڭ ادامدىق ۇقىق ىستەرىندە وراسان زور تابىستارعا قول جەتكىزۋىن ىلگەرىلەتىپ، دۇنيە ءجۇزىنىڭ ادامدىق ۇقىق ىستەرىنىڭ دامۋىنا ماڭىزدى ۇلەستەر قوستى. باس شۋجي شي جينپيڭنىڭ ادامدىق ۇقىققا قۇرمەت ەتۋ جانە ونى قامتاماسىز ەتۋ توڭىرەگىندە جاريالاعان ءبىر قىدىرۋ ماڭىزدى بايىمداۋلارىنىڭ ويى ورەلى، مازمۇنى باي، يدەياسى تەرەڭ، ول ءبىزدىڭ جۇڭگو حالقىنىڭ ادامدىق ۇقىعىن اناعۇرلىم جوعارى دەڭگەيدە قامتاماسىز ەتىپ، جاپپاي سوتسياليستىك وسىزاماندانعان مەملەكەت قۇرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرىپ، اناعۇرلىم ءادىل، ۇيلەسىمدى، سيىسىمدى الەمدىك ادامدىق ۇقىقتى جونگە سالۋدىڭ قالىپتاسۋىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن بىرگە قۇرۋىمىزدا توتەنشە كەلەلى ماڭىز الادى.
«بايىمداۋلاردان ۇزىندىلەر» 9 ارناۋلى تاقىرىپقا بولىنگەن، جيىنى 335 بايىمداۋدان قۇرالادى، شي جينپيڭ جولداستىڭ 2012 - جىلى 11 - ايدىڭ 15 - كۇنىنەن 2021 - جىلى 10 - ايدىڭ 30 - كۇنىنە دەيىنگى مەزگىلدەگى بايانداماسى، ءسوزى، سۇحباتى، لەكسياسى، قۇتتىقتاۋ حاتى، نۇسقاۋى سياقتى 160تان استام ماڭىزدى حۇجاتتان ىقشامدالىپ الىنعان. مۇنىڭ ىشىندە ءبىر ءبولىم بايىمداۋلارى تۇڭعىش رەت جاريالانىپ وتىر.
