12 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن بەينە ەكراندا ديدارلاستى.
□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
12 - ايدىڭ 3 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن بەينە ەكراندا ديدارلاستى.
□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى (ءتىلشى جىڭ ميڭدا). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - ايدىڭ 3 - كۇنى لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن بەينە ەكراندا ديدارلاستى.
شي جينپيڭ بىلاي دەپ اتاپ كورسەتتى: بيىل جۇڭگو مەن لاوستىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعى ءارى جۇڭگو - لاوس دوستىق جىلى. 60 جىلدان بەرى جۇڭگو - لاوس قارىم - قاتىناسىنىڭ حالىقارالىق اۋمالى - توكپەلى الماعايىپ جاعدايدىڭ سىنىنان ءوتىپ، ۋاقىت وتكەن سايىن بەكەمدەلۋىنىڭ، ۋاقىت وتكەن سايىن جاڭارۋىنىڭ تەتىگى − ەكى جاقتىڭ ورتاق مۇراتتان مىزعىماي، ءبىر - بىرىنە سەنىپ، ءوزارا قارايلاسىپ، تاعدىرلاس بولۋىندا.
شي جينپيڭ بىلاي دەپ باسا دارىپتەدى: جۇڭگو مەن لاوس ەكەۋى دە كوممۋنيستىك پارتيانىڭ باسشىلىعى مەن سوتسياليزم باعىتىنا تاباندى بولىپ كەلەدى، بۇل ەكى ەل قارىم - قاتىناسىنىڭ ماندىك ەرەكشەلىگى. كۇردەلى، قاتاڭ سىرتقى ورتا، سونداي - اق ءوز ەلدەرىنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ ماشاقاتتى مىندەتى الدىندا جۇڭگو مەن لاوس سوتسياليزم ورتاق ىستەرىن قورعاۋدىڭ ساياسي جانە ستراتەگيالىق بيىگىندە تۇرىپ، ەكى پارتيا، ەكى ەل قارىم - قاتىناسىنىڭ ۇزدىكسىز تىڭ بەلەسكە كوتەرىلۋىن ىلگەرىلەتىپ، جۇڭگو مەن لاوستىڭ بولاتتاي بەرىك تاعدىرلاس ورتاق تۇلعاسىن ۇزدىكسىز قالىپتاستىرۋ كەرەك.
ەكى جاق جۇڭگو مەن لاوستىڭ ساياسي جانە ءتۇزىم حاۋىپسىزدىگىن بىرگە قورعاۋ كەرەك. جۇڭگو جاق لاوس جاقپەن ستراتەگيالىق بايلانىستى كۇشەيتىپ، ەل باسقارۋ جونىندە تاجىريبە اۋىسۋدى تەرەڭدەتىپ، لاوستىڭ مەملەكەت قۇرىلىسى ىستەرىنە قولىنان كەلگەنشە قولداۋ كورسەتۋدى جانە كومەكتەسۋدى قالايدى. ەكى جاق جۇڭگو - لاوس ەكونوميكالىق ءدالىز سەلبەستىگى بىرلەسكەن كوميتەتىنىڭ جالپىلىق سايكەستىرۋ رولىن ويداعىداي ساۋلەلەندىرىپ، جۇڭگو مەن لاوستىڭ ناقتى ىستەر سەلبەستىگىن ءبىر تۇتاس جوسپارلاپ ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋدىڭ جوعارى ساپالى دامۋىن ىلگەرىلەتىپ، ناقتى ىستەر سەلبەستىگى دەڭگەيىن ۇزدىكسىز جوعارىلاتۋ كەرەك. جۇڭگو - لاوس تەمىر جولى بۇگىن ىسكە قوسىلىپ پويەز قاتىنادى، لاوستىڭ ”قۇرلىقتىق بايلانىستىق ەل“ بولۋ ارمانى جاقىندا جۇزەگە اسادى. ءبىز ”قاتتى ۇلاسۋدى“ جۇزەگە اسىرىپ قانا قويماي، ”جۇمساق ۇلاسۋدى“ دا ويداعىداي يگەرىپ، تەمىر جولدىڭ كەيىنگى تاسىمال، جوندەۋ ىستەرى مەن حاۋىپسىزدىك قامتاماسىزداندىرۋىن ويداعىداي ىستەپ، جوعارى ساپالى، باياندى، حالىق تۇرمىسىنا تيىمدىلىك جەتكىزەتىن جەلى بويى ەكونوميكالىق بەلدەۋىن تۇلعالاۋىمىز كەرەك. جاڭاشا نەگىزدىك قۇرىلعى نىسان سەلبەستىگىن ىلگەرىلەتىپ، جۇڭگو مەن لاوستىڭ ەنەرگيا جاعىنداعى ءوزارا ۇلاسۋ، تۇتاسۋ دەڭگەيىن جوعارىلاتىپ، اۋىل شارۋاشىلىعى، ەكونوميكالىق اشۋ رايونى، فينانس سياقتى سالالارداعى سەلبەستىگىن كۇشەيتۋ كەرەك.
شي جينپيڭ بىلاي دەپ باسا دارىپتەدى: حالىق ءۇشىن قىزمەت وتەۋ جۇڭگو مەن لاوس ەكى پارتياسىنىڭ ورتاق باس ماقساتى، جۇڭگو مەن لاوس قارىم - قاتىناسى دا حالىقتى بارىنەن جوعارى قويۋدى كورنەكتىلەندىرىپ، ەكى ەل حالقىنا اناعۇرلىم مول، اناعۇرلىم جاقسى يگىلىك جەتكىزۋى كەرەك. جۇڭگو جاق لاوس جاققا جاڭا تيپتى ايدارشا ۆيرۋس ۆاكسيناسى، ىندەتكە قارسى اتتانۋ زاتتىق ماتەريال سياقتى جاقتاردان ۇزدىكسىز قولداۋ كورسەتىپ، ەمدەۋ، اۋىل - قىستاقتا كەدەيلەردى سۇيەمەلدەۋ سەلبەستىگىن كۇشەيتىپ، جاستار، مادەنيەت، جەرگىلىكتى ورىندار اۋىس - كۇيىسىن تەرەڭدەتىپ، ەكى ەل حالقىنىڭ تابىس سەزىمىن، باقىت سەزىمىن ارتتىرۋ كەرەك. جۇڭگو جاق لاوس جاقپەن بىرگە، شىن مانىندەگى كوپ جاقتىلىقتى امالياتتا ايگىلەپ، الەمدىك دامۋ باستاماسىن تياناقتاندىرىپ، اناعۇرلىم بەرىك جۇڭگو − شىعىس وڭتۇستىك ازيا ەلدەرى وداعى تاعدىرلاس ورتاق تۇلعاسىن قۇرۋدى ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن، كوركەيىپ - گۇلدەنۋىن بىرگە قورعاۋدى قالايدى.
تۇڭلۇن مىنالاردى ءبىلدىردى: جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قىزۋ قۇتتىقتايمىن، جۇڭگو كوممۋنيستىك پارتياسى 19 - كەزەكتى ورتالىق كوميتەتى التىنشى جالپى ءماجىلىسىنىڭ تاريحي سيپاتتى ماڭىزدى جەتىستىككە قول جەتكىزگەنىن قۇتتىقتايمىن. ءتوراعا شي جينپيڭنىڭ، جۇڭگو پارتياسىنىڭ، ۇكىمەتىنىڭ جانە حالقىنىڭ ۇزاق ۋاقىتتان بەرى لاوسقا كورسەتكەن قۇندى قولداۋى مەن كومەگىنە العىس ايتامىن. مەن ءتوراعا شي جينپيڭنىڭ لاوس پەن جۇڭگو ەكى پارتيا، ەكى ەل قارىم - قاتىناسىنا بەرگەن جوعارى باعاسىن جانە ەكى جاقتى قارىم - قاتىناستى دامىتۋ جونىندە العا قويعان ماڭىزدى پىكىرىن بۇكىلدەي قۇپتايمىن. ءتوراعا شي جينپيڭ العا قويعان ”ءبىر بەلدەۋ، ءبىر جول“ باستاماسىنىڭ ارقاسىندا، لاوس - جۇڭگو تەمىر جولى سالىنىپ پويەز قاتىناپ، لاوس حالقى اقىرىندا تەمىر جول ارمانىن جۇزەگە اسىردى. لاوس جاق جۇڭگو جاقپەن جوعارى جىكتەگىلەر بارىس - كەلىسىن جيىلەتىپ، ستراتەگيالىق بايلانىستى كۇشەيتىپ، لاوس - جۇڭگو تەمىر جولىنىڭ ەكونوميكالىق ونىمدىلىگىن ەڭ جوعارى دەڭگەيدە ويداعىداي ساۋلەلەندىرىپ، لاوس - جۇڭگو ەكونوميكالىق سەلبەستىگىنىڭ اناعۇرلىم كوپ جەتىستىكتەرگە قول جەتكىزۋىن ىلگەرىلەتۋدى قالايدى. جۇڭگو باستان - اياق دۇنيە ءجۇزى مەن ءوڭىردىڭ بەيبىتشىلىگىن جانە ورنىقتىلىعىن قورعاۋدىڭ ماڭىزدى تىرەگى بولىپ، بەيبىت، دوستىق ديپلوماتيالىق ساياساتتى دايەكتى اتقارىپ، حالىقارالىق قوعامنىڭ جاپپاي شىنايى مويىنداۋىنا يە بولدى ءارى بەيبىتشىلىكتى سۇيەتىن دۇنيە جۇزىندەگى اناعۇرلىم كوپ ەلدەردىڭ باتىل قولداۋىنا يە بولىپ وتىر. لاوس جاق جۇڭگو جاقتىڭ وزەكتى مۇددە ماسەلەسىندەگى ورىندى تۇرعىسىن باتىل قولدايدى، جۇڭگو جاقتىڭ بەيجيڭ قىسقى وليمپياداسىن ءساتتى وتكىزۋىن باتىل قولدايدى. لاوس جاق جۇڭگو جاقپەن حالىقارالىق ىستەردەگى بايلانىستى، سايكەسۋدى كۇشەيتىپ، شىعىس وڭتۇستىك ازيا ەلدەرى وداعى مەن جۇڭگونىڭ جان - جاقتى ستراتەگيالىق سەرىكتەستىك قارىم - قاتىناسىنىڭ دامۋىن ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن، دامۋىن قورعاۋعا بەلسەندى ۇلەس قوسۋدى قالايدى.
ديڭ شۋەشياڭ، ليۋ حى، حى ليفىڭ قاتارلىلار قاتىناستى.
