12 - ايدىڭ 3 - كۇنى تۇستەن كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ بەيجيڭدە لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن بەينە ەكران بايلانىس ارقىلى جۇڭگو - لاوس تەمىر جولىندا پويەز قاتىناۋ سالتىنا بىرگە قاتىناستى.
□ سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن
شينحۋا اگەنتتىگىنىڭ 12 - ايدىڭ 3 - كۇنى بەيجيڭنەن بەرگەن حابارى (ءتىلشى جىڭ ميڭدا). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ 12 - ايدىڭ 3 - كۇنى تۇستەن كەيىن بەيجيڭدە لاوس حالىق توڭكەرىستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى تۇڭلۇنمەن بەينە ەكران بايلانىس ارقىلى جۇڭگو - لاوس تەمىر جولىندا پويەز قاتىناۋ سالتىنا بىرگە قاتىناستى.
مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك دامۋ جانە رەفورما كوميتەتىنىڭ مەڭگەرۋشىسى حى ليفىڭ سالتتى باسقاردى.
جۇڭگو مەن لاوس ەكى جاقتىڭ قاتىستى تاراۋلارىنىڭ جانە جەرگىلىكتى ورىندارىنىڭ جاۋاپتىلارى، ينجەنەريا قۇرىلىسشىلارىنىڭ ۋاكىلدەرى، قاتىستى ەلدەردىڭ كۇنميڭدە تۇراتىن باس كونسۋلدارى، لاوستا تۇراتىن ەلشىلەرى قاتارلىلار جەكە - جەكە جۇڭگو كۇنميڭ ۆوكزالىنداعى بولىمشە جيىن الاڭىندا، لاوس ۆەنتيان ۆوكزالىنداعى بولىمشە جيىن الاڭىندا سالتقا قاتىناستى.
لاوستىڭ ورىنباسار زۇڭليى سۇڭساي مەن جۇڭگو مەملەكەتتىك تەمىر جولى توبىنىڭ جاۋاپتىسى جەكە - جەكە ەكى ەلدىڭ مەملەكەت باسشىلارىنا پويەز قاتىناۋدىڭ دايىندىق جاعدايىنان مالىمەت بەردى.
ەكى ەلدىڭ مەملەكەت باسشىلارى جەكە - جەكە ءسوز سويلەدى.
شي جينپيڭ جۇڭگو كوممۋنيستىك پارتياسى، جۇڭگو ۇكىمەتى جانە جۇڭگو حالقى اتىنان جۇڭگو - لاوس تەمىر جولىندا پويەز قاتىناعانىن قىزۋ قۇتتىقتادى، ەكى ەل قۇرىلىسشىلارىنا وسكەلەڭ قۇرمەت ءبىلدىردى.
شي جينپيڭ بىلاي دەپ اتاپ كورسەتتى: 2015 - جىلى مەن لاوس باسشىلارىمەن بىرگە، جۇڭگو - لاوس تەمىر جولىن بىرگە سالۋ ماڭىزدى شەشىمىن جاسادىم. قۇرىلىس باستالعان 5 جىلدان بەرى جۇڭگو مەن لاوس ەكى جاق ءبىر نيەتپەن سەلبەسە وتىرىپ، تىعىز سايكەسىپ، تاۋ كەزدەسسە جول سالىپ، سۋ كەزدەسسە كوپىر سالىپ، قۇرىلىس مىندەتىن جوعارى دەڭگەيدە، جوعارى ساپادا ورىنداپ، ءىس جۇزىندىك ارەكەت ارقىلى جۇڭگو مەن لاوس تاعدىرلاس ورتاق تۇلعا رۋحىنىڭ تەرەڭ ءمانىن ءتۇسىندىرىپ، ەكى ەل سوتسياليستىك ءتۇزىمىنىڭ كۇشتى شوعىرلاندىرىپ ۇلكەن ىستەر تىندىرا الاتىن وزگەشە ابزالدىلىعىن ايگىلەدى.
شي جينپيڭ بىلاي دەپ اتاپ كورسەتتى: جۇڭگو - لاوس تەمىر جولى ەكى ەلدىڭ ءوزارا پايدا جەتكىزىپ، سەلبەستىك جاساۋىنداعى جەتەكشى نىسان. تەمىر جول تۇتاسقان سوڭ، كۇنميڭنەن ۆەنتيانعا بارۋدا اسقار تاۋ بوگەت بولا المايدى، جول ۇزاق سەزىلمەيدى. ەكى جاق تاعى دا قايراتتانىپ، تىڭعىلىقتى ىستەپ، تياناقتى ناتيجەگە قول جەتكىزىپ، تەمىر جولدى ويداعىداي قورعاپ، ويداعىداي جۇرگىزىپ، جەلى بويىن ويداعىداي اشىپ، ويداعىداي گۇلدەندىرىپ، التىن جەلى تۇلعالاپ، ەكى ەل حالقىن باقىتقا كەنەلتۋ كەرەك.
شي جينپيڭ بىلاي دەپ باسا دارىپتەدى: جۇڭگو - لاوس تەمىر جولى ”ءبىر بەلدەۋ، ءبىر جولدى“ جوعارى ساپامەن بىرگە قۇرۋداعى سيمۆولدىق ينجەنەريا. جۋىق جىلداردان بەرى جۇڭگو جاق جوعارى ولشەمدى، باياندى بولۋدى، حالىق تۇرمىسىنا تيىمدىلىك جاساۋدى نىسانا ەتىپ، ”ءبىر بەلدەۋ، ءبىر جولدى“ بىرگە قۇرۋ دەڭگەيىن ۇزدىكسىز جوعارىلاتىپ، بىرگە قۇرعان ەلدەردىڭ ءوزارا پايدا جەتكىزىپ، تەڭ يگىلىككە كەنەلۋىن جۇزەگە اسىرىپ، دۇنيە ءجۇزى ەكونوميكاسىنىڭ دامۋىنا جاڭا ءورىس اشتى. جۇڭگو جاق لاوس سياقتى جەلى بويىنداعى ەلدەرمەن بىرگە، اناعۇرلىم بەرىك ”ءبىر بەلدەۋ، ءبىر جول“ سەرىكتەستىك قارىم - قاتىناسىن جەدەل تۇلعالاپ، ادامزاتتىڭ تاعدىرلاس ورتاق تۇلعاسىن قۇرۋدى بىرگە ىلگەرىلەتۋدى قالايدى.
شي جينپيڭ بىلاي دەپ باسا دارىپتەدى: بىرنەشە كۇننىڭ الدىندا، كەزىندە جۇڭگو شاڭحايدا تەمىر جول ماماندىعىن ۇيرەنگەن لاوستىق بىرنەشە وقۋشىنىڭ بىرلەسىپ جازعان حاتىن تاپسىرىپ الدىم. ولار ءبىر اۋىزدان جۇڭگودا ۇيرەنگەن بىلىمدەرىن جۇڭگو - لاوس تەمىر جولىنىڭ اينالىمعا ءتۇسۋى مەن دامۋىنا ارنايتىندارىن ءبىلدىرىپتى، مەن بۇعان ايرىقشا قۋاندىم. جۇڭگو مەن لاوس دوستىعىنىڭ بولاشاعى جاستاردا، ۇلاسۋ، تۇتاسۋدىڭ نەگىزى تىلەكتەردى توعىستىرۋدا. جۇڭگو جاق جۇڭگو مەن لاوس دوستىق جولى ءۇشىن اناعۇرلىم كوپ تىرەكتى دارىندىلاردى باۋلۋدى قالايدى.
تۇڭلۇن مىنانى ءبىلدىردى: بۇگىن ماقتانۋعا تاتيتىن ءسات، لاوستاعى ءار ۇلت حالقىنىڭ ارمانى اقىرى جۇزەگە استى. جۇڭگونىڭ زور كۇشپەن قولداۋ كورسەتكەنىنە العىس ايتامىز، لاوس اقىرىندا پويەز جوق داۋىرگە قوش ايتىپ، وسىزاماندانعان تەمىر جولعا يە بولدى. لاوس - جۇڭگو تەمىر جولى − لاوستىڭ ”قۇرلىقتاعى جابىق ەلدەن“ ”قۇرلىقتىق بايلانىستىق ەلگە“ اينالۋ ستراتەگياسىن ”ءبىر بەلدەۋ، ءبىر جول“ باستاماسىمەن ىشكەرىلەي ۇشتاستىرۋدىڭ دانەكەرى، لاوستىڭ وسىزاماندانعان نەگىزدىك قۇرىلعى قۇرىلىسىنىڭ ءبىر ماڭىزدى بەلەسى، لاوس مەملەكەتىنىڭ ەكونوميكالىق، قوعامدىق دامۋىن بارىنشا جەبەيدى. ەكى ەل باسشىلارىنىڭ ءمان بەرۋىنىڭ، كوڭىل ءبولۋىنىڭ جانە ءارقايسى جاقتىڭ زور كۇشپەن قولداۋىنىڭ ارقاسىندا، ەكى جاق ىندەت سياقتى كوپتەگەن سىن - سايىستار مەن قيىنشىلىقتاردى جەڭىپ، قۇرىلىستى ۋاعىندا ءساتتى اياقتاتتى ءارى پويەز قاتىناۋعا تاپسىردى، بۇل لاوستاعى ءار ۇلت حالقىنىڭ رەسپۋبليكا قۇرىلعاندىعىنىڭ 46 جىلدىعىن قارسى الۋىنا تارتۋ ەتكەن باعالى تارتۋى جانە لاوس پەن جۇڭگونىڭ ديپلوماتيالىق قارىم - قاتىناس ورناتقاندىعىنىڭ 60 جىلدىعىن قۇتتىقتاۋداعى سالتاناتتى قۋانىش، لاوس پەن جۇڭگونىڭ ”جاقسى كورشى، جاقسى دوس، جاقسى جولداس، جاقسى سەرىك“ رۋحى مەن لاوس - جۇڭگو تاعدىرلاس ورتاق تۇلعا رۋحىنىڭ جاندى بەينەسى، سونداي - اق لاوس پەن جۇڭگو ەكى پارتيا، ەكى ەل جانە ەكى ەل حالقىنىڭ دوستىق قارىم - قاتىناسىنىڭ ۇلى بەلگىسى، لاوس پەن جۇڭگو ەكى پارتيا، ەكى ەل قارىم - قاتىناسىنا جاڭا ماڭىزدى مازمۇن ۇستەيتىنى ءسوزسىز. لاوس جۇڭگو جاقپەن بىرگە لاوس - جۇڭگو تەمىر جولىن ويداعىداي قورعاپ، جۇرگىزىپ، ەكى ەلگە جانە وڭىردەگى حالىققا اناعۇرلىم مول ىرىس - قۇت اكەلىپ، ءوڭىردىڭ ۇلاسۋىن، تۇتاسۋىن جانە دامىپ، كوركەيىپ - گۇلدەنۋىن جەبەۋگە ۇلەس قوسۋدى قالايدى. جۇڭگونىڭ ۇزدىكسىز جاڭا شۇعىلالى ناتيجە جاراتۋىن تىلەيمىن! لاوس پەن جۇڭگونىڭ دوستىق سەلبەستىك قارىم - قاتىناسىنىڭ ماڭگى جاساۋىن تىلەيمىن!
ۆەنتيان ۆوكزالىندا پويەز شوفەرى بىلاي دەپ مالىمدەدى: پويەز جولعا شىعۋعا دايىن، ءتوراعا تۇڭلۇننىڭ بۇيرىق بەرۋىن سۇرايمىز.
تۇڭلۇن ”جولعا شىعىڭدار!“ دەپ بۇيرىق بەردى.
كۇنميڭ ۆوكزالىندا پويەز شوفەرى بىلاي دەپ مالىمدەدى: پويەز جولعا شىعۋعا دايىن، ءتوراعا شي جينپيڭنىڭ بۇيرىق بەرۋىن سۇرايمىز.
شي جينپيڭ ”جولعا شىعىڭدار!“ دەپ بۇيرىق بەردى.
جۇڭگو جاقتىڭ C3 كەزەكشى جولاۋشىلار پويەزى كۇنميڭ ۆوكزالىنىڭ ءبىرىنشى جولىندا، لاوس جاقتىڭ C82 كەزەكشى جولاۋشىلار پويەزى ۆەنتيان ۆوكزالىنىڭ ءبىرىنشى جولىندا ءبىر ۋاقىتتا جولعا شىقتى.
پويەز قاتىناۋ سالتى «جۇڭگو مەن لاوس حالقىنىڭ دوستىق جىرى» انىمەن ءساتتى اياقتادى.
ديڭ شۋەشياڭ، ليۋ حى قاتارلىلار جوعارىداعى قيمىلدارعا قاتىناستى. لاوستىڭ زۇڭليى پانكان، مەملەكەتتىڭ ورىنباسار ءتوراعاسى باني، ورىنباسار زۇڭليى جيچياۋ ۆەنتيان ۆوكزالىندا قاتىناستى.
جۇڭگو - لاوس تەمىر جولى سولتۇستىكتە جۇڭگونىڭ يۇننانىنىڭ كۇنميڭىنەن باستالىپ، وڭتۇستىكتە لاوستىڭ استاناسى ۆەنتيانعا بارادى، جۇڭگو ولشەمى پايدالانىلعان، جۇڭگو مەن لاوس سەلبەسىپ سالىپ جۇرگىزگەن، سونداي - اق جۇڭگونىڭ تەمىر جول تورىمەن تىكەلەي تۇتاسقان شەكارا سىرتىنداعى تۇڭعىش تەمىر جول، جالپى ۇزىندىعى 1035 كيلومەتر. پويەز قاتىناعان سوڭ، كۇنميڭنەن ۆەنتيانعا 10 ساعاتتا جەتۋگە بولادى.
