导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ 2021 - جىلعى ”جۇڭگونى ءتۇسىنۋ“ حالىقارالىق ءماجىلىسىنىڭ (گۋاڭجوۋ) اشىلۋ سالتىنا ارناپ بەينە ەكراندا ءسوز سويلەدى

日期:2021年12月03日
来源:新疆日报
【字体:

  12 - ايدىڭ 2 - كۇنى مەملەكەت ءتوراعاسى شي جينپيڭ بەيجيڭدە 2021 - جىلعى ”جۇڭگونى ءتۇسىنۋ“ حالىقارالىق ءماجىلىسىنىڭ (گۋاڭجوۋ) اشىلۋ سالتىنا ارناپ بەينە ەكراندا ءسوز سويلەدى.

□ سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

  شينحۋا اگەنتتىگىنىڭ 12 - ايدىڭ 2 - كۇنى بەيجيڭنەن بەرگەن حابارى. 12 - ايدىڭ 2 - كۇنى مەملەكەت ءتوراعاسى شي جينپيڭ بەيجيڭدە 2021 - جىلعى ”جۇڭگونى ءتۇسىنۋ“ حالىقارالىق ءماجىلىسىنىڭ (گۋاڭجوۋ) اشىلۋ سالتىنا ارناپ بەينە ەكراندا ءسوز سويلەدى.

  شي جينپيڭ بىلاي دەپ اتاپ كورسەتتى: قازىر دۇنيە جۇزىندە 100 جىلدا بولماعان زور وزگەرىس پەن جاڭا تيپتى ايدارشا ۆيرۋس وكپە قابىنۋ ىندەتىنىڭ بۇكىل جەر شارىندا كەڭ تارالۋى قاباتتاسا ىقپال جاساۋدا، دۇنيە ءجۇزى الماعايىپ وزگەرىس كەزەڭىنە ءوتتى. وسىنداي ساتتە ءبىز يدەيالىق بايلانىستى كۇشەيتىپ، اۋىس - كۇيىستى، سەلبەستىكتى ىلگەرىلەتىپ، الەمدىك سىن - سايىسقا قول ۇستاسا توتەپ بەرۋگە اقىل - پاراساتىمىز بەن كۇش - قۋاتىمىزدى ارناۋدى ءتىپتى دە قاجەت ەتەمىز.

  شي جينپيڭ بىلاي دەپ اتاپ كورسەتتى: مەن ”بۇگىنگى جۇڭگونى تۇسىنۋدە، ءسوز جوق، جۇڭگو كوممۋنيستىك پارتياسىن ءتۇسىنۋ كەرەك“ دەگەنمىن. بيىل جۇڭگو كوممۋنيستىك پارتياسى قۇرىلعاندىعىنىڭ 100 جىلدىعى. 100 جىلدان بەرى جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، قاجىماي - تالماي كۇرەس جۇرگىزىپ، جۇڭگو حالقىنىڭ بولاشاعى مەن تاعدىرىن تۇبىرىنەن وزگەرتتى ءارى دۇنيە ءجۇزى تاريحىنىڭ ۇردىسىنە تەرەڭ ىقپال جاسادى. جۋىقتا جۇڭگو كوممۋنيستىك پارتياسى 19 - كەزەكتى ورتالىق كوميتەتىنىڭ التىنشى جالپى ءماجىلىسى جەڭىسپەن اشىلىپ، «جۇڭگو كوممۋنيستىك پارتياسى ورتالىق كوميتەتىنىڭ پارتيانىڭ 100 جىلدىق كۇرەسىنىڭ كەلەلى تابىستارى مەن تاريحي تاجىريبەلەرى تۋرالى قارارىن» ماقۇلدادى، جۇڭگو كوممۋنيستىك پارتياسى تاريحتى اينا ەتىپ، بولاشاققا جول اشىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگو حالقىن ىنتىماقتاستىرىپ جانە باستاپ، سوتسياليستىك وسىزاماندانعان مەملەكەت قۇرۋدىڭ جاڭا جورىعىندا ەكپىندەي ىلگەرىلەيدى. جۇڭگو كوممۋنيستىك پارتياسى حالىقتى بارىنەن جوعارى قويۋعا تاباندى بولىپ، بۇكىل ىنتا - پەيىلىمەن حالىق ءۇشىن قىزمەت ىستەۋ ءتۇبىرلى باس ماقساتىنا تاباندى بولىپ، حالىقتى وزەك ەتكەن دامۋ يدەياسىن امالياتتا ايگىلەپ، ادامنىڭ جان - جاقتى دامۋى مەن جالپى حالىقتىڭ بىرگە بايۋىن ۇزدىكسىز ىلگەرىلەتىپ، جۇڭگو حالقىنىڭ تاماشا تۇرمىسقا دەگەن تالپىنىسىن ءتىپتى دە ويداعىداي قاناعاتتاندىرادى. جۇڭگو كوممۋنيستىك پارتياسى بەيبىت دامۋ جولىمەن جۇرۋدەن جازباي، سىرتقا ەسىكتى اشىق ۇستاۋعا تاباندى بولىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، بەيبىتشىلىك، دامۋ، ادىلدىك، تۋراشىلدىق، دەموكراتيا، ەركىندىك سىندى بۇكىل ادامزاتقا ورتاق قۇندىلىقتاردى اسقاقتاتىپ، باستان - اياق دۇنيە ءجۇزى بەيبىتشىلىگىنىڭ قۇرۋشىسى، الەمدىك دامۋدىڭ ۇلەس قوسۋشىسى، حالىقارالىق ءتارتىپتىڭ قورعاۋشىسى بولىپ، ادامزات وركەنيەتىنىڭ العا باسۋى مەن دۇنيە ءجۇزىنىڭ بەيبىتشىلىگى، دامۋى ءۇشىن تىڭ دا اناعۇرلىم زور ۇلەس قوسۋعا قۇلشىنادى.