导航切换
  1. اعىمداعى ورىن:
  2. باس بەت
  3. اعىم جاڭالىقتارى
  4. ەل ءىشى حابارلارى
  5. زاڭ - ەرەجە

شي جينپيڭ رەسەي ءبىر تۇتاس رەسەي پارتياسى قۇرىلعاندىعىنىڭ 20 جىلدىعىنا قۇتتىقتاۋ حات جولدادى

日期:2021年12月03日
来源:新疆日报
【字体:

  شينحۋا اگەنتتىگىنىڭ 12 - ايدىڭ 1 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ رەسەي ءبىر تۇتاس رەسەي پارتياسى قۇرىلعاندىعىنىڭ 20 جىلدىعىنا قۇتتىقتاۋ حات جولدادى.

  شي جينپيڭ قۇتتىقتاۋ حاتىندا ءبىر تۇتاس رەسەي پارتياسى قۇرىلعاندىعىنىڭ 20 جىلدىعىن شىن جۇرەكتەن قۇتتىقتادى. ول بىلاي دەدى: ءبىر تۇتاس رەسەي پارتياسى رەسەيدىڭ ماڭىزدى ساياسي كۇشى رەتىندە، رەسەي حالقىن ىنتىماقتاستىرۋعا جانە باستاۋعا بەلسەنە كۇش سالىپ، پۋتين زۇڭتۇڭ تۇراقتاندىرعان ستراتەگيالىق باعىتتى تياناقتاندىرىپ، ەل ءىشىنىڭ ساياسي ورنىقتىلىعىن، ەكونوميكالىق دامۋىن، حالىق تۇرمىسىنىڭ جاقسارۋىن، حالىقارالىق ورنىنىڭ جوعارىلاۋىن ىلگەرىلەتىپ، رەسەي قوعامىنىڭ كەڭ كولەمدى قولداۋىنا يە بولدى.

  شي جينپيڭ بىلاي دەپ اتاپ كورسەتتى: بيىل جۇڭگو كوممۋنيستىك پارتياسى مەن ءبىر تۇتاس رەسەي پارتياسى قارىم - قاتىناس ورناتقاندىعىنىڭ 20 جىلدىعى. 20 جىلدان بەرى ەكى پارتيانىڭ قارىم - قاتىناسى ۇزدىكسىز العا قاراي دامىپ، ەكى ەل مەملەكەت باسشىلارىنىڭ ماڭىزدى ورتاق تانىمىن تياناقتاندىرۋدا، جۇڭگو مەن رەسەيدىڭ ساياسي جانە ستراتەگيالىق ءوزارا سەنىمىن بەكەمدەۋدە، ەكى ەلدىڭ جان - جاقتى ءوزارا تيىمدىلىك جاساۋ سەلبەستىگىن جەبەۋدە، ەكى ەلدىڭ ستراتەگيالىق سەلبەستىگىن تەرەڭدەتۋدە ەرەكشە رول اتقاردى.

  شي جينپيڭ مىنالاردى ءبىلدىردى: جۇڭگو كوممۋنيستىك پارتياسى ءبىر تۇتاس رەسەي پارتياسىمەن بولعان دوستىعىن قاستەرلەيدى، ەكى پارتيانىڭ مەحانيزمدەنگەن اۋىس - كۇيىسىن، سەلبەستىگىن ۇزدىكسىز كۇشەيتىپ، جاڭا داۋىردەگى جۇڭگو - رەسەي قارىم - قاتىناسىنىڭ اناعۇرلىم جوعارى دەڭگەيگە قادام تاستاۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ ءۇشىن اقىل - پاراساتى مەن كۇش - قۋاتىن ارناۋىن ءۇمىت ەتەمىن.