ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ ياڭ 3 – ايدىڭ 13 – كۇنى تۇستەن بۇرىن حالىق سارايىندا مەملەكەتتىك ساياسي كەڭەس 13 – كەزەكتى كوميتەتى ەكىنشى ءماجىلىسىنىڭ اقپاراتتىق حابارلاۋ قىزمەتىنە قاتىناسقان حالىق گازەتى، شينحۋا اگەنتتىگى، ورتالىق راديو – تەلەۆيزيا باس ستانسياسى، ساۋلە گازەتى، ەكونوميكا گازەتى، جۇڭگو گازەتى، حالىق ساياسي كەڭەسى گازەتى، جۇڭگو اقپارات اگەنتتىگى قاتارلى ورتالىقتاعى باستى اقپارات ورىندارىنداعى جانە جۇڭگو ساياسي كەڭەس جۋرنالى مەكەمەسىندەگى جاۋاپتى جولداستارمەن جانە رەداكتور، تىلشىلەردىڭ وكىلدەرىمەن امانداستى، ءماجىلىستى حابارلاۋعا قاتىناسقان اقپارات قىزمەتكەرلەرىنەن شىن ىقىلاسپەن حال سۇراپ، شىنايى العىس ايتتى.
ۋاڭ ياڭ بىلاي دەدى: اقپارات ورىندارى باس شۋجي شي جينپيڭنىڭ ءماجىلىستى ويداعىداي اشۋ جونىندەگى ماڭىزدى نۇسقاۋىنىڭ رۋحىن مۇقيات دايەكتى تياناقتاندىرىپ، دۇرىس ساياسي باعداردا تاباندى بولىپ، جيىن اشىلىپ جاتقان كەزدەگى جانە باسقا ۋاقىتتاعى، توراپتاعى جانە توراپ سىرتىنداعى حابارلاۋ قيمىلدارىنىڭ ۇشتاسۋىنان جازباي، گازەت، توراپ، تەرمينال، ميكرو بلوگ، ەكران سياقتى دانەكەرلەر جاعىنان جۇمىلا كۇش سالۋدا تاباندى بولىپ، حالىق ساياسي كەڭەسىنىڭ پارتيا مەن مەملەكەتتىڭ وزەكتى مىندەتتەرىنە نازاردى شوعىرلاندىرا وتىرىپ بورىشتى ادا ەتۋىندەگى تابىستاردى الۋان فورمامەن، ءار ءتۇرلى تۇرعىدان كوپ ساتى بويىنشا ۇگىتتەپ، مۇشەلەردىڭ مەملەكەت ىستەرىنە ارالاسۋداعى، پىكىر – ۇسىنىس بەرۋدەگى كەلبەتىن بەينەلەپ، نەگىزگى اۋەندى اسقاقتاتىپ، وڭ ەنەرگيا توپتاپ، توراپتا جانە توراپ سىرتىندا سەلبەسۋدى ءساتتى ورىنداپ، ءماجىلىستىڭ ءساتتى اشىلۋىنا ماڭىزدى ۇلەس قوستى.
