3 – ايدىڭ 12 – كۇنى مەملەكەتتىك حالىق قۇرىلتايى ۋاكىلى، يۇننان بايياۋ توبى شەكتى جارنا سەرىكتىگىنىڭ زەرتتەۋ - اشۋ باس باقىلاۋشىسى جۋ جاۋيۇن بىلاي دەدى: «ءدارىنىڭ ءوندىرىلۋ، جاسالۋ، تاسىمالدانۋ سىندى وتكەلدەرىندەگى ساپاسىن مىقتى يگەرگەندە عانا ءدارى – دارمەكتىڭ وتكەلدەن وتۋىنە كەپىلدىك ەتۋگە بولادى. ونىڭ قاراۋىنشا، ءدارى – دارمەكتىڭ جوعارى ساپالى دامۋىن جۇزەگە اسىرىپ، كوپتەگەن ۇلتتىق ءدارى – دارمەكتەردى مەملەكەت قاقپاسىن شىعارىپ، دۇنيە جۇزىنە بەتالدىرۋ باستى نىسانا بولسا، وسى نىسانانى جۇزەگە اسىرۋ ءۇشىن، ءدارىنىڭ جالپى جاسالۋ بارىسىنداعى ساپا، زەيىن – زەردە بارىسىن مىقتى يگەرىپ، تيبىن وزگەرتىپ، دارەجەسىن جوعارىلاتۋ كەرەك ەكەن.
جۋ جاۋيۇن يۇننان بايياۋ توبىنىڭ دامۋ بارىسىنداعى جاسامپازدىقتىڭ ماڭىزدىلىعىن پايىمداپ ءوتتى. يۇنناندا مول جۇڭگوشا ءشوپ دارىلەر قاينارى بار ءارى كوپ ساندى از ۇلتتاردىڭ ءداستۇرلى ەمدەۋ، ءدارى – دارمەك اقىل – پاراساتى شوعىرلانعان، ءتىرى ورگانيزمدەردىڭ كوپ تۇرلىلىگىنە قوسىلعان ۇلتتىق الۋان تۇرلىلىك جۇڭگوشا ءدارى – دارمەكتەردىڭ جاڭالىق جاراتىپ دامۋىنا ابزال شارت ازىرلەپ بەرگەن. «ءجۇز نەشە جىلدىڭ الدىندا يۇننانداعى يزۋلاردىڭ چۇيحۋانجاڭ دەگەن جەرىندەگى ايگىلى شيپاگەر يۇننان بايياۋ تالقان ءدارىسىن تاپقىرلاعان. بايياۋ تالقان ءدارىسىن جاسايتىن نەشە ۇرپاق كىسىلەر وسى نەگىزدە، جاپسىرما ءدارى، تۇمانداندىرعىش، جاپسىرعىش، كاپسۋل سياقتىلاردى زەرتتەپ اشىپ، ونىمدەرىن اقاۋسىزدىق سالالارىنا دەيىن كەڭەيتكەن.
