1. اعىمداعى ورىن:
  2. باس بەت
  3. ﻧﺎزارﻳﺎﻟﯩﻖ ۇﻳﺮەﻧﯟ
  4. زاڭ - ەرەجە

جاڭالىق اشۋعا تالپىنۋ مەن ۇلەس قوسۋعا كۇش سالۋ باعدارىن ورناتايىق (تىڭ ءسوز)

日期:2020年12月21日
来源:人民网
【字体:

  جوعارى مەكتەپتەر مەكتەپتىڭ باعدارى مەن عىلىمي دامۋ جوسپارىن نەگىز ەتىپ، دارىندىلاردى دالمە – ءدال ەنگىزىپ، دارىندىلارعا باعا بەرۋدە «اتاعىن» بىردەن – ءبىر ولشەم ەتۋگە بوي ۇرماۋى كەرەك

  رەفورما جاساپ، ەسىك اشقاننان بەرى، وتە – موتە، الدىڭعى عاسىردىڭ 90 – جىلدارىنان سوڭ، مەملەكەتتەن تارتىپ جەرگىلىكتى ورىندارعا دەيىن، ءتىپتى جوعارى مەكتەپتەرگە دەيىن، بارلىعى دا دارىندىلاردى ەنگىزۋدىڭ ءتۇرلى جوسپارىن جاساپ، بەينەسى ۇزدىك بولعان جوعارى دارەجەلى دارىندىلارعا دارىندى اتاعىن بەرىپ، عىلىمي زەرتتەۋ نىسانىنا قارجىلىق قولداۋ كورسەتتى. دارىندىلار جونىندەگى ءبىرقىدىرۋ جوسپاردىڭ اتقارىلۋى ۇزاق ۋاقىتتان بەرى جوعارى مەكتەپتەردىڭ دامۋىندا داعدارىپ كەلگەن دارىندىلار جەتىسپەۋى سىندى جاعدايدى وڭالتىپ، بەلسەندى رول اتقاردى. قازىر ەلىمىزدە جالپى تۇلعالىق دارىندىلار قوسىنى ءالى دە كەمشىل كۇيدە ، دارىندىلاردىڭ وڭىرلىك تارالىمى بەلگىلى دەڭگەيدە تەڭگەرىمسىز بولۋ قۇبىلىسى ساقتالۋدا. دارىندىلارعا دەگەن قاجەتسىنۋ مەن دارىندىلاردىڭ جەتىلۋىندەگى تەڭگەرىمسىزدىك، جەتكىلىكسىزدىك اراسىنداعى قايشىلىق «اتاعى بار دارىندىلاردى» يەلەۋگە كۇش سالۋ، «اتاعى بار دارىندىلاردىڭ» كوپ - ازدىعىن وقىتۋ ورەسىنىڭ جوعارى – تومەندىگىن پارىقتاۋدىڭ ولشەمى دەپ قاراۋ سىندى ءتۇرلى كىناراتتاردى كەلتىرىپ شىعاردى.

  ماسەلە «اتاقتىڭ» وزىندە تۇرعان جوق، ماسەلە «اتاقشىلدىقتا» تۇر. سوندىقتان، دارىندىلاردى قابىلداۋ قىزمەتى بارىسىندا، ءبىز «بەس ءتۇرلى شىلدىقتى» الاستاۋدىڭ مازمۇنى مەن ءمانىن دۇرىس مەڭگەرۋىمىز، «شىلدىق» سىندى ناشار بەتالىستان ارىلىپ، جاڭالىق اشۋعا تالپىنۋ مەن ۇلەس قوسۋعا كۇش سالۋ باعدارىن تىكتەۋىمىز كەرەك. قازىر ەلىمىزدەگى جوعارى دارەجەلى وقۋ – اعارتۋ جاعىندا، ءسوزسىز، جوعارى دارەجەلى دارىندىلاردى شوعىرلاندىرۋ قاجەت. بۇل ءۇشىن دارىندىلارعا باعا بەرۋ جۇيەسىن اناعۇرلىم جەتىلدىرۋ، دارىندى اتاعىنىڭ عىلىميلىق سيپاتىنا، داڭق سيپاتىنا قايتا بەت تۇزەپ، دارىندىلاردىڭ زەيىن سالا ادام تاربيەلەۋ، مۇقيات زەرتتەۋ جۇرگىزۋ جاعىنداعى ىشكى قوزعاۋشى كۇشىن شىنايى شابىتتاندىرۋىمىز كەرەك. جوعارىداعى نىسانانى ورىنداۋ ءۇشىن مەملەكەتتىڭ ءبىرتۇتاس جوسپارلاۋى، جوعارى مەكتەپتەردىڭ دەربەس ارەكەتتەنۋى، جەكەلەردىڭ تارتىپكە سانالى بويسۇنۋى قاتارلى ءۇش جاقتان بىردەي ىلگەرىلەتۋ كەرەك.

  دارىندىلاردى تاربيەلەۋ، ىستەتۋ، ولارعا باعا بەرۋ مەحانيزمىندە، قۇندى جەتەكشى باعدار ەتۋگە، مەملەكەتتىڭ كەلەلى ستراتەگياسىنا جانە وڭىرلىك ەكونوميكا مەن قوعام دامۋىنىڭ قاجەتىنە قىزمەت وتەۋدى كۇشەيتۋ باعدارىندا تاباندى بولۋ كەرەك. جوعارى مەكتەپتەر مەكتەپتىڭ باعدارى مەن عىلىمي دامۋ جوسپارىنا ساي، دارىندىلاردى دالمە – ءدال ەنگىزۋى، دارىندىلارعا باعا بەرۋدە «اتاعىن» بىردەن – ءبىر ولشەم ەتپەۋى كەرەك. سول ورىننىڭ ءىس جۇزىندىك جاعدايىنا ۇشتاستىرماي، اتاعىنىڭ زورلىعىنا، اتاعىنىڭ كوپتىگىنە، شەتەلدەن العان اتاعىنا بوي ۇرۋدى، ادامعا «اتاعىنا» قاراي باعا بەرۋ، كوزسىزدىكپەن اۋقىمعا ىلەسىپ، مامىلە بەرۋ جاعىندا باسەكەلەسۋ جاعدايىن وزگەرتۋ كەرەك. جوعارى مەكتەپتەردەگى دارىندى اتاعىنا ساي قابىلدانعاندار وقۋ – اعارتۋ، وقىتۋ مىندەتىن ءوزىنىڭ اتقاراتىن تابيعي مىندەتى ەتە وتىرىپ، پارتيا ءۇشىن ادام تاربيەلەپ، مەملەكەت ءۇشىن دارىندى جەتىلدىرىپ، ءمورال تىكتەپ، ادام تاربيەلەۋ بارىسىندا وزدەرىنىڭ ساپاسىن اناعۇرلىم جوعارىلاتۋى كەرەك. وسىلاي ىستەگەندە عانا دارىندىلارعا باعا بەرۋدە ساقتالىپ وتىرعان الىستى كورە الماۋ، مۇددەشىلدىك نىسايىن تۇبىرىنەن وزگەرتىپ، جاڭالىق اشۋ مەن ۇلەس قوسۋدى باعدار ەتكەن تاماشا دارىندىلار قىزمەتى ەكولوگياسىن ۇزدىكسىز قۇرۋعا جانە قالىپتاستىرۋعا بولادى.

http://kazakh.people.com.cn/158373/15833308.html