جاڭالىق اشۋ — ءبىرىنشى وندىرگىش كۇش، دارىندىلار — ءبىرىنشى بايلىق. جاڭالىق اشۋدىڭ ەلىمىز وسىزامانداندىرۋ قۇرىلىسىنىڭ جالپى جاعدايىندا وزەكتى ورىن الاتىندىعىنا اباندى بولۋ، عىلىم – تەحنيكادا ءوز كۇشىنە سۇيەنىپ، ءوزىن قۇدىرەتتەندىرۋدى مەملەكەتتى دامىتۋدىڭ ستراتەگيالىق تىرەگى رەتىندە قاراۋدا، عىلىم – تەحنيكا جاعىنداعى جاس دارىندىلاردى جەتىلدىرۋگە ءمان بەرۋ كەرەك
باس شۋجي شي جينپيڭ عالىمدارمەن وتكىزىلگەن اڭگىمە ماجىلىسىندە مىنانى اتاپ كورسەتكەن: عىلىم – تەحنيكا جاعىنداعى جاس دارىندىلاردىڭ جەتىلۋىنە وسكەلەڭ ءمان بەرىپ، ولاردىڭ عىلىم – تەحنيكادا جاڭالىق اشۋدىڭ نەگىزگى قوسىنى بولۋىنا شارت – جاعداي جاساۋ كەرەك.
جۋىردا جاقسى حابار تارادى: 2017 – جىلى تۇڭعىش رەت دارىندىلار قىزمەتى ءماجىلىسى اشىلعاننان بەرى، جۇڭگو اۋىل شارۋاشىلىعى عىلىم اكادەمياسى ءبىرقانشا كەلەلى ءتۇپنۇسقالىق عىلىمي بايقاۋلارعا قول جەتكىزدى، تۇڭعىش رەت بۋدانداستىرىلعان كۇرىش تۇقىمىن ءساتتى كلوندادى، تۇلعاسى ەكى ەسە كەلەتىن كارتوپتىڭ وزىنەن – ءوزى توزاڭدانباۋى جانە وزىنەن – ءوزى توزاڭدانعان سوڭ السىرەۋى سىندى قيىن ماسەلەنى شەشتى ... وسىنشاما كوپ ناتيجەلەرگە قول جەتكىزۋدەگى باستى سەبەپ — جۇڭگو اۋىل شارۋاشىلىعى عىلىم اكادەمياسى دارىندىلار بەلەسىن كۇش سالا قۇرىپ، جاڭالىق اشۋ ەكولوگياسىن جاقسارتىپ، عىلىم – تەحنيكا سالاسىنداعى جاس دارىندىلاردىڭ قارا ءۇزىپ العا شىعۋىنا، عىلىمي زەرتتەۋدىڭ تىرەگى بولۋىنا شارت – جاعداي ازىرلەدى.
جاستار جالىندى بولسا، مەملەكەت كوركەيەدى، جاستار الىمدى بولسا، مەملەكەت قۇدىرەتتى بولادى. عىلىمي دامۋ زاڭدىلىعى مىنانى ىسپاتتادى: جاستاردىڭ دارىنى جەتىلدىرىلسە، عىلىم – تەحنيكانىڭ بولاشاعى نۇرلى بولادى. عىلىمي زەرتتەۋ ىستەرىندە سوڭىنان ىلەسە جۇگىرۋدەن، باستاپ جۇگىرىپ باسىپ وزۋدى ورىنداۋ ءۇشىن، ۇزدىك جاس دارىندىلاردى ايرىقشا بايقاۋ جانە ولاردى ەمىن - ەركىن ىستەتۋ، ولاردىڭ قارا ءۇزىپ العا شىعۋىنا ساحنا ازىرلەۋ كەرەك.
جاڭا جۇڭگوداعى ەڭ ەرتە قۇرىلعان ءۇش ءىرى اكادەميانىڭ ءبىرى رەتىندە، جۇڭگو اۋىل شارۋاشىلىعى اكادەمياسى باسقا اكادەميا، مەكەمەلەرمەن بىرگە رەفورمانى ۇزدىكسىز تەرەڭدەتۋ بارىسىندا كوپتەگەن ماسەلەلەردى بايقادى. وسى جونىندە، جۇڭگو اۋىل شارۋاشىلىعى اكادەمياسى ىلگەرىندى – كەيىندى ەڭبەكاقىنى ەڭ تومەنگى شەكتەن تۇسىرمەۋ جانە جاس دارىندىلاردى جەتىلدىرۋ ينجەنەرياسىن اتقارىپ، قاراجات جاعىندا ورنىقتى دا ۇزدىكسىز قولداۋ كورسەتىپ، «ستاجىنا قاراي قاتارعا تۇرعىزۋ» جانە «ءتورت ءتۇرلى شىلدىق» نىسايىن الاستاپ، 40 جاستان تومەنگى زەرتتەرمەندەر مەن 35 جاستان تومەنگى ورىنباسار زەرتتەرمەندەردىڭ دارەجەسىن وسىرۋدەگى «جاسىل ءدالىز» قاتارلى جاس دارىندىلارعا قولداۋ كورسەتەتىن ءبىرقىدىرۋ ساياساتتىق شارالاردى اتقارىپ، ولاردىڭ جەدەل جەتىلۋىنە كومەكتەستى.
http://kazakh.people.com.cn/158373/15832613.html
