جۋىردا، شاندۇڭ ولكەسىنىڭ ۋەيفاڭ قالاسىندا، قالا تۇرعىنى جاڭ ليگاڭ بۇرىن بىرنەشە كۇندە ازەر بىتىرەتىن ءۇيدى وتكەرمەلەۋ رەسميەتتەرىن 40 مينۋتقا جەتپەيتىن ۋاقىتتا ءبىتىرىپ بولدى؛ چۇڭچيڭنىڭ ديانجياڭ اۋدانىندا، ۇكىمەت تاراۋلارى ينتەرنەت ارقىلى تۇرعىنداردىڭ قالا ىستەرىنە وزگەرىس ەنگىزۋ جونىندەگى پىكىرىن كەڭ كولەمدە جيناقتادى؛ ءادىليا مينيسترلىگىنىڭ «اكىمشىلىك زاڭ اتقارۋدى باقىلاۋ – سىنداۋ جانە ۇسىنىس بەرۋ» تەكشەسى ينتەرنەتتە ىسكە قوسىلىپ، جەر – جەردەگى اكىمشىلىك زاڭ اتقارۋ قىزمەتكەرلەرىنىڭ مىندەتىن اتقارماۋ، مىندەتىن ورىنسىز اتقارۋ، زاڭدى قالاۋىنا قاراي اتقارۋ، زاڭ اتقارۋدا ءادىل بولماۋ، زاڭ اتقارۋ ءتاسىلى وركەنيەتتىلىككە جات بولۋ، «زورلىقتى كۇشپەن زاڭ اتقارۋ» قاتارلى ماسەلەلەرگە قاتىستى ءجىپ ۇشتارىن ءتۇيىندى تۇردە جيناقتادى. جۋىرداعى جىلداردان بەرى، «ۇقىقتى تومەنگە بەرۋ مەن باسقارۋدى ۇشتاستىرۋ جانە قىزمەت وتەۋدى ساپالىلاندىرۋ» رەفورماسى ۇزدىكسىز تەرەڭدەتىلىپ، قاتاڭ، جۇيەلى، ءادىل، وركەنيەتتى اكىمشىلىك زاڭ اتقارۋ ىستەرى ۇزدىكسىز ىلگەرىلەتىلدى.
جۋىردا، ورتالىق كوميتەتتىڭ مەملەكەتتى جاپپاي زاڭمەن باسقارۋ جونىندەگى قىزمەت ماجىلىسىندە، باس شۋجي شي جينپيڭ مىنانى باسا دارىپتەدى: زاڭمەن جونگە سالىناتىن ۇكىمەت قۇرىلىسى — ءتۇيىندى مىندەت جانە نەگىزگى تۇلعالىق ينجەنەريا، بۇل جاعىندا باستاماشىلدىقپەن ناتيجە جاراتۋ كەرەك، زاڭمەن جونگە سالۋ ارقىلى اكىمشىلىك ۇقىق جونىندە ەرەجە بەلگىلەۋ، شەك قويۋ، اكىمشىلىك شەشىم جاساۋ ءتارتىبىن جۇيەگە ءتۇسىرۋ، ۇكىمەتتىڭ مىندەت فۋنكتسياسىندا بۇرىلىس جاساۋدى جەدەلدەتۋ كەرەك.
«زاڭ اتقارۋشى — جونگە سالۋدىڭ ءتۇيىنى»، زاڭ – تۇزىمدەر اكىمشىلىك ورگانداردىڭ اتقارۋىن قاجەت ەتەدى، ەكونوميكالىق جاقتان رەتكە سالۋ، بازاردى باقىلاۋ – باسقارۋ، قوعامدىق جونگە سالۋ قاتارلى ماڭىزدى مىندەت جاۋاپكەرشىلىگىن اكىمشىلىك ورگاندار ۇستىنە الۋى قاجەت، ءار دارەجەلى اكىمشىلىك ورگاندار — حالىق جۇرتشىلىعىمەن ەڭ كوپ بارىس – كەلىس جاسايتىن مەملەكەت ورگاندارى. مەملەكەتتى جاپپاي زاڭمەن جونگە سالۋدىڭ ناتيجەسىنىڭ قالاي بولۋى، حالىق جۇرتشىلىعىنىڭ زاڭمەن جونگە سالاتىن ۇكىمەت قۇرىلىسىنىڭ ناتيجەسىنە بەرگەن باعاسىمەن تىعىز قاتىستى.
«حالىقتىڭ قالاۋى، بيلىك جۇرگىزۋدىڭ باعدارى». باس شۋجي شي جينپيڭ مىنانى باسا دارىپتەدى: مەملەكەتتى جاپپاي زاڭمەن جونگە سالۋدى ىلگەرىلەتۋدە، مەملەكەتتى زاڭمەن جونگە سالۋدى، ۇكىمەتتى زاڭمەن جونگە سالۋدى، قوعامدى زاڭمەن جونگە سالۋدى ءبىر تۇلعالاندىرۋ قۇرىلىسىندا تاباندى بولۋ كەرەك، مۇندا ۇكىمەتتى زاڭمەن جونگە سالۋ قۇرىلىسى ءتۇيىندى مىندەت بولىپ، مەملەكەتتى زاڭمەن جونگە سالۋ مەن قوعامدى زاڭمەن جونگە سالۋ قۇرىلىسى بارىسىندا ۇلگى كورسەتۋ، جەتەلەۋ رولىن اتقارۋ كەرەك.
بيىل — «ۇكىمەتتى زاڭمەن جونگە سالۋ قۇرىلىسىن اتقارۋ جوباسىن (2015 – جىلدان 2020 - جىلعا دەيىن)» اتقارۋدىڭ سىرگە جيار جىلى، ءار دارەجەلى اكىمشىلىك ورگاندارى جوسپاردا ايقىندالعان ۇكىمەتتى زاڭمەن باسقارۋ قۇرىلىسىنىڭ «جول كارتاسى»، «قۇرىلىس شەرتوجى» بويىنشا، مىندەتتىك جاۋاپكەرشىلىكتەرىن اتقارىپ، مىندەتتىك ۇقىقتارىن ىسكە قوسىپ، حالىق جۇرتشىلىعىنىڭ يگىلىكتەنەتىن زاڭدى ۇقىق – مۇددەلەرىن زاڭ بويىنشا قورعادى. «رۇقساتناما مەن كۋالىكتى ايىرۋ» رەفورماسى جاپپاي ىلگەرىلەتىلىپ، كاسىپورىن اشۋ، تۇراقتى مۇلىكتى تىزىمگە الدىرۋ قاتارلى ىستەردى ءبىتىرۋ ۋاقىتى %50 تەن استام قىسقارتىلدى؛ ۇكىمەت ينفورماتسياسىن اشىق ۇستاۋ ەرەجەسىنە دەر كەزىندە وزگەرىس ەنگىزىلىپ، ۇكىمەتتىڭ سەنىمدىلىگىنە ارناۋلى باقىلاۋ – جەتەكشىلىك ەتۋ، تەكسەرۋ جۇرگىزىلدى؛ زاڭ اتقارۋ جاعىنداعى «ءۇش ءتۇرلى ءتۇزىم» جاپپاي ىلگەرىلەتىلىپ، زاڭ اتقارۋ جاعىندا مىندەتىن اتقارماۋ، زاڭدىق مىندەتتى ورىنسىز اتقارۋ قاتارلى ماسەلەلەردەن قاينارىنان باستاپ ساقتانۋ جولعا قويىلدى ءارى تۇزەتۋ ەنگىزىلدى ...
زاڭمەن جونگە سالۋ وي جەلىسىن كۇشەيتىپ، زاڭمەن جونگە سالۋ ءتاسىلىن قولدانۋ كەرەك، ۇكىمەت تاراۋلارى ماسەلەنى شەشىم ەتۋدە زاڭنان پايدالانىپ، قايشىلىقتاردى شەشىم ەتۋدە زاڭعا سۇيەنگەندە عانا، ونى سانالى تالعامعا اينالدىرۋعا بولادى؛ زاڭمەن جونگە سالۋدىڭ جەتەكشىلىگى مەن جونگە سالۋى بولعاندا عانا، اكىمشىلىك ورگانداردىڭ زاڭ بويىنشا اكىمشىلىك جۇرگىزۋ ورەسى ۇزدىكسىز جوعارىلايدى. فۋنكتسياسى عىلىمي، ۇقىق جاۋاپكەرشىلىگى زاڭدا بەلگىلەنگەن، زاڭ اتقارۋدا قاتاڭ، اشىق تا ءادىل، پاك تە ءونىمدى، زاڭعا بويسۇنىپ، سەنىمدىلىكتى دارىپتەيتىن زاڭمەن جونگە سالىناتىن ۇكىمەت قۇرعاندا، حالىق جۇرتىشلىعىنىڭ اناعۇرلىم مول تابىس سەزىمىنە، باقىت سەزىمىنە، حاۋىپسىزدىك سەزىمىنە يە بولاتىنى داۋسىز.
http://kazakh.people.com.cn/158373/15832359.html
