پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ماقۇلدانعان «ج ك پ ورتالىق كوميتەتىنىڭ حالىق شارۋاشىلىعى مەن قوعامدىق دامۋدىڭ 14 - بەسجىلدىق پلانى مەن 2035 - جىلعا دەيىنگى بولاشاقتىق نىساناسىن جاساۋ جونىندەگى ۇسىنىسىندا» (تومەندە قىسقاشا «ۇسىنىس» دەلىنەدى): «14 - بەسجىلدىق» مەزگىلىندە ەكونوميكالىق، قوعامدىق دامۋدا «جوعارى ساپالى دامۋدى ىلگەرىلەتۋدى نەگىزگى تاقىرىپ ەتۋ كەرەك» دەپ اشىق ورتاعا قويىلعان. بۇل پارتيا 19 - قۇرىلتايىنىڭ ەلىمىز ەكونوميكاسىنىڭ جوعارى قارقىنمەن ارتۋ كەزەڭىنەن جوعارى ساپالى دامۋ كەزەڭىنە وتكەندىگى جونىندەگى عىلىمي تۇجىرىمىن ايگىلەدى، بۇل پارتيامىزدىڭ ەكونوميكالىق، قوعامدىق دامۋدىڭ زاڭدىلىعى جونىندەگى تانىمى مەن قولدانۋىنىڭ تىڭ ورەگە جەتكەندىگىن بىلدىرەدى. ءبىز جوعارى ساپالى دامۋدى نەگىزگى تاقىرىپ ەتۋدىڭ تەرەڭ مازمۇنى مەن كەلەلى ماڭىزىن جان - جاقتىلى ءتۇسىنىپ، جوعارى ساپالى دامۋدى ىلگەرىلەتۋ سانالىلىعى مەن تەبىنىن شىن مانىندە كۇشەيتىپ، جوعارى ساپالى دامۋ سىندى وسى نەگىزگى تاقىرىپتى «14 - بەسجىلدىق» مەزگىلىندەگى ەكونوميكالىق، قوعامدىق دامۋدىڭ ءارقايسى سالاسى مەن تۇتاس بارىسىنا ءسىڭىرۋىمىز كەرەك.
جوعارى ساپالى دامۋدى نەگىزگى تاقىرىپ ەتۋ − «14 - بەسجىلدىق» كەزىندەگى ەكونوميكالىق، قوعامدىق دامۋدى ىلگەرىلەتۋدىڭ قاجەتتى تالابى
جاڭا ءداۋىر، جاڭا دامۋ ساتىسىندا ەلىمىز دامۋىنىڭ ىشكى - سىرتقى ورتاسى تەرەڭ دە كۇردەلى وزگەرىستەرگە ءدوپ كەلىپ، «14 - بەسجىلدىق» مەزگىلىندەگى ەكونوميكالىق، قوعامدىق دامۋدا جوعارى ساپالى دامۋدى ىلگەرىلەتۋدى نەگىزگى تاقىرىپ ەتىپ تۇراقتاندىرۋ − ەلىمىزدىڭ دامۋ ساتىسىنا، دامۋ شارت - جاعدايىنا، دامۋ جاعدايىنىڭ وزگەرىسىنە سايكەسۋدىڭ تابيعي تالابى.
ەلىمىز قوعامىنداعى باستى قايشىلىقتىڭ وزگەرۋ قاجەتىنە ۇيلەسۋ كەرەك. پارتيا 19 - قۇرىلتايىندا «ەلىمىز قوعامىنداعى باستى قايشىلىق حالىقتىڭ كۇن سايىن ارتىپ وتىرعان تاماشا تۇرمىس قاجەتى مەن دامۋدىڭ بىركەلكى، تولىق بولماۋى اراسىنداعى قايشىلىققا وزگەردى» دەگەن كەلەلى تۇجىرىم جاسالدى. «14 - بەسجىلدىق» مەزگىلىندە دامۋدىڭ بىركەلكى، تولىق بولماۋى ماسەلەسىن شەشۋدى ىلگەرى باستىرىپ، ءونىم مەن قىزمەت وتەۋدى ءتىپتى دە تولىق قامداپ، قالا مەن اۋىلدىڭ وڭىرلىك دامۋىن ءتىپتى دە تەپە - تەڭ سايكەستىرۋگە بەت الدىرادى، ساپا مەن مولشەر سىندى ەكى جاقتان قوعامدىق وندىرگىش كۇشتىڭ دەڭگەيىن ونان ارى جوعارىلاتۋعا تۋرا كەلەدى، بۇل، سايىپ كەلگەندە، جوعارى ساپالى دامۋعا سۇيەنەدى. جوعارى ساپالى دامۋ دەگەنىمىز «بار ما» دەگەننەن «جاقسى ما، جامان با» دەگەنگە دەيىنگى دامۋ، اتاپ ايتقاندا، دامۋدىڭ بىركەلكى، تولىق بولماۋى ماسەلەسىن كۇش سالا شەشۋ. دامۋدىڭ بىركەلكى، تولىق بولماۋى − ماسەلەنىڭ تەتىگى ءارى جوعارى ساپالى دامۋدىڭ كومەسكى كۇشىنىڭ تياناعى. قوعامنىڭ وسى باستى قايشىلىعىن شەشۋ بارىسى − جوعارى ساپالى قامداۋ جەدەل ءوسىپ - جەتىلەتىن، دارەجەسى جوعارىلاعان سۇرانىس ءونىمدى قاناعاتتاناتىن بارىس، بۇل ءارى «14 - بەسجىلدىق» مەزگىلىندەگى ەلىمىزدىڭ ەكونوميكاسىنىڭ، قوعامىنىڭ ءۇرتىس، اقاۋسىز دامۋىنىڭ ماڭىزدى قوزعاۋشى كۇش قاينارى.
http://kazakh.people.com.cn/158373/15832293.html
