پارتيا 19 - كەزەكتى ورتالىق كوميتەتىنىڭ بەسىنشى جالپى ماجىلىسىندە ماقۇلدانعان «ج ك پ ورتالىق كوميتەتىنىڭ حالىق شارۋاشىلىعى مەن الەۋمەتتىك دامۋدىڭ 14 - بەسجىلدىق پلانىن جانە 2035 - جىلعا دەيىنگى بولاشاقتىق نىسانانى جاساۋ جونىندەگى ۇسىنىسى» (تومەندە قىسقاشا «ۇسىنىس» دەلىنەدى)، جۇڭگونىڭ الداعى 5 جىلدا، ءتىپتى ونان دا ۇزاق ۋاقىتتاعى ەلىمىزدىڭ ەكونوميكالىق، قوعامدىق دامۋىنىڭ جاڭا جوباسىن عىلىمي جوبالادى، بۇل − جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ ەكىنشى 100 جىلدىق كۇرەس نىساناسىنا جورىق جاساۋداعى تۇعىرنامالىق قۇجات.
«ۇسىنىستا» ەلىمىزدىڭ دامۋ ورتاسىنىڭ وزگەرىسى اكەلگەن وراي مەن سايىسقا وبيەكتيۆ تالداۋ جاسالدى، «قازىرگى جانە بۇدان كەيىنگى بىر مەزگىلدە، ەلىمىزدىڭ دامۋى ءالى دە ماڭىزدى ستراتەگيالىق وراي مەزگىلىندە تۇر، الايدا وراي مەن سىن ـ سايىستاردىڭ بارىندە جاڭا دامۋ وزگەرىسى بار» دەگەن اتاپ كورسەتىلدى. حالىقارالىق جاعدايدان الىپ قاراعاندا، قازىرگى دۇنيە ءجۇز جىلدا بولماعان زور وزگەرىستەردى باستان كەشىىرۋدە، جاڭا كەزەكتى عىلىم - تەحنيكا توڭكەرىسى جانە كاسىپ وزگەرىسى تەرەڭ دامىدى، حالىقارالىق كۇش سالىستىرماسى تەرەڭ رەتتەلدى، بەيبىتشىلىك پەن دامۋ ءالى دە ءداۋىردىڭ نەگىزگى تاقىرىبى، ادامزاتتىڭ تاعدىرلاس ورتاق تۇلعا ۇستانىمى جۇرت جۇرەگىنە تەرەڭ ۇيالادى، سونىمەن بىرگە، حالىقارالىق ورتا كۇن سايىن كۇردەلىلەسىپ، ورنىقسىزدىق، بەلگىسىزدىك كورنەكتى ارتتى، جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى كەڭ، تەرەڭ بولىپ، ەكونوميكانىڭ جاھاندانۋى كەرى اعىسقا ۇشىرادى، دۇنيە ءجۇزى اۋمالى ـ توكپەلى، وزگەرىس كەزەڭىنە ءوتتى، سىڭار جاقتىلىق، قورعامپازدىق، زورەكەرلىك دۇنيە ءجۇزىنىڭ بەيبىتشىلىگى مەن دامۋىنا حاۋىپ ءتوندىرىپ وتىر. ەل ىشىنەن الىپ قاراعاندا، ەلىمىز جوعارى ساپالى دامۋ كەزەڭىنە ءوتىپ، ءتۇزىم ابزالدىلىعى كورنەكتى بولدى، جونگە سالۋ ونىمدىلىگى جوعارىلاپ، ەكونوميكا ۇزاق ۋاقىت جاقسارىپ، زاتتىق نەگىزى مىعىم بولدى، ادام كۇشى بايلىعى مول، بازار ءورىسى كەڭ، دامۋى تەبىندى، قوعامدىق جالپى جاعداي ورنىقتى بولىپ، جالعاستى دامۋ كوپ جاقتىلى ابزالدىلىققا جانە شارت - جاعدايعا يە بولدى، سونىمەن بىرگە، ەلىمىز دامۋىنىڭ بىركەلكى، تولىق بولماۋ ماسەلەسى ءالى دە كورنەكتى، ءتۇيىندى سالالارداعى شەشۋشى بۋىندارداعى رەفورما مىندەتى ءالى دە جاپالى، جاڭالىق اشۋ قابىلەتى جوعارى ساپالى دامۋ تالابىنا ۇيلەسپەي، كەيبىر سالالاردا ءالى دە ولقىلىقتار مەن السىزدىكتەر ورىن تەۋىپ وتىر. جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ قارساڭىندا، اسىرەسە، جاڭا دامۋ ساتىسىنداعى جاڭا وراي، جاڭا سايىسقا ديالەكتيكالىق تۇرعىدان وي جۇگىرتىپ، حاۋىپ - قاتەردىڭ ىشىندەگى ورايدى كورە ءبىلدى، حاۋىپ – قاتەردى ورايعا اينالدىردى، حاۋىپ – قاتەردى جەڭىپ ورايعا اينالدىردى، سونداي - اق حاۋىپ - قاتەر تانىمىن كۇشەيتىپ، وزگەرىستى دۇرىس تانىپ، عىلىمي، ىرىقتى تۇردە وزگەرىپ، داعدارىس بارىسىندا ورايدى يگەرىپ، وزگەرىس بارىسىندا جاڭا جاعداي اشۋعا شەبەر بولدى.
http://kazakh.people.com.cn/158373/15832290.html
