پارتيا 19 ـ كەزەكتى ورتالىق كوميتەتىنىڭ بەسىنشى جالپى ءماجىلىسى − پارتيامىز «قوس 100 جىلدىق» تاريحي توعىسۋ تۇيىنىندە تۇرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋ جونىندە ستراتەگيالىق شەشەشىم جاساعان ماڭىزدى ءماجىلىس، ءبىزدىڭ جاڭا دامۋ كەزەڭىن عىلىمي تۇردە يگەرۋىمىزگە، جاڭا دامۋ ۇستانىمىن ىشكەرىلەي دايەكتىلەندىرۋىمىزگە، جاڭا دامۋ جاعدايىن جەدەل ورناتۋىمىزعا عىلىمي جەتەكشىلىك ازىرلەدى. جالپى ءماجىلىس «14- بەسجىلدىق» جوبانى 2035 - جىلعى بولاشاقتىق نىسانامەن ءبىرتۇتاس ويلاستىرىپ، «14 - بەسجىلدىق» جوبا كەزىندە ەلىمىزدىڭ دامۋى جونىندە جۇيەلى جوبا جانە ستراتەگيالىق ورنالاستىرۋ جاساپ، سوتسياليستىك وسىزاماندانعان مەملەكەت قۇرۋ ءۇشىن ايبىندى جوبا جاسادى.
پارتيامىز سوتسياليستىك وسىزامانداندىرۋ قۇرىلىسىن ستراتەگيالىق جوسپارلاۋعا ەجەلدەن باسا ءمان بەرىپ كەلەدى، ۇلى نىسانانى ءبىر - بىرلەپ ناقتى دا ءونىمدى نىسانا جانە مىندەتكە ءبولىپ، ساتىلى تۇردە، باسقىشقا ءبولىپ ورىنداپ، جۇڭگوشا سوتسياليزم ىستەرىن ىلگەرىلەتۋدە ۇزدىكسىز تىڭ جەڭىستەرگە قول جەتتى. جاڭا جۇڭگو قۇرىلعان العاشقى مەزگىلدە پارتيامىز سوتسياليستىك وسىزامانداندىرۋ قۇرىلىسىنىڭ دامۋ جولى مەن نەگىزگى زاڭدىلىعىن زەرتتەي باستادى. 1964 - جىلى ماۋ زىدۇڭ جولداستىڭ ۇسىنىسىنا ساي، جوۋ ىنلاي جولداس 3 - كەزەكتى بۇكىل مەملەكەتتىك حالىق قۇرىلتايىنىڭ ءبىرىنشى ماجىلىسىندە «ءتورتتى وسىزامانداندىرۋ» كۇرەس نىساناسىن رەسمي العا قويىپ، «ونشا ۇزاق بولماعان تاريحي داۋىردە، ەلىمىزدى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ كەرەك» دەگەندى العا قويدى. رەفورما جاساپ، ەسىك اشقاننان كەيىن، دىڭ شياۋپيڭ جولداس «ءتورتتى وسىزامانداندىرۋ» جۇڭگونىڭ ءىس جۇزىندىگىنە، سوتسياليزمنىڭ دامۋ زاڭدىلىعىنا قالاي اناعۇرلىم ۇيلەسۋ ماسەلەسىن ايقىن ورتاعا قويدى ءارى وسىزامانداندىرۋ قۇرىلىسىن «ءۇش قادامعا ءبولىپ ورىنداۋ» جوباسىن ورتاعا قويدى. پارتيانىڭ 18 - قۇرىلتايى پارتيانىڭ 16 -، 17- قۇرىلتايىندا بەلگىلەنگەن جاپپاي دوڭگەلەك داۋلەتتى قوعام قۇرۋ نىساناسى نەگىزىندە ءبىرقىدىرۋ جاڭا ورنالاستىرۋلار، جاڭا تالاپتار قويدى، 2020 - جىلعا بارعاندا جاپپاي دوڭگەلەك داۋلەتتى قوعام قۇرۋ كۇرەس نىساناسىن جۇزەگە اسىرۋ ورتاعا قويىلدى.
پارتيانىڭ 18 - قۇرىلتايىنان بەرى، شي جينپيڭ جولداستى ۇيىتقى ەتكەن پارتيا ورتالىق كوميتەتى «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىرتۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتتى، جۇڭگوشا سوتسياليزم جاڭا داۋىرگە ءوتتى. پارتيا 19 ـ قۇرىلتايىنان 20 ـ قۇرىلتايىنا دەيىنگى مەزگىل «قوس 100 جىلدىق» كۇرەس نىساناسىنىڭ تاريحي توعىسۋ كەزەڭى. ءبىز جاپپاي دوڭگەلەك داۋلەتتى قوعام قۇرىپ شىعىپ، ءبىرىنشى 100 جىلدىق كۇرەس نىساناسىن جۇزەگە اسىرۋىمىز كەرەك، ءارى ورايدان پايدالانىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاپ، ەكىنشى 100 جىلدىق كۇرەس نىساناسىنا جورىق جاساۋىمىز كەرەك. ەكىنشى 100 جىلدىق كۇرەس نىساناسى ەكى ساتىعا ءبولىنىپ ورنالاستىرىلدى. ءبىرىنشى ساتى، 2020 - جىلدان 2035 - جىلعا دەيىن، جاپپاي دوڭگەلەك داۋلەتتى قوعام قۇرۋ نەگىزىندە تاعى 15 جىل كۇرەس جاساپ، سوتسياليستىك وسىزامانداندىرۋدى نەگىزىنەن جۇزەگە اسىرۋ كەرەك. بۇل پارتيامىزدىڭ وتكەن عاسىردىڭ 80 - جىلدارىندا العا قويعان 21 - عاسىردىڭ ورتا شەنىندە وسىزامانداندىرۋدى نەگىزىنەن جۇزەگە اسىرۋ نىساناسىن 2035 - جىلى كۇنى بۇرىن ورىندايدى. ەكىنشى ساتى، 2035 – جىلدان وسى عاسىردىڭ ورتا شەنىنە دەيىن، وسىزامانداندىرۋدى نەگىزىنەن جۇزەگە اسىرۋ نەگىزىندە تاعى 15 جىل كۇرەس جاساپ، ەلىمىزدى باي دا قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعامىز.
http://kazakh.people.com.cn/158373/15831512.html
