ءتوراعا شي جينپيڭ 3 ـ كەزەكتى جۇڭگو حالىقارالىق يمپورت كورمەسىنىڭ اشىلۋ سالتىنداعى ارقاۋ سوزىندە بىلاي دەپ اتاپ كورسەتتى: «تاريحتان الىپ قاراساق، مەيلى قانداي حاۋىپ - قاتەرگە، قانداي اپاتقا، قانداي كەراعارلىققا ۇشىراسا دا، ادامزات قوعامى قاشاندا العا ىلگەرىلەپ وتىردى، ونىڭ ۇستىنە، ءسوزسىز، ۇزدىكسىز العا ىلگەرىلەيدى.» جاڭا تيپتى ايدارشا ۆيرۋس وكپە قابىنۋ ىندەتى دۇنيە ەكونوميكاسىنىڭ ورنىقسىز، تۇراقسىز فاكتورىن كوبەيتتى، ءبىراق ءبىز حالىقارالىق جاعدايعا جالپى بەتتىك، ديالەكتيكالىق، ۇزاق بولاشاقتىق تۇرعىدان قاراۋىمىز كەرەك، ادامزات قوعامى دامۋىنىڭ جالپى جاعدايى وزگەرگەن جوق، ءار ەلدىڭ ەسىك اشۋعا، سەلبەستىك جاساۋعا بەت العان جالپى جاعدايى وزگەرگەن جوق.
ادامزات قوعامىنىڭ ءوزارا يەك سۇيەپ وتىرعان، تاعدىرلاستىق اۋقىمى وزگەرگەن جوق، وزگەرۋى دە مۇمكىن ەمەس، تەك ۋاقىتتىڭ وتۋىمەن بىرگە اناعۇرلىم كورنەكتىلەنەدى جانە كۇشەيەدى. جاڭا تيپتى ايدارشا ۆيرۋس وكپە قابىنۋ ىندەتىنىڭ حاۋپى الدىندا، ءار ەل حالقى تەك ءبىر - بىرىنە كومەكتەسىپ، ءبىر جاعادان باس، ءبىر جەڭنەن قول شىعارعاندا عانا جەڭىسكە جەتەدى. كەزەكتە، ادامزاتتىڭ تاعدىرلاستىق ، قۋانىش - جۇبانىش تانىمىن حالىقارالىق قوعام جاپپاي مويىندادى جانە قابىلدادى. مىسالى، ىندەت جاعدايى تۋىلعاننان كەيىن، دۇنيە جۇزىلىك دەنساۋلىق ساقتاۋ ۇيىمى اۋرۋ جاعدايى ينفورماتسياسى جونىندە حالىقارالىق اۋىس - كۇيىس جاسادى جانە وعان جەتەكشىلىك ەتتى، ءار ەل الدىن الۋ تەحنيكاسى جاعىندا ءوزارا كومەكتەسۋ جانە ءدارى - دارمەك ۋاكسيناسىن اشۋ سەلبەستىگىن جۇرگىزدى، الەمدىك ىندەتكە قارسى تۇرۋ سەلبەستىك جۇيەسى قالىپتاسىپ، ادامزاتتىڭ تاعدىرلاس ورتاق تۇلعاسى تانىمى بەكەمدەلدى جانە كۇشەيدى.
ەكونوميكانىڭ جاھاندانۋى − ادامزات قوعامىنىڭ ءوندىرىس، تۇرمىسى دامىپ بەلگىلى ساتىعا جەتكەندىگىنىڭ تابيعي تۋىندىسى. جاڭا تيپتى ايدارشا ۆيرۋس وكپە قابىنۋ ىندەتى دۇنيە ءجۇزى ەكونوميكاسى اينالىسىنىڭ جالپى ريتىمىن بۇزعانىمەن، دۇنيە جۇزىلىك كاسىپ تىزبەگى مەن قامداۋ تىزبەگىندە ءۇزىلىس تۋىلعانىمەن، ءبىراق ءار ەل ەكونوميكاسىنىڭ ءوزارا تولىقتاۋ سيپاتى وزگەرمەدى ءارى وزگەرمەيدى. ەكونوميكانىڭ جاھاندانۋىنىڭ ىشكەرىلەي دامۋىنا بايلانىستى، مەيلى دامىعان ەلدەر بولسىن، دامۋ جولىنداعى ەلدەر بولسىن، ەسىك اشۋ شارت - جاعدايىندا عانا گۇلدەنىپ - كوركەيە الادى.
http://kazakh.people.com.cn/158373/15830937.html
